1 TUNUNG RU BANSA' ISRAIL 12:8 - Tanou Moonsoi Timugon

⁸ Paat ri Daut soroi giu' ra kubu giu' rasawat ru tana' kaagisan, masuang saujor nauligan kaga' am mangapandai toojo intor ra bansa' ru Gad minatong amung riso. Mapandai ilo kaga' mamakai ra perisai am tutura'; ilain ra baani ilo koson ra singa' am maribok ilo koson ra tambang.

1 TUNUNG RU BANSA' ISRAIL 12:8 ပူးပေါင်းရင်းမြစ်များ

2 SAMUIL 1:23

“Raja' Saul am i Jonatan, kasagain am tagamin, kalo nantuliar ralalom ru bayag am matoi; matasik ilo poyo intor ra kanui, am maikang poyo intor ra singa'.

2 SAMUIL 17:10

Kinibit ru ginio, ulun ondo' baani kaga' am maikang toojo koson ra singa' pana malaa'. Ngaangai' ulun giu' ra Israil makapandai ra ama' muno sangulun tutumula', am ra ulun-ulun nano tutumula' ondo' maikang ra baani.

2 SAMUIL 2:18

Katalu-talu ngaulun anak ungkuyon ri Jiruya soroi ra giu' no: i Joab, i Abisai am i Asail. I Asail, ondo' masimbul koson ra kinaribok ru paus,

2 SAMUIL 23:20

Sangulun saujor ra bokon ondo' mauligan kaga' iono i Binaya anak ri Joyada intor ra Kabjiil. Io ti baani kaga', am nakapamatoi ra ruo ngaulun tutumula' mapanggol intor ra Moab. Sangarawan raiti, paat ra salji rumatu', siminubol io ra luang batu am pamatoi ra sanginan singa'.

1 TUNUNG RU BANSA' ISRAIL 11:22

I Binaya anak ri Joyada intor ra Kabjiil iono sangulun saujor ondo' mapanggol kaga'. Baani io kaga' am nakaili' namatoi ra ruo ngaulun tutumula' intor ra Moab. Paat ra rondo' orou, paat ra ais batu riminatu', siminubol io ra rondo' luang am namatoi ra sanginan singa'.

1 TUNUNG RU BANSA' ISRAIL 12:16

Rondo' paat ra santimungan ulun intor ra bansa' ru Binjamin am bansa' ru Jiuda minongoi ra kubu inayanan ri Daut.

1 TUNUNG RU BANSA' ISRAIL 12:9

Gitilo noyo inggalan nilo sumugut ra pangkat: Ijir, Obaja, Iliab, Mismana, Jirimia, Atai, Iliil, Joganan, Iljabad, Jirimia am Makbanai.

2 TUNUNG RU BANSA' ISRAIL 25:5

Tinimung ru Raja' Amajia ngaangai' ulun ru bansa' ru Jiuda am Binjamin. Tinayar no ilo nasauk ra kukula' pulalai ru saujor sumugut ra bansa' ru sigagama'. Linantik no pagawai koson maningganai ra moonong pulalai no; mokoondo' pulalai ondo' suang no saribu ngaulun, am mokoondo' niayuk ondo' suang no maatus ngaulun. Ulun ru pulalai no nakaaya' ngaangai' ungkuyon ondo' makaumur nakasail ra ruo ngoopor ngambilor. Ngaangai' nilo suang no 300,000 ngaulun. Ilo ulun ondo' pinili', ondo' timinampos koson mampatoi, am mapandai manantutura' am manamperisai.

AMSAL 28:1

Ulun malaat masimbul kabalu' pana kolondo' ulun mangilou risilo, kaa' ulun mabanis guang baani koson ra singa'.

AMSAL 6:5

Labus no intor ra jajaling no koson ra susuit kapoam paus nakalabus intor ra ulun magagasu.

RIMBAI PANGAMPARAN 8:14

Ibok no, alii ra ambai kuno, ratong no koson ra sanginan paus, koson ra anak ru tambang rasawat ru gunung intok nantanaman ra apa' pampagamis ra akanon.

JIRIMIA 46:9

Susubo' kuda no mugar, am kurita'-kurita' kuda mugar ra maribok! Pangator no ra saujor-saujor: ulun intor ra Itiopia am Libia ondo' nagibit ra perisai, am niayuk ulun maturasik mamanah intor ra Lidia.’ ”

1 SAMUIL 23:14

Nansibuni i Daut giu' ra intok-intok panindungan giu' ra kabuluran, giu' ra tana' kaagisan Jiip. Masalok io ilolowon ru Raja' Saul, kaa' Tuhan kalo napataak riso ra Raja' Saul.

1 SAMUIL 24:22

Kaa' pakimabantu' no ralalom inggalan ru Tuhan ra okou kalo mamatoi ra papag kuno am kalo luluon inggalan ru sasambaloi kuno.”