1 TUNUNG RU BANSA' ISRAIL 11:20 - Tanou Moonsoi Timugon

²⁰ I Abisai, boborok ri Joab iono tingganai ru “Pulalai Talu Ngoopor”. Inanggal no talu ngaatus ngaulun am namatoi risilo ra tutura' nano. Ginio ra nasauk io ra nauligan kaga' ra gino ngai' ru “Pulalai Talu Ngoopor”.

1 TUNUNG RU BANSA' ISRAIL 11:20 ပူးပေါင်းရင်းမြစ်များ

2 SAMUIL 18:2

Kopongo raginio panusub io risilo jumalai koson mongoi pangayou ralalom talu pulalai, sigagama' tiningganai ri Joab, i Abisai boborok ri Joab, am i Itai intor ra Gat. Kon ru raja' ra ulun-ulun nano, “Aku pana maya' ramuyun.”

2 SAMUIL 2:18

Katalu-talu ngaulun anak ungkuyon ri Jiruya soroi ra giu' no: i Joab, i Abisai am i Asail. I Asail, ondo' masimbul koson ra kinaribok ru paus,

2 SAMUIL 20:6

Kon ru raja' ri Abisai, “I Siba no mantipagon poyo ritakau intor ri Absalom. Ginio ra ibito' noyo ulun-ulun kuno am ilowo' io. Amon ru kalo, maaru' makuasa' no kukula' bandar mokoondo' ra kubu, am magiru' intor ritakau.”

2 SAMUIL 21:17

Kaa' i Abisai anak ri Jiruya, minatong nangindangan ra Raja' Daut. Binulunsar ri Abisai maayo ulun no am namatoi riso. Kopongo raginio ulun ru Raja' Daut nakitaak maa' raginio Raja' Daut mambantu' ra kalo boo mongoi pangayou mabaya' risilo. Konilo, “Okou kalansanan ru Israil. Marara' akai matatakan rirun.”

2 SAMUIL 3:30

Koon raginio noyo i Joab am i Abisai nansuli' ri Abnir sabap ra namatoi io ri Asail, boborok nilai ralalom pangayawan giu' ra Gibion.

1 TUNUNG RU BANSA' ISRAIL 11:19

Indagu Raja' Daut, “Kalo lair inumon ku timug ti! Amon ru inumon ku, koson ayuk ra inumon ku raraa' ru ulun ondo' pinantuwo nilo painawo!” I Daut tojojo marara' manginum ra timug no. Koon raginio noyo kinabaani ru talu ngaulun saujor ondo' nauligan kaga' no.

1 TUNUNG RU BANSA' ISRAIL 11:21

Io noyo ondo' nauligan kaga' ra gino ngai' ru “Pulalai Talu Ngoopor” am nasauk ra tingganai nilo, kaa' io kalo nauligan kaga' koson ra “Pulalai Talu”.

1 TUNUNG RU BANSA' ISRAIL 2:16

I Isai niayuk mokoondo' ruo ngaulun anak ruandu', i Jiruya am i Abigail. I Jiruya mokoondo' talu ngaulun anak ungkuyon: Abisai, Joab am Asail.

1 SAMUIL 26:6

I Daut pana nangkuot boo ri Agimilik ulun ru Git no, am ri Abisai pabukat ri Joab, (ina' nilono iono i Jiruya), “Osoi ondo' baani mumpos ra pangkiman ru Raja' Saul no mabaya' raki'?” Taam i Abisai, “Aku.”