1 TUNUNG RU BANSA' ISRAIL 16:4 - Tanou Moonsoi Timugon

⁴ Raja' Daut nampalantik ra kukula' ngaulun Liwi koson maningganai ra upacara sambayang ra Tuhan, i Aki Kapuuno' ru Israil, giu' ra saang ru Kaban Nabantuan. Narimbai ilo ra rimbai paringkuanangan am pangamparan ra Tuhan.

1 TUNUNG RU BANSA' ISRAIL 16:4 ပူးပေါင်းရင်းမြစ်များ

KASAUKAN 17:7

“Suguton Ku toojo bantu' Kuno rirun am papag muno, mansusugul am bantu' no mantilayun. Masauk Aku ri Aki Kapuuno' muno am i Aki Kapuuno' ru papag muno.

KASAUKAN 32:28

Indagu ulun no, “Inggalan muno sala ka boo i Jakub. Giminabu' kou ri Aki Kapuuno' am ra ulun, am namanang kou. Ginio ra inggalan muno i Israil.”

KASAUKAN 33:20

Giu' no, pambaal io ra rondo' altar am inggalani' no “i Aki Kapuuno' ru Israil noyo i Aki Kapuuno'”.

1 RAJA'-RAJA' 8:15

Indagu raja', “Koompor noyo Tuhan, i Aki Kapuuno' ru Israil! Nanugut Io ra bantu' ondo' binaal Nano ra ama' kuli, Raja' Daut, paat ra Io minindagu ra Raja' Daut koon ragitio,

1 TUNUNG RU BANSA' ISRAIL 15:16

Nanusub niayuk Raja' Daut ra tingganai-tingganai ru ulun ru Liwi maa' raginio manusub ra kukula' ngaulun intor ra bansa' nilo koson marimbai am mangkuli ra rimbai-rimbai kaansukan ra jitor am simbal.

1 TUNUNG RU BANSA' ISRAIL 16:3

am nantatayar ra akanon risilo ngaangai'. Moonong ulun ondo' soroi ra giu' no, ungkuyon am ruandu' inanian rondo' ruti', sampila' kual pinanggang, am rondo' kuui kismis.

1 TUNUNG RU BANSA' ISRAIL 16:5

I Asap linantik koson ra tingganai am i Jakaria mangindangan nano. I Jiyil, i Simiramot, i Jiwil, i Matisa, i Iliab, i Binaya, i Obid-Idom am i Jiyil sinusub koson mangkuli ra jitor. I Asap sinusub koson mangkuli ra simbal,

1 TUNUNG RU BANSA' ISRAIL 16:8

Paringkuanang no ra Tuhan, potonowo' katulayan Nano. Tunungo' binaal Nano ra bansa'-bansa'.

1 TUNUNG RU BANSA' ISRAIL 25:1

Koson maningganai ra upacara-upacara ru sambayang, Raja' Daut am tingganai ru ulun ru Liwi nampili' ra bansa'-bansa' intor ra bansa' ru Liwi ragitilo: I Asap, Giman am Jidutun. Ilo pinangandoi koson mampasaboi ra tanou intor ri Aki Kapuuno' am sumbayaan ra jitor, gambus am simbal. Koson maningganai ra sambayang am upacara nano, pinili' pulalai ragitilo:

1 TUNUNG RU BANSA' ISRAIL 6:31

Raja' Daut nampili' ra kukula' ngaulun koson manalingapu ra rimbai pangamparan giu' ra intok sambayangan giu' ra Jirusalim, nalupus Kaban Nabantuan pinabanding ra giu' no.

IJRA 3:10

Paat ra ulun-ulun mangngandoi ra pambaalan timinalimpuun napabanta' ra batu maatang ru Baloi ru Tuhan, imam-imam ondo' nambayang ra sukub am nagibit ra bujung minongoi ra intok ru sigagama'. Ulun ru Liwi intor ra bansa' ru Asap niayuk minigor ra giu' no liliwa' nagibit ra agung-agung boborok. Nongompor-ngompor ilo ra Tuhan siminugut ra aturan ondo' inaru' intor ra paat ru Raja' Daut.

NIGIMIA 12:24

Ralalom paningganayan ri Gasabia, Siribia, Jisua, Binui am i Kadmiil, ulun ru Liwi tinayar nasauk ra kukula' ngampulalai. Moonong igondo', mokoondo' ruo ngampulalai ondo' mangandoi mongompor ri Aki Kapuuno' am maringkuanang Riso ra balos mambalos, sumugut ra aturan ondo' tinaakan ru Raja' Daut, ulipon ri Aki Kapuuno'.

MAZMUR 103:2

Omporo' noyo Tuhan, alii ra salibuor kuno, am pai' liliani' kaansayan Nano.

MAZMUR 105:5

Akau papag ri Abragam, ulipon Nano, am papag ri Jakub, ulun pinili' Nano, karaa' noyo kaimuagan binaal ri Aki Kapuuno', pai' liliani' ragu kapatasan ra pinataak Nano.

MAZMUR 106:48

Omporo' noyo Tuhan, i Aki Kapuuno' ru ulun ru Israil; omporo' noyo Io raino am sabuoi-buoi no! Polosoo' noyo ulun mindagu, “Amin!” Omporo' noyo Tuhan!

MAZMUR 37:1

Mazmur ri Daut. Pai' kalasu' guang ra ulun malaat no; pai' solon risilo ondo' nambaal ra sala.

MAZMUR 70:1

Ra tingganai ru santimungan maririmbai. Mazmur ri Daut, bulintok napataak ra taak simbalui ra pangkaraan.

MAZMUR 72:18

Omporo' noyo Tuhan, i Aki Kapuuno' ru ulun ru Israil, Io ayuk mambaal ra baal-baal ra makaimuag toojo.