1 TUNUNG RU BANSA' ISRAIL 12:17 - Tanou Moonsoi Timugon

¹⁷ Inuma' ilo ri Daut am indagu, “Amon ru matong kau koson ra rangan koson mangindangan raki', pagamung no raki'. Apuon mai akau ra guang maringkuanang. Kaa' amon ru masaga' kau manumbalik raki' am parakapin aku ra pantula', kabalu' pana kalo igondo' aku kalaat ramuyun, i Aki Kapuuno' ondo' sambaan ru kinamatuaan takali makapandai raginio am ukumin No akau.”

1 TUNUNG RU BANSA' ISRAIL 12:17 ပူးပေါင်းရင်းမြစ်များ

KASAUKAN 31:42

Amon ru kalo inalungan aku ri Aki Kapuuno' ru kinamatuaan kuli, i Aki Kapuuno' ri Abragam am i Isak, maaru' paugaron mu aku ra kolondo' atan-atan ibiton. Kaa' nakito ri Aki Kapuuno' kapaganan kuno am kandoi ondo' binaal kuno, am rondom i nanaak Io ra pangakiman Nano.”

KASAUKAN 31:53

I Aki Kapuuno' ri Abragam am i Nagor ondo' mangakim rito.” Pagibot boo i Jakub ralalom inggalan ri Aki Kapuuno' ondo' sambaan ri Isak ama' nano, koson suguton no bantu' nano.

1 RAJA'-RAJA' 2:13

Kopongo raginio i Adonia anak ri Gagit, minongoi uma' ri Batsyiba, ina' ru Raja' Salomo. Pangkuot i Batsyiba ri Adonia, “Rinatangan mutu ra kuayan moonsoi kia?” Taam i Adonia, “Iou.”

2 RAJA'-RAJA' 10:15

Namparayus poyo Raja' Jigu ra pangkiralanan nano. Giu' ra tanga' ralan, tinuum io ri Jonadab anak ri Rikab. Liliwa' nanabi' riso, kono, “Sala' ka kia ito ti rondo' guang? Masaga' kou kia manungka' raki'?” Taam i Jonadab, “Masaga' aku.” Kon ru Raja' Jigu, “Amon ru koon poyo raginio, pansikin to.” Pansikin ilo, am pangindangan Raja' Jigu ri Jonadab sumakoi ra kurita' kuda nano.

2 RAJA'-RAJA' 9:22

Pangkuot Raja' Joram ra Raja' Jigu, “Okou matong ti koson ra rangan kia?” Kon ru Raja' Jigu, “Sala' ka lair koson ra rangan buoi ragiti lakat poyo masauk ragiti ilimu' sihir am sumamba ra sinungkalalaing ondo' pinuunan ri Ijibil, ina' muno raja'?”

1 TUNUNG RU BANSA' ISRAIL 12:16

Rondo' paat ra santimungan ulun intor ra bansa' ru Binjamin am bansa' ru Jiuda minongoi ra kubu inayanan ri Daut.

1 TUNUNG RU BANSA' ISRAIL 12:18

Sangulun intor risilo, iono i Amasai, ondo' tauli no nasauk ra tingganai ru pulalai ondo' sabiton ra “Pulalai Talu Ngoopor”, kinuasa' ru Ambiluo ri Aki Kapuuno'. I Amisai pana mindagu, “Daut anak ri Isai, akai ti maamaya' muno! Gama' ru okou am ilo ondo' mangindangan rirun makasugut! I Aki Kapuuno' manaung rirun!” Inuma' ilo ri Daut am linantik ilo nasauk ra pagawai ru saujor nano.

MAZMUR 7:6

polosoo' ayuk pantula' kuno mangilou am mamparakop raki', am potoyon am tatangon nilo aku ra tana'!

MAZMUR 86:11

Ilaa' aku ra kasagaan Muno, iou Tuhan, am suguton ku am gagayaan ku; ilaa' aku ra mangurumat toojo Rirun.

JIRIMIA 32:39

Aniin Ku ilo ra rondo' kuayan ru kaayagan: koson mangurumat Raki' ra sabubuoi no koson ra kaatangan nilo galama' am papag nilo.

JAKARIA 3:2

Malaikat ru Tuhan minindagu ra Tingganai ru riwato, “Gama' ru mangukum Tuhan rirun, okou Tingganai ru riwato! Gama' ru Tuhan ondo' motogom ra Jirusalim mangukum rirun. Ulun ti koson ra polompor ru tataun ondo' binunduk intor ra apui.”

RINALATAN 4:32

Ngaangai' maamaya' ri Jisus toojo rondo' guang. Kolondo' sangulun pana intor risilo nangkara' am nangangku ra kuliamos nano galama', kaa' nagagapu ilo ra kuliamos.

1 KORINTUS 1:10

Pabukat kau ngaangai'. Ralalom inggalan ru Tuhan takau, i Jisus Kristus, kitaakon ku toojo ra pakarati' kano ra rondo' am bokon, maa' raginio kalo mantutuliar kau. Pogogondoo' min noyo guang am niayuk kasagaan min.

2 KORINTUS 13:11

Pupusin ku pabukat kau ngaangai', tumoojo kau! Pirot kano toojo tumanda' am rongogo' noyo bilin kutu. Pogogondoo' noyo guang min am koonsoi kano ra rondo' am bokon. Gama' ru i Aki Kapuuno' ondo' monogom am manaak ritakau ra pabansayan mabaya' ramuyun.

PILIPI 1:27

Raino ondo' maatang toojo, kaayag kano sumugut ra Tanou Moonsoi ri Kristus. Maa' raginio, maampon ru moongoi takamin kailai' kapoam kalo, morongog takamin niayuk ra mingkotog kau poyo koson rondo' ayuk pangintapatan am niayuk rondo' guang min. Maa' raginio, makakau' kau mampabala' ra pangintapatan ondo' inimpuun ra Tanou Moonsoi no.

1 PITRUS 2:23

Paat ra Io inasaban, kalo niayuk nambalos Io pagasab. Paat ra Io sinindualan, kalo noyo nompololob Io risilo. Kaa' liminansan Io ayuk ri Aki Kapuuno', Akim ondo' mabanis guang no.

JUDAS 1:9

Kaa' Tingganai ru malaikat, i Maikol galama', kalo noyo igondo' pakakau' nambaal koson raginio. Paat ra io am Tingganai ru riwato no nagaau ra baangkai ri nabi Musa i, kalo noyo nakakau' i Maikol ti nagibot riso ra ragu magasab. Minindagu io ayuk ra, “Tuhan galama' mangukum rirun!”

1 SAMUIL 16:4

Binaal ri Samuil atan ondo' rinagu ru Tuhan no riso. Minongoi io ra Bitligim am tingganai ru bandar no minatong uma' riso ra nonontol ra malaa'. Nangkuot ilo, “Ratangan mutu magibit kia ra kaansayan?”

1 SAMUIL 18:1

Nopongo noyo Raja' Saul am i Daut nagindagu. Kopongo raginio, anak ungkuyon ru Raja' Saul ondo' makainggalan ri Jonatan maansayan kaga' ri Daut, am tumalimpuun motogom riso koson ra io motogom ra inan nano galama'.

1 SAMUIL 18:3

Nagibot i Jonatan koson rumangan ri Daut ra mantilayun, sabap ra motogom io kaga' ri Daut.