1 TUNUNG RU BANSA' ISRAIL 21:22 - Tanou Moonsoi Timugon

²² Indagu Raja' Daut riso, “Masaga' aku mambaal ra altar ru Tuhan ra intok ragitio. Ginio ra talano' tana' ti raki'. Raguo' noyo kula' logo no, am bayarin ku.”

1 TUNUNG RU BANSA' ISRAIL 21:22 ပူးပေါင်းရင်းမြစ်များ

KASAUKAN 23:9

koson talanon no raki' Luang Batu Makpila ondo' nansiib ra umo nano. Patalani' riso tana' no raki' ragiti sabap makapabukat manginono'. Logo no ukopon ku toojo bayari' maa' raginio tana' no aku tatangan koson ra tana' kalabangan.”

KASAUKAN 50:10

Pakasaboi ilo ra intok mangagik ra gandum giu' ra Atad, tampilon sirangon ru Sungoi Jordan, panulaboi ilo ra mangiluk am bolos matangil. Paugaro' ri Jusup kaulayan mangulir buoi katuluan.

2 SAMUIL 24:21

am pangkuot, “Atan kuayan ru ratangan mutu raja'?” Taam Raja' Daut, “Koson mambali ra intok pangagikan ra gandum mutu, am koson mambaal ra altar ra tayar ru Tuhan, maa' raginio maruol tumapik ti tumaru'.”

1 RAJA'-RAJA' 21:2

Paat ra sangarawan indagu Raja' Agab ri Nabot, “Pataako' raki' umo ru anggur muno, sabap ra umo no maar ra istana kuno. Alapon ku ginio ra umo ru sayur. Aligin ku ginio ra umo ru anggur ondo' moonsoi poyo. Kapoam amon ru masaga' kou, bayarin ku ginio ra logo ra matanda'.”

1 TUNUNG RU BANSA' ISRAIL 21:21

Paat ri Arauna nakakito ra Raja' Daut matong, inuma' no io am igulatur ra saang nano.

1 TUNUNG RU BANSA' ISRAIL 21:23

Taam i Arauna, “Raja' kuno, alapo' noyo, baalo' noyo ngaangai' kasagaan muno raja'. Alapo' noyo sapi'-sapi' ti koson ra taak simbalui koson mapabansuk ra guang ru Tuhan, am alapo' noyo papan pangagikan koson ra luton. Alapo' noyo gandum koson pataakon koson ra taak simbalui kaunaran. Taakin ku ngaangai' no rirun raja'. Kalo pana bayarin mu logo no.”

UNTABAN 16:48

Ginio ra longgo' maruol tumapik no am bigor i Arun giu' ra tatanga' ru ulun ondo' lakat poyo maayag am ondo' minatoi noyo.

UNTABAN 25:8

am nangilou ra ungkuyon am ruandu' no giu' ralalom ru kim; tinobok no karuruo no ra tutura'. Koon raginio noyo maruol tumapik ondo' tatanga' mamuso ra ulun ru Israil no timinaru'.