1 TUNUNG RU BANSA' ISRAIL 18:12 - Tanou Moonsoi Timugon

¹² I Abisai, (ina' nano ininggalanan ri Jiruya) nangala am namatoi ra 18,000 ngaulun ru Idom giu' ra Limayak Asin,

1 TUNUNG RU BANSA' ISRAIL 18:12 ပူးပေါင်းရင်းမြစ်များ

2 SAMUIL 10:10

Napataak i Joab ra pulalai ra bokon no ri Abisai, boborok nano. Noposoroi i Abisai risilo mantaluma' ra pulalai ru ulun ru Amon.

2 SAMUIL 10:14

Paat ra saujor ru Amon nakakito ra saujor ru Siria nagigiru', iruani' nilo i Abisai am subol ra ralalom ru bandar. Kopongo nangayou ra ulun ru Amon, uli' i Joab ra Jirusalim.

2 SAMUIL 20:6

Kon ru raja' ri Abisai, “I Siba no mantipagon poyo ritakau intor ri Absalom. Ginio ra ibito' noyo ulun-ulun kuno am ilowo' io. Amon ru kalo, maaru' makuasa' no kukula' bandar mokoondo' ra kubu, am magiru' intor ritakau.”

2 SAMUIL 21:17

Kaa' i Abisai anak ri Jiruya, minatong nangindangan ra Raja' Daut. Binulunsar ri Abisai maayo ulun no am namatoi riso. Kopongo raginio ulun ru Raja' Daut nakitaak maa' raginio Raja' Daut mambantu' ra kalo boo mongoi pangayou mabaya' risilo. Konilo, “Okou kalansanan ru Israil. Marara' akai matatakan rirun.”

2 SAMUIL 23:18

Boborok ri Joab, iono i Abisai (ina' nilo iono i Jiruya) tingganai ru “Pulalai Talu Ngoopor”. Nakaili' i Abisai mangayou ra talu ngaatus ngaulun am namatoi risilo ngaangai' ra tutura' nano. Ginio ra nauligan io kaga' ra gino ngai' ru “Pulalai Talu Ngoopor”.

2 SAMUIL 3:30

Koon raginio noyo i Joab am i Abisai nansuli' ri Abnir sabap ra namatoi io ri Asail, boborok nilai ralalom pangayawan giu' ra Gibion.

2 SAMUIL 7:13

Io noyo ondo' mambaal Raki' ra baloi, am tutunon Ku maa' raginio saboi ra sabuoi-buoi no sangulun papag nano mamarinta koson ra raja'.

1 RAJA'-RAJA' 11:15

Nabuoi ra kalo poyo raginio, kalupus Raja' Daut nangala ra Idom, i Joab, panglima saujor ru Raja' Daut minongoi ra giu' no koson mompolobong ra saujor-saujor nano ondo' minatoi. I Joab am ulun-ulun nano minayan giu' ra Idom buoi onom ngansila'. Paat raginio namatoi ilo ra ngaangai' ungkuyon giu' ra Idom,

2 RAJA'-RAJA' 14:7

Raja' Amajia namatoi ra mopor ngaribu ngaulun saujor giu' ra Limayak Asin, am nampagaau ra bandar Sila. Ininggalanan no bandar no ra Joktiil. Saboi raino bandar no lakat poyo makainggalan ra Joktiil.

1 TUNUNG RU BANSA' ISRAIL 11:20

I Abisai, boborok ri Joab iono tingganai ru “Pulalai Talu Ngoopor”. Inanggal no talu ngaatus ngaulun am namatoi risilo ra tutura' nano. Ginio ra nasauk io ra nauligan kaga' ra gino ngai' ru “Pulalai Talu Ngoopor”.

1 TUNUNG RU BANSA' ISRAIL 18:11

Pinataak ru Raja' Daut ngaangai' tangguang no ra Tuhan koson pakayon ralalom ru upacara sambayang. Koon niayuk ra ondo' binaal ru Raja' Daut am kuliamos pirok am mas ondo' inalap nano intor ra bansa'-bansa' ondo' kinala nano, iono bansa' ru Idom, Moab, Amon, Palistin am Amalik.

1 TUNUNG RU BANSA' ISRAIL 18:13

am nanirong ra pangkiman ru saujor giu' ra titikop pagun ru Idom. Ginio ra ulun ru Idom nakikuasa' ra Raja' Daut. Nangani' Tuhan ra kamanangan ra Raja' Daut ra ati ayuk io mangayou.

1 TUNUNG RU BANSA' ISRAIL 19:11

Pinataak ri Joab pulalai ru saujor ra bokon no ra boborok nano, i Abisai. Pinosoroi ri Abisai ilo giu' ra saang ru saujor ru Amon.

1 TUNUNG RU BANSA' ISRAIL 2:16

I Isai niayuk mokoondo' ruo ngaulun anak ruandu', i Jiruya am i Abigail. I Jiruya mokoondo' talu ngaulun anak ungkuyon: Abisai, Joab am Asail.

2 TUNUNG RU BANSA' ISRAIL 25:11

Minibaani' Raja' Amajia am paningganai ra saujor nano mongoi ra Limayak Maasin. Giu' no nampapatoi ilo am namatoi ra 10,000 ngaulun saujor ru Idom,

MAZMUR 60:1

Ra tingganai ru santimungan maririmbai. Sumugut ra rimbai: Bunga' Bakung noyo sasi'. Mazmur ru Raja' Daut,

MAZMUR 60:2

bulintok ra io nangayou ra ulun ru Aram-Misopotamia am ulun ru Aram-Joba, am bulintok ri Joab minuli' am namatoi ra 12,000 ngaulun ulun ru Idom giu' ra Limayak Maasin.

1 SAMUIL 26:6

I Daut pana nangkuot boo ri Agimilik ulun ru Git no, am ri Abisai pabukat ri Joab, (ina' nilono iono i Jiruya), “Osoi ondo' baani mumpos ra pangkiman ru Raja' Saul no mabaya' raki'?” Taam i Abisai, “Aku.”

1 SAMUIL 26:8

Kon ri Abisai no ri Daut, “Pinataak noyo ri Aki Kapuuno' no pantula' muno rirun ra rondom raiti'. Iowo' aku ti mapatura' ra tutura' nano galama' ra inan nano saboi makaujak ra tana'. Aku ondo' mamatoi riso ra igondo' tura' ayuk, kalo pana saboi induo!”