1 TUNUNG RU BANSA' ISRAIL 15:12 - Tanou Moonsoi Timugon

¹² Indagu Raja' Daut risilo, “Akau tingganai ru bansa'-bansa' ralalom bansa' ru Liwi. Ginio ra, akau am ulun ru Liwi ra bokon musiti' mamasau ra inan maa' raginio maalap min pakabanding Kaban Nabantuan ru Tuhan, i Aki Kapuuno' ru Israil, ra intok ondo' tinampos ku noyo.

1 TUNUNG RU BANSA' ISRAIL 15:12 ပူးပေါင်းရင်းမြစ်များ

1 TUNUNG RU BANSA' ISRAIL 15:1

Nambaal Raja' Daut ra kukula' baloi giu' ra Bandar Daut koson riso. Nanampos io ra intok ru Kaban Nabantuan ri Aki Kapuuno' am napatirong ra kim intok ru Kaban no.

1 TUNUNG RU BANSA' ISRAIL 15:14

Ginio ra, imam-imam am ulun ru Liwi namasau ra inan maa' raginio makapamanding ra Kaban Nabantuan ru Tuhan, i Aki Kapuuno' ru Israil.

1 TUNUNG RU BANSA' ISRAIL 15:3

Ginio ra nampiau Raja' Daut ra ngaangai' ulun ru Israil matong ra Jirusalim koson mapabanding ra Kaban Nabantuan ru Tuhan ra intok ondo' tinampos nano.

1 TUNUNG RU BANSA' ISRAIL 16:1

Pinabanta' nilo Kaban Nabantuan no giu' ra ralalom ru kim ondo' tinampos noyo ru Raja' Daut. Kopongo raginio nampataak ilo ra taak-taak simbalui koson mapabansuk ra guang ru Tuhan am taak-taak simbalui koson makibarakat Riso.

1 TUNUNG RU BANSA' ISRAIL 24:31

Koson mangaru' ra paat nilo mangandoi, moonong sasambaloi mababaya' ra sangulun boborok nano ra ungkuyon mangundi' koson ra binaal ru pabukat nilo, iono imam-imam ra papag ri Arun. Pangundian no inilayan ru Raja' Daut nababaya' ri Jadok, i Agimilik, am niayuk tingganai-tingganai ru sasambaloi intor ra nalili' imam am nalili' ulun ru Liwi.

1 TUNUNG RU BANSA' ISRAIL 9:34

Ngaangai' ulun ondo' sinabit giu' ra rasawat ni noyo tingganai-tingganai ru sasambaloi ru Liwi sumugut ra suang ru papag nilo. Ilo niayuk tingganai-tingganai ondo' minayan giu' ra Jirusalim.

2 TUNUNG RU BANSA' ISRAIL 1:2

Nanusub Raja' Salomo ra ngaangai' pagawai ondo' naningganai ra pulalai ondo' mokoondo' saribu ngaulun am maatus ngaulun, am ngaangai' pagawai ru pamarintaan, ngaangai' tingganai ru sasambaloi am niayuk ngaangai' ru mamagun

2 TUNUNG RU BANSA' ISRAIL 1:4

Kaa' Kaban Nabantuan inibit noyo ra Jirusalim, am binulian giu' ra ralalom ru kim ondo' binaal ru Raja' Daut paat ra io napabanding ra Kaban no intor ra Kiryat-Jiarim.)

2 TUNUNG RU BANSA' ISRAIL 30:15

Paat ra orou koopor am apat ra sila' raginio, nanimbalui ilo ra anak-anak domba tayar ru taak simbalui Pangiantakan Paska. Imam-imam am ulun-ulun ru Liwi ondo' kalo poyo namasau ra inan nauyu' kaga' saboi ilo pana namasau ra inan maa' raginio makapampataak ra taak simbalui koson mapabansuk ra guang ru Tuhan giu' ra Baloi ru Tuhan.

2 TUNUNG RU BANSA' ISRAIL 35:6

Akau no ondo' musiti' manimbalui ra domba am kambing koson ra Pangiantakan Paska. Ginio ra impasawi' min inan am potomposo' min taak-taak simbalui no, maa' raginio akau ngai' ulun ru Israil makapambaal ra atan ondo' sinusub ru Tuhan ondo' pinabala' galing ri Musa.”

2 TUNUNG RU BANSA' ISRAIL 5:11

Ngaangai' imam intor ra moonong pulalai ru siminaang ra giu' no namasau ra inan. Ngaangai' maririmbai ru ulun ru Liwi, iono i Asap, i Giman am i Jidutun, am niayuk ulun-ulun ru bansa' nilo, nambayang ra konoon linon. Ulun ru Liwi minigor tampilon ra sirangon ru altar am nampaguut ra simbal am jitor. Nababaya' risilo mokoondo' 120 ngaulun imam ondo' nanamput ra bujung. Rimbai ru ulun-ulun maririmbai nagagampan ra iniis ru bujung, simbal am kuliamos miujik ra bokon. Gitio noyo sinulabit ru rimbai ondo' rinimbai nilo koson mongompor ra Tuhan: “Omporo' noyo Tuhan, sabap Io moonsoi, togom Nano mantilayun.” Paat ra imam-imam mingkual intor ra Baloi ru Tuhan, pulali' ru Baloi ru Tuhan nototop ra gaun ondo' makasinda ra sinda ru ratangan ru Tuhan, saboi kalo boo makarayus nilo upacara sambayang.

2 TUNUNG RU BANSA' ISRAIL 5:2

Kopongo raginio nanusub Raja' Salomo ra ngaangai' tingganai ru bansa'-bansa' ru Israil tumimung giu' ra Jirusalim, koson mapabanding ra Kaban Nabantuan ru Tuhan intor ra Sion, Bandar Daut, poongoyon ra Baloi ru Tuhan.

NIGIMIA 13:22

Nanusub aku ra ulun ru Liwi maa' raginio mangimpasau ra inan am magalung ra kulobon-kulobon garabang koson magilong ra ulun maa' raginio mangurumat ra orou Sabat. Iou Aki Kapuuno', karaa' noyo aku sabap ra baal ragitio, am pakaasi' no raki' sabap ra togom Muno ondo' maayo.

JISAYA 52:11

Ugar no! Iruani' noyo bandar Babil, akau ondo' nagibit ra kuliamos ru baloi ri Aki Kapuuno'! Pai' kau kambong ra kuliamos ondo' majamol no, tulayo' min inan mino ra kalo poyo mintor kau.

YEHEZKIEL 48:11

Tayar matulai ti koson imam-imam papag ri Jadok. Nangandoi ilo Raki' ayuk ra giminagaya' am kalo koson ra ulun ru Liwi bansa' nilo, ondo' minaya' makatula nababaya' ra ulun ru Israil ra bokon.

JUANIS 17:17

Sauko' ilo no ra Ulun Muno ralalom ru katapatan Muno; bala' Mu noyo katapatan.