1 TUNUNG RU BANSA' ISRAIL 14:9 - Tanou Moonsoi Timugon

⁹ Ulun ru Palistin nakasaboi giu' ra Limayak Ripaim am tumalimpuun mantakou.

1 TUNUNG RU BANSA' ISRAIL 14:9 ပူးပေါင်းရင်းမြစ်များ

2 SAMUIL 23:13

Paat ra tatakip noyo bulintok mangkumos, talu ngaulun intor ra “Pulalai Talu Ngoopor” timinuun ra Luang Batu Adulam. Paat raginio soroi Raja' Daut ra ralalom ru luang batu no. Sampulalai ulun ru Palistin nangkim giu' ra Limayak Ripaim.

2 SAMUIL 5:18

Nakasaboi ulun ru Palistin giu' ra Limayak Ripaim am ayan ra giu' no.

1 TUNUNG RU BANSA' ISRAIL 11:15

Sangarawan raginio, talu ngaulun intor ra talu ngoopor ngaulun saujor ondo' nauligan kaga' minongoi tuum ra Raja' Daut giu' ra rondo' intok ondo' mokoondo' ra kubu giu' ra rondo' gunung batu, mamaar ra Luang Batu Adulam. Paat raginio ulun ru Palistin nangkim giu' ra Limayak Ripaim, am sampulalai nilo minayan ra Bitligim.

1 TUNUNG RU BANSA' ISRAIL 14:10

Nokorongog raginio, pangkuot Raja' Daut ri Aki Kapuuno', “Musiti' kia bulunsaron ku ulun ru Palistin? Aniin Mu kia aku ra kamanangan?” Taam Tuhan, “Bulunsaro' noyo! Aniin Tokou ra kamanangan!”

1 TUNUNG RU BANSA' ISRAIL 14:13

Kalo nabuoi raginio, ulun ru Palistin siminaguli' ra Limayak Ripaim am nantakou poyo.

1 TUNUNG RU BANSA' ISRAIL 14:8

Paat ra ulun ru Palistin nokorongog ra Raja' Daut nasauk noyo ra raja' ru titikop ru Israil, minatong ilo koson mamparakop riso. Ginio ra minongoi Raja' Daut pangayou risilo.

JISAYA 17:5

Israil masauk koson ra umo ondo' ampos nano nakumos noyo, am nokoloso koson ra umo giu' ra Limayak Ripaim paat ra makai' kakumos ampos nano.