1 TUNUNG RU BANSA' ISRAIL 17:8 - Tanou Moonsoi Timugon

⁸ Nabaya' Aku rirun ra ati ayuk angayan muno, am kalaan Ku ngaangai' pantula' muno paat ra okou mangayou. Okou pasaukon Ku ra mauligan kaga' koson ra tingganai-tingganai maayo kaga' ra tana' ti.

1 TUNUNG RU BANSA' ISRAIL 17:8 ပူးပေါင်းရင်းမြစ်များ

KASAUKAN 28:15

Karaa' noyo, indanganon am sindungin Tokou ra ati ayuk angayan muno am ibiton Tokou sumaguli' ra pagun ragitio. Kalo iruanin Tokou suku' Ku mabaal ngaangai' atan ondo' binantu' Kuli rirun.”

2 SAMUIL 22:1

Kopongo Tuhan namayag ra Raja' Daut intor ra Raja' Saul am pantula'-pantula' nano ra bokon, narimbai i Daut ra rimbai ragitio tayar ru Tuhan:

2 SAMUIL 7:9

Namaya' Aku rirun ra ati ayuk inangayan muno, am nangala Aku noyo ra pantula' muno paat ra okou namulunsar. Raino mapasauk Aku rirun ra mauligan kaga' koson ra tingganai-tingganai ondo' mangauligan kaga' ra tana' ti.

2 SAMUIL 8:6

Kopongo raginio patirongo' ru Raja' Daut pangkiman ru saujor ralalom ru wilayah nilo, am kinuasa' ilo am mambayar riso ra cukai. Nangani' Tuhan ra Raja' Daut ra kamanangan ra ati ayuk intok nano mangayou.

2 SAMUIL 8:8

Nampagaau niayuk Raja' Daut ra masuang tambaga' intor ra Bita am Birotai, bandar-bandar ondo' ragili kinuasa' ru Raja' Gadadijir.

1 TUNUNG RU BANSA' ISRAIL 14:17

Ginio ra inggalan ru Raja' Daut nauligan kaga' giu' ra ati-ati intok, am Tuhan nangkinibit ra ngaangai' bansa' malaa' ra Raja' Daut.

1 TUNUNG RU BANSA' ISRAIL 17:17

Kaa' raino nambaal Kou ra nasailan intor ra ngaangai' no; nakimabantu' Kou intor ra papag kuno ra orou matong. Okou niayuk poyo, iou Tuhan i Aki Kapuuno', nambaal raki' koson ra sangulun tingganai maayo.

1 TUNUNG RU BANSA' ISRAIL 17:2

Taam i Natan, “Baalo' noyo atan ayuk kasagaan muno raja' sabap ra i Aki Kapuuno' mabaya' rirun.”

1 TUNUNG RU BANSA' ISRAIL 17:7

Ginio ra balai' ulipon Kuno i Daut ra Aku, Tuhan Ondo' Maayo Kaga' Kuasa' minindagu riso, ‘Okou inalap Ku intor ra kandoi muno koson ra magagalung ra domba giu' ra padang, am nampasauk rirun ra raja' ru ulun Kuno Israil.

1 TUNUNG RU BANSA' ISRAIL 17:9

Pinili' Ku rondo' pagun ra tayar ru ulun Kuno Israil, am pinaayan Ku ilo ra giu' no. Ilo kalo boo imboloon ru osoi pana. Intor ra ilo minayan ra pagun no, am ra ilo kolondo' poyo raja', binulunsar ilo ru ulun malaat, kaa' intor raino baal raginio kalo boo maluli'. Binantu' Ku mangala ra ngaangai' pantula' muno, am okou aniin Ku ra papag.

IJRA 4:20

Raja'-raja' ondo' mapanggol namarinta noyo ra giu' am giu' ra titikop ru wilayah Iprat Kalasaan, am niayuk nampalulur ra cukai am tangguang.

MAZMUR 18:1

Ra tingganai ru santimungan maririmbai. Mazmur ri Daut, ulipon ru Tuhan. Rinimbai ra Tuhan paat ra Tuhan namayag ri Daut intor ra Raja' Saul am niayuk intor ra ngaangai' pantula' nano.

MAZMUR 46:11

Minindagu Io, “Langgai' noyo pangayawan, uligi' min noyo ra Aku ti i Aki Kapuuno', ondo' matulai intor ra ngaangai' bansa' am ra titikop ru tana' ti.”

MAZMUR 46:7

Ngaangai' bansa' mangalaa', ngaangai' pamarintaan monontol; bulintok ri Aki Kapuuno' maningkalur, tana' ti pana magagai.

MAZMUR 71:21

Saukon Mu aku ra urumaton toojo; mangansuk Kou poyo raki' saguli'.

MAZMUR 75:7

Katimpakan kalo matong intor ra sirangon kapoam intor ra kalasaan, intor ra ralayo kapoam rabugus;

LUKAS 1:52

Patuunon No raja' ondo' nanguasa', kaa' pasingkoton No ulun ondo' musikin.

1 SAMUIL 18:14

am nakasugut io nambaal ra ngaangai' kandoi nano sabap ra Tuhan mabaya' riso.

1 SAMUIL 18:28

Nalimanan ru Raja' Saul ra Tuhan mabaya' ri Daut, am i Mikgal anak ruandu' nano malaai ri Daut.

1 SAMUIL 26:10

Ralalom inggalan ru Tuhan ondo' naayag, aku nakapandai ra Tuhan galama' ondo' mamatoi ra Raja' Saul, iou lair ru matoi ra kaindalaman paat ra pupus ru bayag nano nasaboi noyo, kapoam kinibit ru pangayawan.