1 TUNUNG RU BANSA' ISRAIL 17:1 - Tanou Moonsoi Timugon

¹ Sangarawan raiti, paat ra Raja' Daut norondon noyo ra istana nano, piniau ru Raja' Daut i Nabi Natan am indagu, “Ilai', minayan aku ra istana ondo' binaal intor ra tataun sidar, liliwa' Kaban Nabantuan ru Tuhan soroi ayuk giu' ra ralalom ru kim!”

1 TUNUNG RU BANSA' ISRAIL 17:1 ပူးပေါင်းရင်းမြစ်များ

1 TUNUNG RU BANSA' ISRAIL 17:5

Intor ra Aku nampalabus ra ulun ru Israil intor ra Misir saboi raino, kalo poyo igondo' Aku ayan ra rondo' baloi. Masalok Aku mayan ra kim am manding intor ra rondo' intok mongoi ra intok ra bokon.

1 TUNUNG RU BANSA' ISRAIL 15:1

Nambaal Raja' Daut ra kukula' baloi giu' ra Bandar Daut koson riso. Nanampos io ra intok ru Kaban Nabantuan ri Aki Kapuuno' am napatirong ra kim intok ru Kaban no.

AGAI 1:9

Malansan kau ra masuang kumoson, kaa' ondo' naalap min totopot kalo kukula'. Paat ra akau magibit muli' kinumos no, sampuyon Ku ginio saboi makai' siabin ru angin. Kua baalo' Ku ginio? Baalon Ku ginio sabap ra Baloi Kuno lakat poyo nalunsai, kaa' akau ngaangai' bambal ayuk mambaal ra baloi ru sigagama'.

AGAI 1:4

“Akau ulun Kuno, kua ayan kau giu' ra ralalom ru baloi moonsoi, kaa' Baloi Kuno lakat poyo nalunsai?

DANIL 4:4

“Maayag aku ra moonsoi ra istana kuno, am makasia' ra kalangkayaan.

JIRIMIA 22:15

Okou ti masauk kia ra raja' ondo' moonsoi poyo, amon ru mambaal kou ra istana ra tataun sidar, saboi moonsoi poyo intor ra istana ru ulun bokon? Ama' muno makasia' ra kaayagan moonsoi. Masalok io matimpok am kalo mampili' ra ulun, am nakasugut io ralalom ru ngaangai' pirot nano.

MAZMUR 132:5

saboi makapambaal aku ra baloi ru Tuhan, intok ayanan ru Ondo' Maikang Kaga', i Aki Kapuuno' ondo' sambaan ri Jakub.”

2 TUNUNG RU BANSA' ISRAIL 1:4

Kaa' Kaban Nabantuan inibit noyo ra Jirusalim, am binulian giu' ra ralalom ru kim ondo' binaal ru Raja' Daut paat ra io napabanding ra Kaban no intor ra Kiryat-Jiarim.)

1 TUNUNG RU BANSA' ISRAIL 29:29

Tunung ru kaayagan ru Raja' Daut intor ra talimpuun saboi ra pupus tinulisan giu' ra ralalom kitab ru talu ngaulun nabi: Nabi Samuil, Nabi Natan am Nabi Gad.

1 TUNUNG RU BANSA' ISRAIL 16:1

Pinabanta' nilo Kaban Nabantuan no giu' ra ralalom ru kim ondo' tinampos noyo ru Raja' Daut. Kopongo raginio nampataak ilo ra taak-taak simbalui koson mapabansuk ra guang ru Tuhan am taak-taak simbalui koson makibarakat Riso.

1 TUNUNG RU BANSA' ISRAIL 14:1

Raja' Giram intor ra Tirus nanusub ra duta-duta nano mongoi ra Raja' Daut, am nangator niayuk ra tataun sidar, ulun manukang ra tataun, am niayuk ulun manukang ra batu koson mambaal ra istana.

1 RAJA'-RAJA' 1:44

Nanusub io ri Jadok, i Natan, i Binaya am ulun magalung galama' ru raja' koson mamaya' ri Salomo. Pinasakoi nilo i Salomo ra baghal ru raja'.

1 RAJA'-RAJA' 1:23

Binalaan Raja' Daut ra ratangan ru Nabi Natan, am umpos Nabi Natan am igulatur ra saang ru raja'.

1 RAJA'-RAJA' 1:8

Kaa' Imam Jadok, i Binaya anak ri Joyada, Nabi Natan, i Simii, i Rii, am magalung galama' ru Raja' Daut kalo manungka' ri Adonia.

2 SAMUIL 12:25

am nanusub ra Nabi Natan manginggalan ra anak no ri Jidija, sabap ra motogom Tuhan riso.

2 SAMUIL 12:1

Kopongo raginio nanusub Tuhan ri Nabi Natan mongoi ra Raja' Daut. Uma' i Natan ra Raja' Daut am indagu, “Mokoondo' ruo ngaulun ungkuyon ondo' minayan ra rondo' bandar; ondo' sangulun no langkaya' am sangulun no poyo musikin.

2 SAMUIL 6:17

Kopongo raginio pabantaa' nilo Kaban Nabantuan ra intok nano giu' ralalom kim ondo' pinatirong ru Raja' Daut koson ra Kaban Nabantuan no. Napataak Raja' Daut ra taak simbalui koson mapabansuk ra guang ru Tuhan am taak simbalui koson makibarakat ra Tuhan.

RINALATAN 7:46

I Daut napabansuk ra guang ri Aki Kapuuno'. Ginio ra kitaako' no koson mambaal ra rondo' baloi ri Aki Kapuuno' ondo' sambaan ri Jakub.

1 RAJA'-RAJA' 8:17

Indagu poyo Raja' Salomo, “Ama' kuli, Raja' Daut, nangatang koson mambaal ra rondo' baloi koson ra intok sumambayang ra Tuhan, i Aki Kapuuno' ru Israil.

1 TUNUNG RU BANSA' ISRAIL 17:2

Taam i Natan, “Baalo' noyo atan ayuk kasagaan muno raja' sabap ra i Aki Kapuuno' mabaya' rirun.”

1 TUNUNG RU BANSA' ISRAIL 22:7

Indagu Raja' Daut ri Salomo, “Okou anak kuno, nabuoi noyo ginuang ku mambaal ra rondo' baloi koson mangurumat ra Tuhan i Aki Kapuuno' kuno.

1 TUNUNG RU BANSA' ISRAIL 28:2

Bigor Raja' Daut giu' ra saang nilo am indagu, “Rongogo' mamagun ku ngai'! Nabuoi aku no makaguang koson mambaal ra rondo' baloi ondo' mantilayun koson ra Kaban Nabantuan, sanaran ru kalayam ru Tuhan, i Aki Kapuuno' takau. Inula' ku noyo koson mambaal ra rondo' baloi intok sumamba Riso.

KAINGKUALAN 26:1

“Baalo' noyo ra tampilon ralalom ru Kim ru Tuhan am mopor ngaputul konoon linon molomos ondo' binaal intor ra banang bulu makabatik motomou, matanggilung am malia'. Baali' konoon no ra gambar kirub.

1 TUNUNG RU BANSA' ISRAIL 22:6

Piniau ru Raja' Daut anak nano i Salomo, am nanusub riso koson mambaal ra rondo' baloi tayar ru Tuhan i Aki Kapuuno' ondo' sambaan ru ulun ru Israil.