1 TUNUNG RU BANSA' ISRAIL 21:15 - Tanou Moonsoi Timugon

¹⁵ Kopongo raginio nanusub Tuhan ra rondo' malaikat koson mamuso ra Jirusalim. Kaa' paat ra malaikat no nakasaboi mamaar ra pangagikan ra gandum longgom ri Arauna ulun ru Jibusi, kinulau ru Tuhan kapatasan Nano koson mangukum ra Jirusalim. Indagu Io ra malaikat no, “Sama' noyo! Langgai'!”

1 TUNUNG RU BANSA' ISRAIL 21:15 ပူးပေါင်းရင်းမြစ်များ

KASAUKAN 19:13

Sabap pusoon mai intok ragitio. Nakaining noyo Tuhan ra panguwan ra maagat kaga' ra mamagun ru giti am nangator Io ramon mongoi pamuso ra bandar Sodom.”

KASAUKAN 6:6

Ginio ra pansagulian boo Tuhan napasauk risilo am napaayan ra tana' ti. Nasindualan kaga' Tuhan.

2 SAMUIL 24:16

Malaikat ru Tuhan nakasaboi noyo ra intok pangagikan ra gandum longgom ri Arauna, ulun ru Jibusi. Paat ra Tuhan nakakito ra nakatampos noyo malaikat no mamuso ra Jirusalim, kulawo' ru Tuhan kapatasan Nano koson mangukum ra ulun raginio. Indagu Io ra malaikat ondo' tatanga' mamatoi ra ulun raginio, “Sama'! Langgai'!”

2 SAMUIL 24:18

Paat orou raginio niayuk minatong i Gad minuma' ra Raja' Daut am indagu riso, “Ongoi pagaloi ra intok pangagikan ra gandum longgom ri Arauna, am baali' Tuhan ra altar.”

1 RAJA'-RAJA' 19:4

am nonsongorou minugar minongoi ra tana' kaagisan. Kopongo raginio uog io am panturung ra saau ru sampuun tataun; moogot io matoi. Pakiasi' io, “Kaimbalaan ti maagat kaga' raki', iou Tuhan. Alapo' noyo painawo kutu, moonsoi poyo ra aku matoi!”

2 TUNUNG RU BANSA' ISRAIL 3:1

Raja' Daut, ama' ru Raja' Salomo, nangaru' noyo ra tana' ru Baloi ru Tuhan. Intok no giu' ra Jirusalim, giu' ra rasawat ru Bulur Moria, ondo' pinakai ri Arauna, ulun ru Jibusi no, koson ra intok mangagik ra gandum. Giu' no minintalang Tuhan ra Raja' Daut. Tinalimpuunan ru Raja' Salomo pambaalan

MAZMUR 78:38

Kaa' makaasi' i Aki Kapuuno' ra ulun Nano. Ampunon No tula nilono am kalo mamuso risilo. Masalok Io mongorot ra sangit Nano, am kalo paabuson no sangit Nano.

MAZMUR 90:13

Iou Tuhan, sanggilan pupus ru sangit Muno? Saguli' no am pakaasi' no ra ulipon-ulipon Muno.

KAINGKUALAN 32:14

Ginio ra kulawo' ru Tuhan ginuang Nano am kalo sinugut No inatang ra karaat koson palumpaan ra ulun Nano.

KAINGKUALAN 9:28

Pakiasi' noyo ra Tuhan. Sama' noyo akai naimbolo' sabap ra tingkalur am rasam batu ti. Bantuon ku ra mapaugar ramuyun. Kalo pana boo mayan kau ragiti.”

JIRIMIA 26:18

“Paat ra Raja' Gijkia nasauk ra raja' ru Jiuda, Nabi Mika intor ra Morisyit nambala' ra mamagun ra ragu ru Tuhan Ondo' Maayo Kaga' Kuasa', ‘Sion raduon koson ra umo, Jirusalim masauk ra tuntur ru nangalunsai, am bulur ru Baloi ru Tuhan masauk ra kataunan.’

JIRIMIA 26:9

Kua baani kou mindagu ralalom inggalan ru Tuhan ra Baloi Nati masauk koson ra Silo, am ra bandar ti pusoon am masauk ra intok ondo' kalo boo ayanin?” Linimpuan aku boo ru ulun masuang.

JIRIMIA 7:12

Ongoi no ra Silo, bandar ondo' pinili' galing Kuli koson ra intok sambayangan ru ulun Raki'. Ilai' ga boo atan binaal Kuno ra intok no sabap ra tula ru ulun Kuno Israil.

AMOS 7:3

Nangulau Tuhan ra guang Nano am indagu, “Baal ondo' nakito mino kalo masauk.”

AMOS 7:6

Nangulau Tuhan ra guang Nano poyo am indagu, “Baal ragitio pana kalo masauk.”

JUNUS 3:10

Nakito ri Aki Kapuuno' binaal nilo; nakito No ra ilo kalo boo nambaal ra malaat. Ginio ra nangulau Io ra guang Nano am kalo boo sinugut ukuman ondo' inatang Nano risilo.

JUNUS 4:2

Io pana makiasi' boo, “Iou Tuhan, paat ra aku kalo poyo minugar intor ra baloi kuli ragili, sala' ka kia rinagu ku noyo ra Okou maaru' mambaal ragitio? Ginio noyo sabap ra gumogot aku magiru' mongoi ra Sipanyol! Nakapandai aku no ra Okou i Aki Kapuuno' ondo' motogom kaga' am makaasi', masalok moorot guang, molomoi, am masalok tumampos koson mangulau ra guang saboi kalo mamparatu' ra ukuman.

MARKUS 14:41

Paat ra kaintalu Io siminaguli', indagu i Jisus, “Lakat ayuk poyo mombolong am tumangus kau kia? Sama' noyo! Nasuku' noyo ra Anak ru Ulun pataakin ra kuasa' ru ulun makatula.

1 KORINTUS 10:10

Pai' takau bubutok sumangit ri Aki Kapuuno' koson ra binaal ru santayaran nilai ragili, saboi pinatoi ilo ru Malaikat Kapatayan.

TINGGANAI RU BANSA' 10:16

Ilo pana namatir ra ngaangai' sinungkalalaing, am samba ra Tuhan. Io pana mangiluk nakakito ra kapaganan ondo' mailian ru ulun ru Israil.

TINGGANAI RU BANSA' 2:18

Paat ra Tuhan manaak risilo ra sangulun tingganai, mangindangan Tuhan ra tingganai no am mamayag risilo intor ra pantula' buoi ru tingganai no maayag. Makaasi' Tuhan risilo paat ra ilo maguros sabap inimbolo' am inulipon.

1 SAMUIL 15:11

“Pansagulian aku nampili' ri Saul nasauk ra raja'. Tinalikuran no Aku am kalo boo gumagaya' ra susuban Kuno.” Siminangit i Samuil, am nosorondom io nakimasi' ra Tuhan.