1 TUNUNG RU BANSA' ISRAIL 12:40 - Tanou Moonsoi Timugon

⁴⁰ Intor ra bansa' ru Isakar, Jibulon am Naptali, ondo' maalur giu' ra ralayo pana mokoondo' ulun minatong nagibit ra kaladai, unta, baghal am sapi' ondo' nagibit ra akanon: tapung, kawa' ru ara, kismis, wain am umau jaitun. Ilo niayuk nagibit ra sapi' am domba koson simbaluyon am akanon. Ngaangai' no nampakito ra naansukan mamagun giu' ra titikop ru pagun.

1 TUNUNG RU BANSA' ISRAIL 12:40 ပူးပေါင်းရင်းမြစ်များ

2 SAMUIL 16:1

Paat ra Raja' Daut bagu ayuk nansail ra tampak ru bulur, pulusat ri Jiba, ulipon ri Mipibosit matong muma' riso. Minatong i Jiba nagibit ra ruo ngainan kaladai ondo' nagaut ra kuliamos ruo ngaatus ruti', maatus ngampungu kismis, maatus ngabangkos kikinawa' bagu am sakantungan nototop ra wain.

1 RAJA'-RAJA' 1:40

Kopongo raginio namaya' ilo ra Raja' Salomo siminaguli' ra istana liliwa' giminolok-golok am nanamput ra tulali. Bolos nilono mosongou kaga' saboi tana' ti koson ra lumapak sabap ra gogolos no.

2 RAJA'-RAJA' 11:20

Ngaangai' ulun maansukan am bandar pana nasauk ra mamimio sabap i Atalya pinatoi noyo giu' ra istana.

1 TUNUNG RU BANSA' ISRAIL 12:39

Minayan ilo ra giu' no nababaya' ri Daut buoi talu ngoorou. Nambaal ilo ra bunsag maayo ra nangakan am nanginum ondo' tinampos koson risilo ru ulun ru Israil ra bokon.

1 TUNUNG RU BANSA' ISRAIL 13:1

Nansusunur Raja' Daut am ngaangai' pagawai nano ondo' naningganai ra pulalai saribu ngaulun am pulalai maatus ngaulun.

1 TUNUNG RU BANSA' ISRAIL 29:22

Paat ra orou raginio nangakan am nanginum ilo ra naansukan giu' ra saang ru Tuhan. Kopongo raginio koson ra kainduo nilo nampatanou ra i Salomo koson ra raja'. Ralalom inggalan ru Tuhan, nampalantik ilo ri Salomo nasauk ra raja', am i Jadok nasauk ra imam.

AMSAL 11:10

Titikop libung ru bandar makaansuk bulintok ra ulun mabanis guang makaalap ra akanon; mamagun magilakup bulintok ra ulun malaat matoi.

AMSAL 29:2

Amon ru ulun matimpok no mamarinta, mamagun maansukan. Amon ru ulun malaat no mamarinta, mamagun maimbolo'.

GOSIA 3:1

Indagu Tuhan raki', “Ongoi poyo am kasaga' no ra sangulun ruandu' ondo' masaga' mansawa'. Tagami' noyo io koson ra Aku motogom ra ulun ru Israil, kabalu' pana nangiruan ilo noyo Raki' am siminamba ra tuhan-tuhan ra bokon, am niayuk masaga' mampataak ra kuui kismis ra sinungkalalaing.”

1 SAMUIL 25:18

Nataki' i Abigail nangalap ra 200 ruti', ruo ngakantungan ru kungkung ondo' napanu' ra wain, limo ngainan domba pinanggang, 17 ngakilogram unor-unor ondo' sininggala', 100 ngantiis kismis am 200 kuui ara. Pinasakoi no ngaangai' no ra kukula' ngainan kaladai.