1 TUNUNG RU BANSA' ISRAIL 15:2 - Tanou Moonsoi Timugon

² Kopongo raginio indagu Raja' Daut, “Ulun ru Liwi ayuk ondo' iowon mansaan ra Kaban Nabantuan ri Aki Kapuuno', sabap ra ilo pinili' ru Tuhan koson mansaan ra Kaban Nabantuan ru Tuhan am koson mangandoi ayuk Riso ra sabubuoi no.”

1 TUNUNG RU BANSA' ISRAIL 15:2 ပူးပေါင်းရင်းမြစ်များ

2 SAMUIL 6:13

Kopongo ulun ondo' nangkayang ra Kaban Nabantuan minugar onom ngatumpang ra pagulu, panusub Raja' Daut risilo muog. Papataak io boo ra taak simbalui ra Tuhan, iono sanginan sapi' gawayan am sanginan anak ru sapi' ondo' kinolomok.

2 TUNUNG RU BANSA' ISRAIL 35:3

Ulun-ulun ru Liwi, iono mangingila' ru Israil ondo' timpokon ayuk ra Tuhan, nakaalap ra susuban ragitio intor ra Raja' Josia, “Pabantaa' noyo Kaban Nabantuan ondo' matulai ti giu' ra Baloi ru Tuhan, ondo' binaal ru Raja' Salomo anak ungkuyon ru Raja' Daut. Kalo pana boo ibiton min ginio intor ra intok ka intok, kaa' musiti' kau mangandoi ayuk ra Tuhan, i Aki Kapuuno' min am ulun Nano Israil.

KAINGKUALAN 25:14

am pasulungo' tataun pamandas no ra golong ra mansapapa' ru Kaban no.

JISAYA 66:21

Santayaran risilo no pasaukon Ku ra imam am ulun ru Liwi.

UNTABAN 3:6

“Susubo' bansa' ru Liwi matong ra saang, am saukon ilo ra mangindangan ri Arun, imam no.

UNTABAN 3:9

Rorondo' kandoi ru ulun ru Liwi iono mangindangan ri Arun am papag nano.

UNTABAN 7:9

Kaa' kalo nanaak i Musa ra bansa' ru Kigat ra kurita' ru sapi' kapoam sapi', sabap ra kuliamos ra mangapasau ondo' alungin nilo musiti' saanin nilo.

SAGULION 10:8

Giu' rasawat ru gunung, Tuhan nampasauk ra ulun intor ra bansa' ru Liwi koson magalung ra Kaban Nabantuan, am koson mangandoi Riso koson imam, am niayuk koson mindagu ra barakat ralalom ru inggalan Nano. Saboi raino lakat poyo bansa' ru Liwi mambaal ra kandoi raginio.

SAGULION 31:9

I Musa pana nanulis boo ra Ukum ri Aki Kapuuno' no am taaki' no ra imam-imam Liwi ondo' nanalingapu ra Kaban Nabantuan ru Tuhan am ra tingganai-tingganai ru ulun ru Israil.

JOSUA 3:3

am indagu ra ulun ru Israil, “Paat ra akau makakito ra imam-imam magibit ra Kaban Nabantuan ru Tuhan i Aki Kapuuno' min, ugar noyo am baya' noyo risilo.

JOSUA 6:6

Nampiau i Josua ra imam-imam am indagu risilo, “Saani' noyo Kaban Nabantuan, am tulu' ngaulun ramuyun musiti' mugar giu' ra saang no magibit ra bujung.”