1 TUNUNG RU BANSA' ISRAIL 11:3 - Tanou Moonsoi Timugon

³ Ginio ra ngaangai' tingganai ru ulun ru Israil minatong ra Raja' Daut giu' ra Gibron. Raja' Daut pana nambaal ra nabantuan ra tingganai-tingganai ru Israil no. Kopongo raginio pinasasar nilo umau jaitun ra ulu ru Raja' Daut koson mampalantik riso nasauk ra raja' ru Israil. Kasaukan ragitio nasauk koson ra ondo' binantu' ru Tuhan ondo' pinabala' galing ri Samuil.

1 TUNUNG RU BANSA' ISRAIL 11:3 ပူးပေါင်းရင်းမြစ်များ

2 SAMUIL 2:4

Kopongo raginio minatong ulun ru Jiuda ra Gibron, am ra upacara pangumawan, pinili' nilo i Daut nasauk ra raja' Jiuda. Pakaining Raja' Daut ra baangkai ru Raja' Saul no linobong noyo ru mamagun Jabis giu' ra Giliad no,

2 SAMUIL 5:3

Kon raginio noyo ngaangai' tingganai ru Israil minuma' ra Raja' Daut giu' ra Gibron. Nambaal Raja' Daut ra nabantuan risilo, sauko' nilo boo io ra raja' ru Israil.

2 SAMUIL 5:5

Namarinta io giu' ra Gibron koson ra raja' Jiuda buoi tulu' ngambilor am naintanga', am giu' ra Jirusalim koson ra raja' ru titikop Israil am Jiuda buoi talu ngoopor am talu ngambilor.

2 RAJA'-RAJA' 11:17

Panusub Imam Joyada ra Raja' Joas am mamagun mambaal ra rondo' nabantuan ra Tuhan ra masauk ilo ra ulun ru Tuhan. Nambaal i Joyada niayuk ra nabantuan ru raja' am mamagun.

2 RAJA'-RAJA' 23:30

Pagawai-pagawai ru Raja' Josia napasakoi ra baangkai nano ra rondo' kurita' kuda am inibit minuli' ra Jirusalim. Linobong io ra kalabangan ru raja'. Kopongo raginio mamagun ru Jiuda nampili' ri Joaas, anak ungkuyon ru Raja' Josia, am nampalantik riso ra raja'.

1 TUNUNG RU BANSA' ISRAIL 11:10

Gitilo noyo inggalan ru saujor ru Raja' Daut. Nababaya' ra ulun ru Israil ra bokon, mingkotog ilo maa' raginio Raja' Daut masauk ra raja' koson ondo' binantu' ru Tuhan, am sinungka' nilo pamarintaan nano.

2 TUNUNG RU BANSA' ISRAIL 23:3

Ilo ngaangai' timinimung giu' ra Baloi ru Tuhan am nambaal ra nabantuan ri Joas anak ungkuyon ru Raja' Agajia. Kon ri Joyada risilo, “Gitio noyo anak ungkuyon ru raja'. Raino io ondo' musiti' masauk ra raja', koson ra ondo' binantu' noyo ru Tuhan intor ra papag ru Raja' Daut.

TINGGANAI RU BANSA' 11:11

Ginio ra minugar i Jipta nabaya' ra tingganai-tingganai ru Giliad. Io pana nasauk ra mangnguasa' am panglima. Pinabala' ri Jipta kitaak-kitaak nano ra saang ru Tuhan giu' ra Mijpa.

1 SAMUIL 11:15

Ginio ra ilo ngaangai' minongoi ra Gilgal, am giu' no, giu' ra intok sambayangan no sinauk nilo Raja' Saul ra raja'. Napataak ilo ra taak simbalui koson makibarakat ra Tuhan am Raja' Saul am ngaangai' ulun ru Israil nangiantak ra kasaukan raginio.

1 SAMUIL 15:28

Ginio ra kon ri Samuil ra Raja' Saul, “Paat ra orou raiti' niayuk rinilak noyo ru Tuhan no pamarintaan ru Israil intor rirun am pinataak ginio ra ulun ra bokon ondo' moonsoi poyo intor rirun.

1 SAMUIL 16:1

Tuhan pana mindagu boo ri Samuil, “Kula' poyo buoi ra okou mangiluk guang sabap ri Saul? Inimpayan Ku noyo io koson raja' ru Israil. Raino, ibito' noyo umau jaitun am ongoi no ra Bitligim, ongoi ra sangulun ondo' makainggalan ri Isai, sabap ra nampili' Aku noyo ra sangulun intor ra anak nano koson masauk ra raja'.”

1 SAMUIL 16:3

Piawo' i Isai mongoi ra upacara mapataak ra taak simbalui no. Balain Tokou ra atan ondo' musiti' baalon muno. Ulun ondo' tuluon Kuno rirun musiti' pilion mu masauk ra raja'.”

1 SAMUIL 23:18

I Daut am i Jonatan pana nabantu' ra tutun giu' ra saang ru Tuhan. Kopongo raginio minuli' i Jonatan ra baloi nano, am i Daut liminayun ra Oris.

1 SAMUIL 28:17

Nambaal noyo Tuhan ra atan ondo' rinagu Nali rirun pinabala' galing raki'. Nangalap noyo Tuhan no ra pamarintaan ru Israil intor rirun, am pinataak no ginio ri Daut.