1 TUNUNG RU BANSA' ISRAIL 21:16 - Tanou Moonsoi Timugon

¹⁶ Nakito ru Raja' Daut malaikat no minigor ra pangkilolot ru limbowon am tana' ti, liliwa' nampaguut ra ilang ondo' pinaakang, nakatampos koson mamuso ra Jirusalim. Raja' Daut am tingganai-tingganai pana ondo' nambayang ra karung koson tatandu' pansagulian, kiminuku' nokosonor ra tana'.

1 TUNUNG RU BANSA' ISRAIL 21:16 ပူးပေါင်းရင်းမြစ်များ

KASAUKAN 3:24

Giu' boo ra tampilon sirangon ru Taman no, Tuhan i Aki Kapuuno' napaayan ra kirub am rondo' ilang makaapui ondo' lumibut ra ngaangai' intok koson mantamung ra puun ondo' mangani' ra bayag. Ginio ra kolondo' sangulun pana makasubol am makainggaar ra puun raginio.

1 RAJA'-RAJA' 21:27

Kopongo i Ilia minindagu, rilako' ru Raja' Agab bayang nano. Inalus no bayang nano am sulungi' konoon karung koson tatandu' ru pansagulian guang. Nampali Raja' Agab, am pombolong io ra mambayang ra konoon karung. Mugar Raja' Agab mongoi ra giu' giti ra bulos malaut am mangiluk guang.

2 RAJA'-RAJA' 19:1

Pokorongog Raja' Gijkia ra pinabala' nilono, rilako' no bayang nano sabap ra mangiluk. Nambayang io ra bayang karung, am ongoi ra Baloi ru Tuhan.

2 RAJA'-RAJA' 6:17

I Ilisa pana pakiasi' boo, “Iou Tuhan, poloromo' mato ru ulipon kutu maa' raginio makakito io!” Nangiou Tuhan ra pakiasian nano. Ulipon ri Ilisa no nagilong am nakakito ra bulur no nososok ra kuda am kurita' kuda makaapui giu' ra libung ri Ilisa.

YEHEZKIEL 30:25

Mampalawo Aku ra raja' ru Misir, kaa' mampaikang Aku ra raja' ru Babilonia. Paat ra Aku mampabanta' ilang Kuno ra kalindu' ru raja' ru Babilonia, paakangon no ilang no ra tampilon Misir, ngaangai' ulun makapandai ra Aku noyo Tuhan.

YEHEZKIEL 9:8

Tatanga' pamatayan no masauk, soroi aku ra giu' misangulun. Igulatur aku liliwa' nampiau, “Iou Tuhan Raja', siminangit kou kia kaga' ra Jirusalim saboi masaga' Kou mamatoi ra moonong ulun ondo' lakat poyo naayag giu' ra Israil?”

UNTABAN 14:5

Kubu boo i Musa am i Arun ra saang ru ngaangai' ulun no.

UNTABAN 16:22

Kaa' kubu i Musa am i Arun am indagu, “Iou Aki Kapuuno', Okou noyo puun ru kaayagan ra ngaangai' ondo' maayag. Amon ru sangulun ayuk makatula, sumangit Kou kia ra ngaangai' ulun?”

UNTABAN 22:23

Paat ra kaladai no nakakito ra malaikat ru Tuhan minigor ra giu' no liliwa' nananggal ra rondo' ilang, lisang kaladai no ra umo. Linamba' ri Biliam kaladai nano am inibit no saguli' ra ralan.

UNTABAN 22:31

Tuhan pana nambaal ri Biliam makakito ra malaikat ru Tuhan ondo' minigor ra giu' no nananggal ra ilang, am kubu boo i Biliam ra sumamba.

TINGGANAI RU BANSA' 13:20

Tatanga' simbula' ru apui minsawat intor ra altar no, nakito ri Manoa am andu' nano malaikat ru Tuhan sumaboi ra limbowon ralalom simbula' ru apui no. Bagu no nakaliman i Manoa ra ondo' nakito nano iono malaikat ru Tuhan. Io am andu' nano pana kiminubu samba. Kalo boo igondo' ilo pakakito ra malaikat no.