1 TUNUNG RU BANSA' ISRAIL 19:7 - Tanou Moonsoi Timugon

⁷ Kurita' kuda ra suang no 32,000 ondo' siniwaan nilo, am niayuk saujor ru raja' Maakga minatong pangkim mamaar ra Midiba. Ulun ru Amon niayuk miningkual intor ra ngaangai' bandar nilo am timinampos koson mangayou.

1 TUNUNG RU BANSA' ISRAIL 19:7 ပူးပေါင်းရင်းမြစ်များ

2 SAMUIL 10:6

Ulun ru Amon pana nakaliman boo ra pinasauk nilo noyo Raja' Daut no ra pantula' nilo. Ginio ra nampagaji' ilo ra saujor ru ulun ru Siria: 20,000 ngaulun ondo' minayan giu' ra Bit-Rigob am Joba, am 12,000 ngaulun intor ra Tob, am niayuk raja' ru pagun Maakga nababaya' ra 1,000 ngaulun ulun nano.

1 TUNUNG RU BANSA' ISRAIL 18:4

Raja' Daut nampagaau ra 1,000 kurita' kuda, am namparakop ra 7,000 ngaulun saujor nangkuda am niayuk 20,000 ngaulun saujor nantana'. Pinandakan no ngaangai' kuda, ondo' ak am kukula' ngainan, ondo' inukop mamunduk ra 100 kurita' kuda.

1 TUNUNG RU BANSA' ISRAIL 19:8

Paat ra Raja' Daut nokorongog ra baal raginio, nanusub io ri Joab am ngaangai' pulalai ru saujor maa' raginio mongoi anggal ra pantula'.

2 TUNUNG RU BANSA' ISRAIL 14:9

Rondo' paat ra sangulun bansa' ru Itiopia ininggalanan ri Jirag namulunsar ra Jiuda nabaya' ra saujor ra suang no sajuta' ngaulun am 300 kurita' kuda. Nakasaboi ilo polos ra Marisa.

KAINGKUALAN 14:9

Saujor ru Misir nababaya' ra ngaangai' kuda, kurita' kuda am mapaugar, nangilou ra ulun ru Israil am nanunu' risilo ra intok nangkiman nilo giu' ra kiing ru Raat Galaga, mamaar ra Pi-Agirot am Baal-Jipon.

JISAYA 15:2

Mamagun ru Dibon magaloi ra bulur koson mantangi' giu' ra intok sumamba ra dewa. Mamagun ru Moab sasingut-singut manulaboi ra bandar Nibo am Midiba. Kinungkulan nilo abuk am jangut koson tatandu' ra mangulir.

UNTABAN 21:30

Kaa' raino maluus papag nilono, giu' ra galur ru ralan intor ra Gisybon mongoi ra Dibon, intor ra Nasyim mongoi ra Nopa maar ra Midiba.”

JOSUA 13:16

Wilayah nilo nakasimpung Aroir (giu' ra kiing ru limayak Sungoi Arnon) am bandar nakatatanga' ra limayak no, nakasimpung titikop ru tana' marata' masawat giu' ra liliut ru Midiba.

JOSUA 13:9

Wilayah nilo nakasimpung Aroir (giu' ra kiing ru limayak Sungoi Arnon) am bandar ondo' nakatatanga' ra limayak no, nakasimpung ngaangai' tana' marata' masawat intor ra Midiba saboi ra Dibon.

TINGGANAI RU BANSA' 4:3

Raja' Jabin mokoondo' ra siam ngaatus kurita' kuda intor ra basi'. Namarinta io ra ulun ru Israil ra malaat am mamatoi buoi ruo ngoopor ngambilor. Ulun ru Israil pana nampiau boo nakiindangan ra Tuhan.

1 SAMUIL 13:5

Liliwa' raginio ulun ru Palistin niayuk timinimung koson mamulunsar ra ulun ru Israil. Ulun ru Palistin mokoondo' talu ngoopor ngaribu kurita' kuda, onom ngaribu ulun nangkuda am saujor ra kinasuang ru agis giu' ra nagas. Nangkim ilo giu' ra Mikmas tampilon ra sirangon ru Bit-Awin.