1 TUNUNG RU BANSA' ISRAIL 16:3 - Tanou Moonsoi Timugon

³ am nantatayar ra akanon risilo ngaangai'. Moonong ulun ondo' soroi ra giu' no, ungkuyon am ruandu' inanian rondo' ruti', sampila' kual pinanggang, am rondo' kuui kismis.

1 TUNUNG RU BANSA' ISRAIL 16:3 ပူးပေါင်းရင်းမြစ်များ

YEHEZKIEL 45:17

Kaa' paat ra pangiantakan ra sila' bagu, am orou Sabat, am orou pangiantakan ra bokon, ulun manguasa' lansanin manampos ra bibiag koson pataakon koson ra taak simbalui, am niayuk taak simbalui koson paringkuanangan Raki'; am niayuk taak simbalui wain ra tayar ru ngaangai' bansa' ru Israil. Io no lansanin manampos ra taak simbalui koson mangampun ra tula, taak simbalui koson paringkuanangan Raki', taak simbalui koson mapabansuk ra guang Kuno, am taak simbalui koson makibarakat Raki'. Aku pana mangampun boo ra tula ru ulun ru Israil.”

NIGIMIA 8:10

Uli' kano am pambaal kano ra bunsag. Pantayar kano ra akanon am wain min risilo ondo' natutusan. Orou raiti' orou patimpokon ra Tuhan takau. Ginio ra pai' kano pangiluk guang. Kaansukan ondo' tinaakan ru Tuhan ramuyun mangikang ramuyun.”

1 PITRUS 4:9

Apuo' noyo rondo' am bokon giu' ra baloi mino ra kalo mambarui.

2 TUNUNG RU BANSA' ISRAIL 30:24

Nanaak Raja' Gijkia ra 1,000 ngainan sapi' gawayan am 7,000 ngainan domba koson sinimbalui am inakan ru mamagun. Pagawai-pagawai nanaak 1,000 ngainan sapi' gawayan am 10,000 ngainan domba. Paat raginio masuang kaga' imam namasau ra inan.

1 TUNUNG RU BANSA' ISRAIL 16:2

Kopongo Raja' Daut nampataak ra taak-taak simbalui raginio, nambarakat io ra ulun ru Israil ralalom inggalan ru Tuhan,

1 TUNUNG RU BANSA' ISRAIL 16:4

Raja' Daut nampalantik ra kukula' ngaulun Liwi koson maningganai ra upacara sambayang ra Tuhan, i Aki Kapuuno' ru Israil, giu' ra saang ru Kaban Nabantuan. Narimbai ilo ra rimbai paringkuanangan am pangamparan ra Tuhan.

RIMBAI PANGAMPARAN 2:5

Ikango' aku ra kismis, paligago' aku ra ipol, sabap tutuyangon ku lumaai riso.

JISAYA 16:7

Mantangi' ulun ru Moab sabap ra kaimbalaan nilo. Mantangi' ilo bulintok ra ilo mangkara' ra akanon maamis ondo' masalok nilo akanon giu' ra Kir-Garisit. Malumpus ilo.

GOSIA 3:1

Indagu Tuhan raki', “Ongoi poyo am kasaga' no ra sangulun ruandu' ondo' masaga' mansawa'. Tagami' noyo io koson ra Aku motogom ra ulun ru Israil, kabalu' pana nangiruan ilo noyo Raki' am siminamba ra tuhan-tuhan ra bokon, am niayuk masaga' mampataak ra kuui kismis ra sinungkalalaing.”

1 RAJA'-RAJA' 3:15

Paat ra Raja' Salomo nakarat, nakaliman io ra minindagu i Aki Kapuuno' riso ralalom ru inupi. Kopongo raginio minongoi Raja' Salomo ra Jirusalim am minigor ra saang ru Kaban Nabantuan ru Tuhan. Nampataak Raja' Salomo ra taak simbalui koson mapabansuk ra guang ru Tuhan am taak simbalui koson makibarakat ra Tuhan. Kopongo raginio nambaal Raja' Salomo ra bunsag koson ra ngaangai' ru pagawai nano.