1 TUNUNG RU BANSA' ISRAIL 17:20 - Tanou Moonsoi Timugon

²⁰ Iou Tuhan, kolondo' mokogondo' Rirun; intor ragili, nakapandai akai noyo ra Okou noyo rorondo' i Aki Kapuuno'.

1 TUNUNG RU BANSA' ISRAIL 17:20 ပူးပေါင်းရင်းမြစ်များ

JISAYA 44:6

Tuhan ondo' namarinta am mangampin ra Israil, Tuhan Ondo' Maayo Kaga' Kuasa' mindagu, “Aku noyo ondo' kasaa' am ondo' pamupusan, i Aki Kapuuno' rondo'-rondo' no; Suai Raki', kolondo' bokon.

IPISUS 3:20

Koompor noyo i Aki Kapuuno', ondo' mansail ra kuasa' Nano ondo' mangandoi ra guang takau maalap kabaal mulu' poyo intor ra atan ayuk kitaakon kapoam guangon takau.

KAINGKUALAN 15:11

Iou Tuhan, osoi kia intor ra tuhan-tuhan ondo' koson Rirun? Osoi kia ondo' koson Rirun, matulai kaga'? Osoi kia ondo' makapambaal ra kaimuagan am baal ra makaimuag koson ra binaal Muno?

JISAYA 63:12

Ati kia Tuhan, ondo' ralalom ru kuasa' Nano nambaal Io ra baal makaimuag ondo' pinabala' galing ri Musa? Linapak No timug ru raat am mangitang ra ulun Nano sumandaup ra raat ondo' malandom, saboi inggalan Nano mauligan kaga' ra sabuoi-buoi no.” Koson ra kuda masigo kalo makasaru ilo sabap ra Tuhan mangindangan risilo.

JISAYA 45:22

“Akau ngaangai' namagun ru tana' ti, saguli' kano Raki' maa' raginio bayagon kau, sabap ra Aku ayuk i Aki Kapuuno', kolondo' bokon!

JISAYA 45:5

“Aku noyo Tuhan; kolondo' bokon. Aniin Tokou ra kaikangan ondo' kasagaan Kuno, kabalu' pana okou kalo makaulig Raki'.

JISAYA 43:10

“Akau ulun ru Israil, akau noyo sasi' Kuno; pinili' Takamin masauk ra ulipon Kuno maa' raginio mauligan min Aku am niayuk mangintopot kau Raki', am mangarati' kau ra Aku noyo rondo'-rondo' ayuk i Aki Kapuuno'. Suai intor Raki', kolondo' tuhan-tuhan ra bokon; intor poyo ra galing i, kapoam orou ra matong.

JISAYA 40:25

Osoi kia maalap min pogondoo' ri Aki Kapuuno' Ondo' Matulai Kaga'? Mokoondo' kia mogondo' koson Riso?

JISAYA 40:18

Osoi kia maalap min pogondoo' ri Aki Kapuuno'? Osoi kia guangon min pogondoo' Riso?

MAZMUR 89:8

Urumaton Kou bulintok ra ulun-ulun matulai mantitimung, am kalaanin toojo ru ngaangai' ondo' nakalibung Rirun.

MAZMUR 89:6

Ngaangai' suang ru suruga' mongompor ra kaimuagan ondo' binaal muno, am marimbai ra gagaya' Muno, iou Tuhan.

MAZMUR 86:8

Kolondo' tuhan koson Rirun, iou Tuhan, kolondo' makabaal koson ra binaal Muno.

MAZMUR 44:1

Mazmur bansa' ri Kora. Sisindiron. Ra tingganai maririmbai.

1 SAMUIL 2:2

“Kolondo' sangulun pana matulai koson ra Tuhan; kolondo' mokogondo' Riso; i Aki Kapuuno' takano ayuk makapanaak ra panindungan.

SAGULION 33:26

Akau ulun ru Israil, kolondo' ondo' koson ri Aki Kapuuno' mino, ondo' marapas ra limbowon ra katulayan, am mujak ra gaun koson mangindangan ramuyun.

SAGULION 4:39

Ginio ra karaa' noyo ra orou raiti' am pai' liliani' ra Tuhan rondo'-rondo' i Aki Kapuuno' giu' ra limbowon am giti ra tana' ti; kolondo' boo bokon.

SAGULION 4:35

Binaal ru Tuhan ngaangai' baal raginio maa' raginio makapandai kau ra Io rondo'-rondo' noyo Tuhan, am kolondo' boo bokon.

SAGULION 3:24

‘Iou Tuhan Raja', nakapandai aku ra atan ondo' nanuluan Muno raki' talimpuun ayuk ru baal maayo am makaimuag ondo' baalon Muno. Kolondo' tuhan ra bokon giu' ra limbowon kapoam giu' ra tana' ondo' makapambaal ra baal makaimuag ondo' binaal Muno.

KAINGKUALAN 18:11

Nakapandai aku ra Tuhan maayo poyo intor ra ngaangai' tuhan, sabap ra nambaal Io ra ngaangai' no paat ra liminaat ulun ru Misir ra ulun ru Israil.”

KAINGKUALAN 8:10

Taam raja' no, “Pakiasi' noyo ra bala kuno ra susuab no.” Indagu i Musa, “Makiasi' aku koson ra kitaak muno raja', am makapandai kou raja' boo ra kolondo' koson ra Tuhan i Aki Kapuuno' mai.

KAINGKUALAN 9:14

Raino ti mangukum Aku sala' ka ayuk ra pagawai muno am mamagun muno, kaa' okou niayuk, maa' raginio makapandai kou ra kolondo' osoi pana ondo' koson Raki' ra titikop ru tana' ti.

1 TUNUNG RU BANSA' ISRAIL 17:19

Sabap ra kasagaan Muno am inatangan Muno, binaal Mu ngaangai' baal maayo ti raki', am koson nampakito ra kinaayo kuno paat ra orou matong, raki'.

1 TUNUNG RU BANSA' ISRAIL 17:21

Giti ra titikop ru tana' ti kolondo' bansa' koson ra Israil, ondo' binayag Mu intor ra pangulipanan, koson mampasauk risilo ra ulun Muno galama'. Binaal maayo am makaimuag ondo' binaal Muno risilo, mampasauk ra inggalan Muno mauligan kaga' ra titikop ru tana' ti. Pinalabus Mu ulun Muno intor ra Misir, am napagiru' ra bansa'-bansa' ra bokon paat ra ulun Muno minongoi pangayou.

MAZMUR 97:9

Iou Tuhan Ondo' Maayo Kaga' Kuasa', Okou noyo namarinta ra titikop ru tana' ti; Okou noyo makakuasa' ka ngaangai' ru dewa.