1 TUNUNG RU BANSA' ISRAIL 17:7 - Tanou Moonsoi Timugon

⁷ Ginio ra balai' ulipon Kuno i Daut ra Aku, Tuhan Ondo' Maayo Kaga' Kuasa' minindagu riso, ‘Okou inalap Ku intor ra kandoi muno koson ra magagalung ra domba giu' ra padang, am nampasauk rirun ra raja' ru ulun Kuno Israil.

1 TUNUNG RU BANSA' ISRAIL 17:7 ပူးပေါင်းရင်းမြစ်များ

2 SAMUIL 6:21

Taam Raja' Daut, “Mansayau aku koson mangurumat ra Tuhan. Nangimpai Io ra ama' muli am niayuk sasambaloi muno, am nampili' raki' koson ra tingganai ru ulun Nano Israil. Rumayus aku mansayau am tumampos ra asabin janjain poyo intor ra raitii' ni koson mangurumat ra Tuhan. Mataman kou raki', kaa' ulipon-ulipon ruandu' no mangurumat raki'!”

2 SAMUIL 7:8

Ginio ra balai' ulipon Kuno Raja' Daut ra gitio noyo ragu Kutu, Tuhan Ondo' Maayo Kaga' Kuasa' no riso, ‘Nangalap Aku rirun intor ra magalung ra domba giu' ra padang am napasauk Aku rirun ra tingganai ru ulun Kuno Israil.

1 TUNUNG RU BANSA' ISRAIL 17:6

Buoi ru pangkiralanan Kuno am ulun ru Israil, kalo poyo igondo' Aku pangkuot ra osoi pana tingganai ondo' linantik Kuno, atan sabap ra ilo kalo nambaal Raki' ra baloi intor ra tataun sidar.’

1 TUNUNG RU BANSA' ISRAIL 17:8

Nabaya' Aku rirun ra ati ayuk angayan muno, am kalaan Ku ngaangai' pantula' muno paat ra okou mangayou. Okou pasaukon Ku ra mauligan kaga' koson ra tingganai-tingganai maayo kaga' ra tana' ti.

2 TUNUNG RU BANSA' ISRAIL 6:6

Kaa' raino nampili' Aku ra Jirusalim koson ra intok sambayangan Raki', am okou Daut, mamarinta ra ulun Kuno.’ ”

MATIUS 2:6

‘Okou noyo Bitligim, pekan maatang kaga' intor ra ngaangai' pekan giti ra Judia; intor rirun matong sangulun tingganai ondo' maningganai ra ulun Kuno Israil.’ ”

LUKAS 5:10

Rangan-rangan ri Simon pana naliangan. Ilo ti am i Jakubus am i Juanis, karuruo ti anak ri Jibidius. Indagu i Jisus ri Simon, “Pai' kalaa'! Intor raino mangkimait kou ra ulun mangintopot Raki'.”

1 SAMUIL 17:15

masalok i Daut mangiruan ra Raja' Saul, am minuli' ra Bitligim koson magalung ra domba ru ama' nano.