1 TUNUNG RU BANSA' ISRAIL 15:15 - Tanou Moonsoi Timugon

¹⁵ Paat nampabanding ra Kaban, ulun ru Liwi nansaan ra Kaban no ra ruo ngantaun bandasan ondo' tinaakan ru Tuhan pinaumbaya' ri Musa.

1 TUNUNG RU BANSA' ISRAIL 15:15 ပူးပေါင်းရင်းမြစ်များ

2 SAMUIL 6:12

Norongog ru Raja' Daut ra nambarakat Tuhan ra sasambaloi ri Obid-Idom am ngaangai' ondo' soroi riso no, sabap ra Kaban Nabantuan no. Ginio ra ongoi Raja' Daut ra baloi ri Obid-Idom am alapo' Kaban Nabantuan no. Pinabanding no Kaban Nabantuan ra Jirusalim nabaya' ra pangiantakan maayo.

2 SAMUIL 6:13

Kopongo ulun ondo' nangkayang ra Kaban Nabantuan minugar onom ngatumpang ra pagulu, panusub Raja' Daut risilo muog. Papataak io boo ra taak simbalui ra Tuhan, iono sanginan sapi' gawayan am sanginan anak ru sapi' ondo' kinolomok.

1 RAJA'-RAJA' 8:8

Tataun pamandas no maawar kaga' saboi pompor no makito intor ra saang ru Lamin Matulai Kaga', kaa' kalo makito intor ra tampilon ra bokon. (Tataun-tataun pamandas no lakat poyo ra giu' no saboi raino.)

1 TUNUNG RU BANSA' ISRAIL 13:10

Paat raginio niayuk Tuhan siminangit ri Uja am namatoi riso, sabap ra ginuut no Kaban. I Uja minatoi ra giu' no, ra saang ri Aki Kapuuno'.

2 TUNUNG RU BANSA' ISRAIL 5:9

Tataun pinamandas no maawar kaga', saboi pompor no makito intor ra saang ru Lamin Matulai Kaga', kaa' kalo makito intor ra intok ra bokon. (Tataun-tataun pinamandas no lakat poyo soroi ra giu' no saboi raino.)

KAINGKUALAN 40:20

Kopongo raginio alapo' ri Musa ruo batu pamatikan no am pabantaa' no ra Kaban Nabantuan. Pasulungo' no tataun bandasan ru Kaban ra golong no, am taubi' no Kaban no ra panaub no.

UNTABAN 4:15

Paat maparulun ra Kim, bansa' ru Kigat mangkayang ra kuliamos mangapasau ra mopongo ayuk taubin ri Arun am anak-anak nano ngaangai' kuliamos no am niayuk kuliamos ra ukop nano. Kalo pokombongon bansa' ru Kigat ra kuliamos mangapasau no. Amon ru mangambong ilo raginio, matoi ilo. Ginio noyo kandoi ru bansa' ru Kigat paat pabandingon Kim ru Tuhan.

UNTABAN 7:9

Kaa' kalo nanaak i Musa ra bansa' ru Kigat ra kurita' ru sapi' kapoam sapi', sabap ra kuliamos ra mangapasau ondo' alungin nilo musiti' saanin nilo.

SAGULION 10:8

Giu' rasawat ru gunung, Tuhan nampasauk ra ulun intor ra bansa' ru Liwi koson magalung ra Kaban Nabantuan, am koson mangandoi Riso koson imam, am niayuk koson mindagu ra barakat ralalom ru inggalan Nano. Saboi raino lakat poyo bansa' ru Liwi mambaal ra kandoi raginio.