1 TUNUNG RU BANSA' ISRAIL 14:3 - Tanou Moonsoi Timugon

³ Giu' ra Jirusalim, Raja' Daut nanangandu' ra kukula' ngaulun poyo, am nokoowot ra masuang poyo anak ungkuyon am ruandu'.

1 TUNUNG RU BANSA' ISRAIL 14:3 ပူးပေါင်းရင်းမြစ်များ

2 SAMUIL 5:13

Kopongo Raja' Daut nabanding intor ra Gibron minongoi ra Jirusalim, mokoondo' io ra masuang poyo andu' am parulug, am niayuk anak ungkuyon am ruandu'.

1 RAJA'-RAJA' 11:3

Nanangandu' Raja' Salomo ra tulu' ngaatus ngaulun anak ruandu' ru raja' am mokoondo' ra talu ngaatus ngaulun ruandu' parulug. Ilo no nangkinibit ra Raja' Salomo nangiruan ri Aki Kapuuno',

1 TUNUNG RU BANSA' ISRAIL 14:2

Ginio ra nakaliman Raja' Daut ra Tuhan nangikang ra intok nano koson ra raja' ru Israil am nangikang ra pamarintaan nano koson ra kaatangan ru ulun ru Tuhan.

1 TUNUNG RU BANSA' ISRAIL 14:4

Gitilo noyo anak-anak ungkuyon nano ondo' inanak giu' ra Jirusalim: I Syamua, Sobab, Natan, Salomo.

1 TUNUNG RU BANSA' ISRAIL 28:5

Nangani' Io raki' ra masuang anak ungkuyon, am ra gino ngai' ru ilo nampili' Io ri Salomo koson mamarinta ra Israil, pamarintaan ru Tuhan.

MAMPATANOU 9:9

Sia' no ra kaayagan ti mabaya' ra andu' katagaman muno, sabuoi ra kaayagan muno ondo' kolondo' onong, ondo' tinaakan ri Aki Kapuuno' rirun ra tana' ti. Sia' no ra moonong orou kabalu' pana kolondo' onong sabap ginio ayuk maalap muno intor bagui ru kandoi muno.

MALIAKI 2:14

Mangkuot kou ra sasaban no ra Io kalo boo mangapu ra taak muno. Koson raginio baal no sabap ra Tuhan nakapandai ra okou kalo boo giminagaya' ra ruandu' inandu' muno paat ra akau mamulok. Ruandu' no rangan ru kaayagan am andu' min, kaa' liminungkang kou ra bantu' riso, kabalu' pana binantu' mu noyo ra saang ri Aki Kapuuno' koson magulayun gumagaya' riso.

MATIUS 19:8

Taam i Jisus, “Nabi Musa nambaal koson raginio sabap ra akau ti mokotog ulu, kaa' sotopot no sala' ka koson raginio paat ra talimpuun ru tana' ti.

SAGULION 17:17

Kalo iowon raja' no makaandu' ra masuang, sabap baal raginio mangkinibit riso tumalikur intor ra Tuhan; kalo iowon raja' no milangkaya' ra mas kapoam pirok.