1 TUNUNG RU BANSA' ISRAIL 17:21 - Tanou Moonsoi Timugon

²¹ Giti ra titikop ru tana' ti kolondo' bansa' koson ra Israil, ondo' binayag Mu intor ra pangulipanan, koson mampasauk risilo ra ulun Muno galama'. Binaal maayo am makaimuag ondo' binaal Muno risilo, mampasauk ra inggalan Muno mauligan kaga' ra titikop ru tana' ti. Pinalabus Mu ulun Muno intor ra Misir, am napagiru' ra bansa'-bansa' ra bokon paat ra ulun Muno minongoi pangayou.

1 TUNUNG RU BANSA' ISRAIL 17:21 ပူးပေါင်းရင်းမြစ်များ

1 TUNUNG RU BANSA' ISRAIL 17:20

Iou Tuhan, kolondo' mokogondo' Rirun; intor ragili, nakapandai akai noyo ra Okou noyo rorondo' i Aki Kapuuno'.

1 TUNUNG RU BANSA' ISRAIL 17:22

Pinasauk Mu Israil ra ulun Muno galama' ra sabubuoi no. Okou, iou Tuhan, masauk ri Aki Kapuuno' nilo.

NIGIMIA 9:10

Nambaal Kou ra kaimuagan ondo' makaimuag, koson manggal ra raja', pagawai am mamagun ru raja', sabap ra Okou nakapandai ati kulaan ulun Muno inimbolo' nilo. Ginio ra inggalan Muno maayo kaga' saboi orou raiti'.

MAZMUR 107:2

Rulio' min ragu-ragu raginio koson mongompor ra Tuhan, akau ondo' binayag Nano. Binayag No akau intor ra pantula',

MAZMUR 111:9

Namayag Io ra ulun Nano, am mambaal ra bantu' ondo' mantilayun risilo. Matulai Io am maikang!

MAZMUR 147:20

Kalo baalon No koson raginio ra bansa' ra bokon; kalo makaulig ilo ra ukum Nano. Omporo' noyo Tuhan!

MAZMUR 65:5

Pakaansuk noyo ilo ondo' pinili' Muno, ilo ondo' inibit Muno minayan ra Baloi Muno. Giu' ra Baloi Muno, basugon Mu akai ra ngaangai' ondo' moonsoi, barakat Muno ramon giu' ra ayanan Muno ondo' matulai.

MAZMUR 77:15

Okou noyo i Aki Kapuuno' ondo' nambaal ra kaimuagan; pinaintalang Mu kuasa' Muno ra bansa'-bansa'.

KAINGKUALAN 6:6

Ginio ra balai' ulun ru Israil ra bala' Kuno risilo, ‘Aku noyo Tuhan; mapalabus Aku ramuyun intor ra pangulipanan ru ulun ru Misir. Mamakai Aku ra kuasa' Kuno ondo' maayo koson mamayag ramuyun am koson mangani' ra ulun ru Misir ra ukuman maagat.

JISAYA 48:9

Oroton Ku ayuk sangit Kuno, maa' raginio ulun mongompor ra inggalan Kuno. Oroton Ku ayuk sangit Kuno, maa' raginio kalo potoyon kau.

JISAYA 63:12

Ati kia Tuhan, ondo' ralalom ru kuasa' Nano nambaal Io ra baal makaimuag ondo' pinabala' galing ri Musa? Linapak No timug ru raat am mangitang ra ulun Nano sumandaup ra raat ondo' malandom, saboi inggalan Nano mauligan kaga' ra sabuoi-buoi no.” Koson ra kuda masigo kalo makasaru ilo sabap ra Tuhan mangindangan risilo.

JISAYA 63:9

intor ra nansalinut kaimbalaan. Sala' ka ulun sinusub kapoam malaikat, kaa' Tuhan galama' namayag risilo. Ralalom ru togom am kaasian Nano binayag No ilo. Intor poyo ra galing i inalungan No ulun Nano,

JISAYA 64:3

Nambaal Kou ra baal ondo' makalalaa', ondo' kalo maguang mai. Timinuun Kou, am gunung-gunung mauyog sabap ra malaa'.

JIRIMIA 32:21

Inibit Mu ulun ru Israil miningkual intor ra Misir ra kuasa' am kaikangan Muno. Nambaal Kou ra kaimuagan am baal-baal makaimuag ondo' nampakalalaa' ra pantula'.

SAGULION 15:15

Karaa' noyo ra galing i akau sinauk ra inulipon giu' ra Misir, am pinalabus kau noyo ru Tuhan i Aki Kapuuno' min. Ginio sabap ra aku manaak ramuyun ra susuban ragitio.

SAGULION 4:7

“Kolondo' bansa' ra ati pana, kabalu' pana bansa' maayo, ondo' makatuhan ondo' mamaar kaga' paat makapakuan risilo koson ra Tuhan i Aki Kapuuno' takau mamaar ritakau. Tumaam Io ra sasanggilan takau mampiau makiindangan.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

JOSUA 10:42

Kinala ri Josua ngaangai' raja' no am pagun nilo lingono' sabap Tuhan i Aki Kapuuno' ru Israil nangayou tayar ru Israil.