1 TUNUNG RU BANSA' ISRAIL 12:19 - Tanou Moonsoi Timugon

¹⁹ Kukula' ngaulun saujor intor ra bansa' ru Manasi nagamung ri Daut paat ri Daut nababaya' ra ulun ru Palistin minongoi pangayou ra Raja' Saul. Sotopot no, i Daut kalo nangindangan ra ulun ru Palistin, sabap ra raja'-raja' ru ulun ru Palistin malaa' ri Daut manumbalik risilo am manaung ra Raja' Saul, tuan nano ragili.

1 TUNUNG RU BANSA' ISRAIL 12:19 ပူးပေါင်းရင်းမြစ်များ

KASAUKAN 43:23

Taam ulipon no, “Pai' pagalabo. Pai' kalaa'. I Aki Kapuuno' mino, iono i Aki Kapuuno' ru ama' mino ondo' napauli ra ruit i ra karung mino. Naapu ku noyo logo ru gandum mini.” Ibito' no boo i Simion risilo.

2 SAMUIL 17:25

Napalantik noyo i Absalom ri Amasa masauk ra panglima saujor koson mamalit ri Joab. I Amasa anak ri Jitra, ulun ru Ismail; ina' nano makainggalan ri Abigail anak ri Nagas, pabukat ra ruandu' ri Jiruya, ina' ri Joab.)

1 TUNUNG RU BANSA' ISRAIL 12:20

Gitilo noyo saujor-saujor intor ra bansa' ru Manasi ondo' nagamung ri Daut paat ri Daut ralalom pangkiralanan muli' ra Jiklag: I Adnah, Jojabad, Jidiail, Maikol, Jojabad, Iligu am Jilitai. Ilo sigagama' naningganai ra pulalai saribu ngaulun.

JAKARIA 8:2

“Moogot Aku kaga' mangindangan ra Jirusalim sabap ra motogom Aku kaga' ra mamagun nano, am sabap ra togom Kuno, siminangit Aku ra pantula' ru bandar no.

TINGGANAI RU BANSA' 6:34

Kinuasa' i Gidion ru Ambiluo ru Tuhan, am nanamput io ra bujung koson mampiau ra ulun intor ra bansa' ru Abiijir maa' raginio maya' riso.

1 SAMUIL 29:10

Ginio ra susuab no, akau ngaangai' no ondo' nangiruan noyo ra Raja' Saul am minatong raki', moonsoi rumondom kau kumarat ra susuab ti am mataki' mugar ra kalo poyo sumirang mato ru orou.”