1 TUNUNG RU BANSA' ISRAIL 15:25 - Tanou Moonsoi Timugon

²⁵ Ginio ra Raja' Daut nababaya' ra tingganai-tingganai ru Israil, am niayuk panglima-panglima minongoi ra baloi ri Obid-Idom koson mangalap ra Kaban Nabantuan, am nambaal ra pangiantakan maayo.

1 TUNUNG RU BANSA' ISRAIL 15:25 ပူးပေါင်းရင်းမြစ်များ

1 RAJA'-RAJA' 8:1

Kopongo raginio Raja' Salomo nanusub ra ngaangai' tingganai ru bansa'-bansa' ru Israil muma' riso giu' ra Jirusalim, koson mapabanding ra Kaban Nabantuan ru Tuhan intor ra Sion, bandar Daut, mongoi ra Baloi ru Tuhan.

2 TUNUNG RU BANSA' ISRAIL 1:4

Kaa' Kaban Nabantuan inibit noyo ra Jirusalim, am binulian giu' ra ralalom ru kim ondo' binaal ru Raja' Daut paat ra io napabanding ra Kaban no intor ra Kiryat-Jiarim.)

2 TUNUNG RU BANSA' ISRAIL 5:2

Kopongo raginio nanusub Raja' Salomo ra ngaangai' tingganai ru bansa'-bansa' ru Israil tumimung giu' ra Jirusalim, koson mapabanding ra Kaban Nabantuan ru Tuhan intor ra Sion, Bandar Daut, poongoyon ra Baloi ru Tuhan.

IJRA 6:16

Kopongo raginio ulun ru Israil, imam-imam, ulun ru Liwi am ngaangai' ulun ondo' minuli' noyo intor ra pamatiran, nampaugar ilo patimpokon Baloi ru Tuhan no mabaya' ra kaansukan.

MIKA 5:2

Ginio ra nompoloso Tuhan ra ulun Nano kinuasa' ru pantula' saboi ruandu' ondo' maganak no makapaganak ra anak ungkuyon nano. Kopongo raginio ulun ralalom pamatiran tumimung saguli' mabaya' ra bansa' nilo.

UNTABAN 31:14

Siminangit i Musa ra tingganai-tingganai ru saujor am komandan ru pulalai no ondo' bagu minuli' intor ra pangayawan.

SAGULION 1:15

Ginio ra nampili' aku ra kukula' ngaulun ondo' mapintar toojo am makanailian, ondo' pinili' min noyo intor ra moonong bansa' maa' raginio masauk ra tingganai min. Mokoondo' kukula' ngaulun risilo ondo' pinalansan saribu ngaulun, ondo' bokon no maatus ngaulun, ra limo ngoopor ngaulun, am niayuk ra mopor ngaulun. Nampili' aku niayuk ra pagawai-pagawai ra bokon ra gino ngai' ru bansa' min.

SAGULION 12:18

Akau am anak-anak mino, mabaya' ra ulipon-ulipon mino am ulun ru Liwi ondo' minayan giu' ra bandar-bandar mino, musiti' mangakan ra taak raginio giu' ayuk ra saang ru Tuhan i Aki Kapuuno' min, giu' ra rondo' intok ondo' pinili' ru Tuhan i Aki Kapuuno' min. Giu' ra intok raginio musiti' maansukan kau ra ngaangai' ondo' binaal min.

SAGULION 12:7

Giu' no, giu' ra saang ru Tuhan i Aki Kapuuno' min, ondo' nambarakat noyo ramuyun, mabaya' kau ra sasambaloi min mangakan am sumia' ra ngaangai' ampos ru kandoi min.

SAGULION 16:11

Pakaansuk noyo ra saang ru Tuhan, mabaya' ra anak-anak mino, mangngandoi mino, ulun ru Liwi, ulun bansa' ru bokon, anak nailusan ra matuo, am napuor ondo' minayan ra bandar-bandar mino. Baalo' noyo baal raginio giu' ra rondo' intok sambayangan no.

SAGULION 16:15

Urumato' noyo Tuhan i Aki Kapuuno' min ra mangiantak ra pangiantakan ragitio buoi tulu' ngoorou giu' ra rondo' intok sambayangan no. Pakaansuk noyo sabap ra nambarakat noyo Tuhan ra kinumos am kandoi min.

PILIPI 3:3

Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.

PILIPI 4:4

Gama' ru masalok kau makaansuk sumimpung ra Tuhan. Sagulion ku poyo; pakaansuk kano!

1 SAMUIL 10:19

Aku noyo i Aki Kapuuno' min ondo' napalabus ramuyun intor ra ngaangai' kaimbalaan am kapaganan. Kaa' raino nangimpai kau Raki', i Aki Kapuuno' min, sabap ra nakipili' kau Raki' ra sangulun raja' min. Iou noyo, timung kano ra saang Kutu, Tuhan min, lumili' maya' ra bansa' mino.’ ”

1 SAMUIL 22:7

indagu io ra pagawai-pagawai nano, “Rongogo', akau ngaangai' ulun ru Binjamin! Mangkara' kau kia ra i Daut no mangani' ramuyun ra umo am umo ru anggur? Saukon kau kia ngaangai' ra pagawai ralalom ru saujor nano?

1 SAMUIL 8:12

Mokoondo' ondo' pasaukon ra tingganai ru pulalai ra saribu ngaulun saujor, am mokoondo' poyo tingganai ru pulalai ra limo ngoopor ngaulun saujor. Jajalin ru raja' no anak ungkuyon mino maparagus ra umo nano, mangkumos ra ampos ru tinanom nano, am mambaal ra kinandoi am niayuk kuliamos ra tayar ru kurita' kuda ru raja'.