1 TUNUNG RU BANSA' ISRAIL 16:29 - Tanou Moonsoi Timugon

²⁹ Omporo' noyo inggalan ru Tuhan ondo' matulai; ibito' noyo taak am umpos no ra intok inayanan Nano. Kuku' samba ra saang ru Tuhan paat ra Io mingkual;

1 TUNUNG RU BANSA' ISRAIL 16:29 ပူးပေါင်းရင်းမြစ်များ

MAZMUR 100:4

Subol no baya' ra kulobon ru garabang Nano liliwa' maringkuanang, ongoi no ra lisar ru Baloi Nano liliwa' mongompor. Paringkuanang no Riso am omporo' noyo Io.

JISAYA 6:3

Ilo ondo' maayag no mampiau ra rondo' am bokon, “Matulai, matulai, matulai! Matulai noyo Tuhan Ondo' Maayo Kaga' Kuasa'! Tana' natikop ra rinatangan Nano ondo' matulai.”

MAZMUR 96:9

Igulatur no ra saang ru Tuhan bulintok ra Io sumalula'; kalaa' kano ra saang Nano, akau titikop ru tana' ti!

MAZMUR 96:6

Katulayan am urumat liminiput Riso, intok Nano natikop ra kuasa' am kaantakan Nano.

MAZMUR 95:2

Uma' takano Riso am maringkuanang, am naansukan marimbai ra rimbai pangamparan.

MAZMUR 29:2

Pongompor kano ra inggalan ru Tuhan ondo' matulai, igulatur no ra saang ru Io Ondo' Matulai Kaga' amon ru papulusat Io.

MAZMUR 72:15

Kaayag noyo raja'! Gama' ru paapuon raja' no ra mas intor ra pagun Syiba; gama' ru pakiasian koson riso mantilayun ayuk; gama' ru barakaton raja' no ri Aki Kapuuno' ra sabuoi-buoi no!

PINAINTALANG 7:12

konilo, “Amin! Koompor noyo kapintaran, paringkuanangan, urumat, kuasa' am ikang Muno, i Aki Kapuuno' takau ra sabuoi-buoi no! Amin!”

MAZMUR 110:3

Bulintok ra okou matong ra makakuasa', giu' ra bulur matulai, ulun muno masaga' mangindangan ayuk toojo. Koson ra bolobou bulintok ra susuab ti, nasuangan ru buayoi rumatong rirun.

2 TUNUNG RU BANSA' ISRAIL 20:21

Pakapansusunur ra mamagun, panusub raja' ra kukula' ngaulun maririmbai maa' raginio mambayang ra ondo' kaindalaman bayangon ra upacara-upacara ru ugama. Ulun-ulun maririmbai no musiti' mugar giu' ra saang ru saujor liliwa' marimbai, “Omporo' noyo Tuhan! Togom Nano mantilayun!”

YEHEZKIEL 24:25

Indagu Tuhan, “Okou ulun mapandai matoi, alapon Ku Baloi Kuno ondo' mapiot no intor risilo, Baloi ondo' linimbawan am kasagain nilo, am ondo' ilain am angayin nilo ra guang maansukan. Aku pana mangalap niayuk ra anak-anak nilo.

MAZMUR 72:10

Ngaangai' raja' ru Tarsis am ngaangai' pulu' mapataak riso ra tangguang; ngaangai' raja' ru pagun Syiba am Siba manaak niayuk riso ra tangguang.

MAZMUR 50:2

Intor ra Sion, bandar ondo' maramai, makasinda i Aki Kapuuno' koson ra mato ru orou.

YEHEZKIEL 7:20

Paat ragili mamanggo ilo ra intan ondo' moonsoi, kaa' pinakai nilo ginio koson mambaal ra sinungkalalaing ondo' makauyuyu'. Ginio ra Tuhan nambaal ra rapu' nilono makajala' risilo.

1 SAMUIL 6:5

Musiti' takau mambaal ra binaal-baal intor ra lanit-lanit am tikus ondo' tatanga' kumokot malarom ra pagun minti. Koon raginio noyo akau manaak ra pangurumatan ri Aki Kapuuno' ru Israil. Maaru' lair lumonggo' Io mangukum ramuyun, dewa am tana' mino.

1 TUNUNG RU BANSA' ISRAIL 16:28

Akau ngaangai' ulun ra tana' ti, omporo' noyo Tuhan! Omporo' noyo katulayan am kaikangan Nano.

1 TUNUNG RU BANSA' ISRAIL 16:30

ponontol no ra saang Nano, akau titikop ru tana' ti! Tana' ti piniot am kalo maalap ra uyog.

MAZMUR 29:1

Mazmur ri Daut. Pongompor kano ra Tuhan, akau namagun ra suruga'; omporo' katulayan am kuasa' Nano.

MAZMUR 96:7

Akau ngaangai' ulun ra tana' ti, omporo' noyo Tuhan! Omporo' noyo katulayan am kaikangan Nano!

JISAYA 52:1

Luat noyo, okou Jirusalim, luat noyo! Ikango' guang muno! Sulungi' bayang moonsoi kaga' muno! Okou Jirusalim, bandar ondo' matulai, ulun majamol kalo boo sumubol ra kulobon garabang muno.