1 TUNUNG RU BANSA' ISRAIL 12:20 - Tanou Moonsoi Timugon

²⁰ Gitilo noyo saujor-saujor intor ra bansa' ru Manasi ondo' nagamung ri Daut paat ri Daut ralalom pangkiralanan muli' ra Jiklag: I Adnah, Jojabad, Jidiail, Maikol, Jojabad, Iligu am Jilitai. Ilo sigagama' naningganai ra pulalai saribu ngaulun.

1 TUNUNG RU BANSA' ISRAIL 12:20 ပူးပေါင်းရင်းမြစ်များ

1 SAMUIL 29:11

Ginio ra i Daut am ulun-ulun nano riminondom minugar ra suabon no, am minuli' ra pagun ru Palistin. Saujor-saujor ru Palistin naparayus ra pangkiralanan nilo minongoi ra Jijriil.

SAGULION 33:17

Mokoondo' i Jusup ra kaikangan ru sapi' gawayan, am sangau ru sapi' gawayan ru kataunan. Sangau nano papag ri Manasi ondo' riribu, am papag ri Ipraim ondo' kaaparan ribu. Ra ngaangai' ulun ti nanangau io ra bansa'-bansa', am napagiru' risilo saboi ra pompor ru tana' ti.”

SAGULION 1:15

Ginio ra nampili' aku ra kukula' ngaulun ondo' mapintar toojo am makanailian, ondo' pinili' min noyo intor ra moonong bansa' maa' raginio masauk ra tingganai min. Mokoondo' kukula' ngaulun risilo ondo' pinalansan saribu ngaulun, ondo' bokon no maatus ngaulun, ra limo ngoopor ngaulun, am niayuk ra mopor ngaulun. Nampili' aku niayuk ra pagawai-pagawai ra bokon ra gino ngai' ru bansa' min.

KAINGKUALAN 18:21

Kaa' suai raginio, musiti' kou mampili' ra kukula' ngaulun ungkuyon ondo' mangapintar. Lantiko' ilo ra tingganai ru mamagun ondo' maningganai ra saribu ngaulun, maatus ngaulun, limo ngoopor ngaulun am mopor ngaulun. Musiti' ilo no ulun ondo' malaa' ri Aki Kapuuno', malansanan am kalo masaga' mangapu ra ruit pangambi'.

1 SAMUIL 29:3

Pakakito panglima ru ulun ru Palistin ri Daut am ulun-ulun nano, pangkuot ilo, “Kua ra ngaangai' ru ulun ru Ibrani ti soroi ragiti?” Taam Raja' Akis, “Gitio i Daut, ondo' ragili pagawai ru Raja' Saul intor ra Israil. Lalair io noyo minayan raki'. Intor ra io minatong raki' saboi ra orou raiti', kalo igondo' ku io karampati' ra makasala.”

1 TUNUNG RU BANSA' ISRAIL 8:20

Ilyoinai, Jilitai, Iliil,

1 TUNUNG RU BANSA' ISRAIL 12:19

Kukula' ngaulun saujor intor ra bansa' ru Manasi nagamung ri Daut paat ri Daut nababaya' ra ulun ru Palistin minongoi pangayou ra Raja' Saul. Sotopot no, i Daut kalo nangindangan ra ulun ru Palistin, sabap ra raja'-raja' ru ulun ru Palistin malaa' ri Daut manumbalik risilo am manaung ra Raja' Saul, tuan nano ragili.

1 TUNUNG RU BANSA' ISRAIL 12:21

Ilo saujor ondo' maikang kaga' am nangindangan ri Daut minanggal ra mantatakou. Paat ra orou tauli no, nasauk ilo ra pagawai ru saujor ralalom ru pulalai mangayou ru Israil.

1 SAMUIL 29:4

Kaa' panglima-panglima ru Palistin siminangit ra Raja' Akis. Konilo riso, “Susubo' io muli' ra bandar ondo' tinaakan muno riso. Pai' io paayaa' ritakau mongoi pangayou. Kolondo' makapandai ra paat ra pangayawan ra maagu no, manumbalik io ritakau. Sala' ka kia ginio kaluagan ra moonsoi kaga' riso koson mangambi' ra guang ru raja' nano ra mamatoi ra ulun takati?