1 TUNUNG RU BANSA' ISRAIL 17:5 - Tanou Moonsoi Timugon

⁵ Intor ra Aku nampalabus ra ulun ru Israil intor ra Misir saboi raino, kalo poyo igondo' Aku ayan ra rondo' baloi. Masalok Aku mayan ra kim am manding intor ra rondo' intok mongoi ra intok ra bokon.

1 TUNUNG RU BANSA' ISRAIL 17:5 ပူးပေါင်းရင်းမြစ်များ

2 SAMUIL 7:6

Intor ra Aku namayag ra ulun ru Israil intor ra Misir saboi raino, kalo igondo' Aku ayan ra ralalom ru baloi. Timinanggau Aku am mayan ralalom ru kim.

1 RAJA'-RAJA' 8:16

‘Intor ra Aku nagibit ra ulun Kuno miningkual intor ra Misir, kalo poyo igondo' Aku nampili' ra bandar ra ati pana ra titikop ru Israil koson ra intok pambaalan ra baloi, intok sambayangan Raki'. Kaa' nampili' Aku rirun Daut, koson mamarinta ra ulun Kuno.’ ”

2 TUNUNG RU BANSA' ISRAIL 6:18

“Kaa', iou Aki Kapuuno', topot kia masaga' Kou mayan giti ra tana' ti ra gino ngai' ru ulun? Sotopot no titikop ru limbowon pana kalo sama' malangka' Rirun, atan pinai boo ra Baloi ondo' binaal kutu!

2 TUNUNG RU BANSA' ISRAIL 2:6

Kaa' osoi kia ondo' totopot makabaal ra baloi ri Aki Kapuuno'? Titikop ru limbowon no pana kalo sama' gayo koson masauk ra intok ayanan Nano. Ginio ra baloi ondo' baalon kuno Riso koson ayuk ra intok koson monolob ra kaminyan ri Aki Kapuuno'.

1 RAJA'-RAJA' 8:27

“Kaa' iou Aki Kapuuno', totopot Kou kia masaga' mayan ra tana' ti? Kabalu' ra titikop ru limbowon pana kalo sama' malangka' Rirun, atan poyo ra Baloi ondo' binaal kutu!

1 RAJA'-RAJA' 8:4

am nagibit raginio ra ralalom ru Baloi ru Tuhan. Ulun ru Liwi am imam-imam niayuk napabanding ra Kim ru Tuhan am ngaangai' ru kakamot no ra Baloi ru Tuhan.

2 SAMUIL 6:17

Kopongo raginio pabantaa' nilo Kaban Nabantuan ra intok nano giu' ralalom kim ondo' pinatirong ru Raja' Daut koson ra Kaban Nabantuan no. Napataak Raja' Daut ra taak simbalui koson mapabansuk ra guang ru Tuhan am taak simbalui koson makibarakat ra Tuhan.

2 TUNUNG RU BANSA' ISRAIL 6:5

‘Intor ra Aku nagibit ra ulun Kuno miningkual intor ra Misir, kalo igondo' aku nampili' ra bandar ra ati pana ra titikop ru Israil koson ra intok pambaalan ra rondo' baloi, intok sambayangan Raki', am kalo igondo' Aku nampili' ra osoi pana koson maningganai ra ulun Kuno Israil.

2 TUNUNG RU BANSA' ISRAIL 6:6

Kaa' raino nampili' Aku ra Jirusalim koson ra intok sambayangan Raki', am okou Daut, mamarinta ra ulun Kuno.’ ”