1 TUNUNG RU BANSA' ISRAIL 21:12 - Tanou Moonsoi Timugon

¹² Pagun ti matiu' ra bitilan buoi talu ngambilor, kapoam magiru' kou ilowon ru pantula' buoi talu ngansila', kapoam buoi ru talu ngoorou titikop pagun ti bulunsaron ru Tuhan ra ilang Nano ondo' ginio maruol tumapik am malaikat Nano magibit ra kapatayan ra ngaangai' intok. Taaman ra atan kia musiti' ku posoboyon ra Tuhan?”

1 TUNUNG RU BANSA' ISRAIL 21:12 ပူးပေါင်းရင်းမြစ်များ

2 SAMUIL 21:1

Paat ra pamarintaan ru Raja' Daut, bitilan ra mapaja' kaga' igondo' nasauk buoi talu ngambilor. Ginio ra pangkuot Raja' Daut ra Tuhan, am taam Tuhan, “Raja' Saul am sasambaloi nano natulaan noyo. Namatoi ilo ra ulun ru Gibion.” (

1 RAJA'-RAJA' 17:1

Sangulun nabi ondo' inggalan nano i Ilia intor ra Tisbi giu' ra Giliad mindagu ra Raja' Agab, “Ralalom inggalan ru Tuhan ondo' maayag, i Aki Kapuuno' ru Israil ondo' sambaan kuno, mambala' aku rirun ra buoi ru ruo kapoam talu ngambilor kolondo' bolobou kapoam rasam saboi ra aku mindagu ra mokoondo' ra rasam.”

2 RAJA'-RAJA' 19:35

Paat rondom raginio rondo' malaikat ru Tuhan minongoi ra pangkiman ru ulun ru Asyur am namatoi ra 185,000 ngaulun saujor. Katawang ra iosusuab, ngaangai' ilo minatoi noyo!

2 RAJA'-RAJA' 8:1

Kalo poyo nasauk bitilan no, nambala' noyo i Ilisa ra ruandu' ondo' minayan giu' ra Sunim, ondo' anak ungkuyon nano binayag saguli' ri Ilisa, ra maparatong Tuhan ra bitilan giu' ra pagun no buoi tulu' ngambilor. Nambala' i Ilisa ra ruandu' no ra musiti' io mangiruan ra bandar no mabaya' ra sasambaloi nano am mongoi ra intok bokon.

1 TUNUNG RU BANSA' ISRAIL 21:11

Minuma' i Gad ra Raja' Daut am nampasaboi ra ragu ru Tuhan no, kono, “Ati ka rondo' ondo' pilion muno raja'?

MAZMUR 91:6

kapoam maruol malaat tumapik bulintok ra molondom, kapoam sauk mampaluus bulintok ra tanga' ru orou.

KAINGKUALAN 12:23

Paat ra liputon ru Tuhan titikop ru pagun ru Misir koson mamatoi ra ulun ru Misir, makito ru Tuhan raraa' ra lugu' ru kulobon am angob ru kulobon ru baloi min, sumail Io am kalo mangiou ra Malaikat ru Kapatayan mumpos ra baloi mino koson mamatoi ramuyun.

JISAYA 66:16

Mabaya' ra apui am ilang, ukumin No ngaangai' ulun ru tana' ti ondo' mapandayan No makasala; masuang ulun ukumin ra matoi.

JIRIMIA 12:12

Giu' ra titikop ra tana' marata' ra masawat giu' ra tana' kaagisan, ulun matong koson mantakou. Mamparatong Aku ra pangayawan koson mangumok ra titikop pagun; kolondo' osoi pana ondo' maayag ra kaansayan.

JIRIMIA 42:16

pangayawan am bitilan ondo' kalaanin min mangilou ramuyun saboi ra Misir, am matoi kau ra giu' no.

JIRIMIA 47:6

Golok kau, ‘Okou ilang ru Tuhan! Saboi sanggilan kia okou mompopot? Saguli' no ra angkap muno, ayan no ra giu' no am tangus no.’

SULABOI 4:9

Maimbolo' ilo am matoi ra inuton, sabap totopot kolondo' akanon. Ulun ondo' matoi giu' ra intok pangayawan, moonsoi poyo intor ra ulun ondo' matoi ra maitilan.

IMAMAT 26:10

Ampos ru tinanom mino masuang kaga' saboi maukop ra sambilor. Mulu' poyo ingkualon min kalalaat suwo ru kinumos ra lair maa' raginio makapambulian ra ondo' kumoson bagu.

IMAMAT 26:17

Manggal Aku ramuyun saboi kalaan kau ru pantula'. Kuasaan kau ru ulun ondo' masisang ramuyun, am malaa' kau kaga' saboi magiru' kau kabalu' pana kolondo' ulun mangilou ramuyun.

LUKAS 4:25

Balain takamin: Bulintok ru Nabi Ilia ra galing i, mokoondo' tampio buoi talu ngambilor am naintanga' ra ngaangai' pagun. Paat ragili bitilan giti ra pagun Israil am masuang napuor.

RINALATAN 12:23

Paat ragili niayuk malaikat ru Tuhan nampalamba' ri Irodis, sabap ra kalo nangurumat io ri Aki Kapuuno'. Ginio ra inan nati inuloron am patoi io boo.

SAGULION 28:15

“Kaa' amon kalo gumagaya' kau ra Tuhan i Aki Kapuuno' min am kalo mambaal toojo ra ngaangai' panusuban am ukum Nano ondo' taakin kuno ramuyun ra orou raiti', am ngaangai' ulas ti makasulung ramuyun:

SAGULION 28:22

Mangukum Tuhan ramuyun ra maruol-maruol ondo' tumapik, lanit-lanit am salom. Maparatong Tuhan ra tampio am angin malasu' saboi kumoson min mapuso. Karaat-karaat marayus lumumpa' ramuyun saboi kau matoi.

SAGULION 28:25

“Tuhan mopoloso ramuyun kalaan ru pantula'. Mangatang kau ra bulunsar ra pantula', kaa' pantuliar boo ra magiru'. Ngaangai' bansa' ra tana' ti malaa' magilong ra sauk ondo' makalumpa' ramuyun.

SAGULION 28:27

Maparatong Tuhan ra talipos ra inan min koson ondo' binaal Nano ra ulun ru Misir ragili. Nalimpot kungkung min ra kagal am kogom ondo' maatol, kaa' kolondo' tatapis no.

SAGULION 28:35

Nalimpot kalayam min ra kagal ondo' maruol, am kalo mababas. Mantalipos kau intor ra pompor ru kalayam saboi ra pompor ru abuk.