1 TUNUNG RU BANSA' ISRAIL 18:10 - Tanou Moonsoi Timugon

¹⁰ Ginio ra Raja' Tou nanusub ri Joram, anak ungkuyon nano koson mampasaboi ra ragu kaansayan ra Raja' Daut am ragu paringkuanangan ra kamanangan nano ra Raja' Gadadijir. Raja' Tou galama' masalok noyo mangayou ra Raja' Gadadijir. Minuma' i Joram ra Raja' Daut am nagibit ra masuang tangguang intor ra mas, pirok am gangsa'.

1 TUNUNG RU BANSA' ISRAIL 18:10 ပူးပေါင်းရင်းမြစ်များ

2 SAMUIL 8:10

Ginio ra nanusub Raja' Tou ra anak ungkuyon nano i Joram koson mapasaboi ra ragu nano ra Raja' Daut am minindagu ra kaansayan ra kamanangan nano ra Raja' Gadadijir, sabap ra Raja' Tou masalok noyo mangayou ra Raja' Gadadijir. Minatong i Joram ra Raja' Daut am nagibit ra masuang tangguang intor ra mas, pirok am gangsa'.

1 TUNUNG RU BANSA' ISRAIL 18:11

Pinataak ru Raja' Daut ngaangai' tangguang no ra Tuhan koson pakayon ralalom ru upacara sambayang. Koon niayuk ra ondo' binaal ru Raja' Daut am kuliamos pirok am mas ondo' inalap nano intor ra bansa'-bansa' ondo' kinala nano, iono bansa' ru Idom, Moab, Amon, Palistin am Amalik.

1 TUNUNG RU BANSA' ISRAIL 18:9

Raja' Tou, ondo' namarinta ra pagun Gamat, nokorongog ra Raja' Daut nangala ra ngaangai' saujor ru Raja' Gadadijir.

2 TUNUNG RU BANSA' ISRAIL 9:1

Raja' ruandu' ru pagun Syiba nokorongog intor ra inggalan maayo ru Raja' Salomo. Raja' ruandu' no pana minongoi ra Jirusalim koson mangkinam ra Raja' Salomo ra pangkuatan-pangkuatan ondo' mapagon. Raja' ruandu' no minatong nababaya' ra masuang namaya', am niayuk unta-unta pinagibit ra apa' pampagamis ra akanon, intan am mas ondo' masuang kaga'. Paat ra raja' ruandu' no nakauma' ra Raja' Salomo, raja' ruandu' no nangkuot ra masuang pangkuatan ondo' makara' nano.

JISAYA 39:1

Bulintok ragili, raja' ru Babilonia, ioginio Raja' Mirodak Baladan anak ri Baladan nokorongog ra Raja' Gijkia marualan am makaluat noyo. Ginio ra raja' ru Babilonia napaibit ra surat am rondo' tangguang no ra Raja' Gijkia.