1 TUNUNG RU BANSA' ISRAIL 18:2 - Tanou Moonsoi Timugon

² Raja' Daut niayuk nangala ra ulun ru Moab saboi ilo kinuasa' am nambayar riso ra cukai.

1 TUNUNG RU BANSA' ISRAIL 18:2 ပူးပေါင်းရင်းမြစ်များ

2 SAMUIL 8:2

Kopongo raginio nangala Raja' Daut ra ulun ru Moab. Nanusub io ra ulun inaput nano lumangan ra tana', pamatoi io boo ra ruo ngaulun intor ra moonong talu ngaulun. Ginio ra ulun ru Moab naala ra Raja' Daut am mambayar riso ra cukai.

1 RAJA'-RAJA' 10:2

Raja' ruandu' no minatong nabaya' ra masuang namaya' am niayuk unta-unta ondo' sinakayan ra apa' pampagamis ra akanon, batu parmata am masuang kaga' mas. Paat ra raja' ruandu' no nakatuum ra Raja' Salomo, raja' ruandu' no nangkuot ra Raja' Salomo ra masuang pangkuatan ondo' makara' nano.

1 RAJA'-RAJA' 10:25

Moonong ulun ondo' manambului ra Raja' Salomo magibit ra tangguang riso – kuliamos intor ra pirok am mas, bayang, kinandoi, apa' pampagamis ra akanon, kuda am niayuk baghal. Baal ragitio narayus kasauk ra bilor malupus bilor.

1 TUNUNG RU BANSA' ISRAIL 18:1

Kukula' buoi raiti, namulunsar Raja' Daut am nangala ra ulun ru Palistin, am niayuk nampagaau ra bandar Gat am niayuk ngaangai' pekan giu' ra liliut no.

1 TUNUNG RU BANSA' ISRAIL 18:3

Kopongo raginio Raja' Daut nangala ra Raja' Gadadijir, namarinta giu' ra Joba mamaar ra wilayah Gamat giu' ra pagun Siria. Paat raginio Raja' Gadadijir mangkiralan koson manguasa' ra wilayah mamaar ra ralayo ru Sungoi Iprat.

MAZMUR 60:8

Intor ra inayanan Nano ondo' matulai, i Aki Kapuuno' minindagu, “Magilakup Aku am tatayaron Ku tana' ru Sikgim, am tayaron Ku Limayak Sukot no ra ulun Kuno.

JISAYA 11:14

Mababaya' ilo mongoi pamulunsar ra ulun ru Palistin tampilon ra kalasaan am mampagaau ra mamagun tampilon ra sirangon. Kalaan nilo mamagun ru Idom am Moab. Mamagun ru Amon tuminduku' risilo.

JISAYA 16:1

Intor ra bandar Sila giu' ra tana' kaagisan, namagun ru Moab nangator sanginan domba ra namarinta ra Jirusalim.

UNTABAN 24:17

Nakakito aku ra orou matong, nakakito aku ra bansa' ru Israil. Intor ra bansa' no, matong sangulun raja', raja' no koson ra butitin mapaang kaga', ondo' sumalula' intor ra Israil. Mamuso io ra tingganai-tingganai ru Moab, am mamuso ra ngaangai' ulun ru Sit.

1 SAMUIL 10:27

Kaa' mokoondo' kukula' ngaulun malaat ondo' mindagu ra, “Ati kulaan ru ulun ragitio mokoonong ritakau?” Nagasab ilo ra Raja' Saul am kalo nanaak riso ra tangguang, kaa' talingoon bauwi ru Raja' Saul.