1 TUNUNG RU BANSA' ISRAIL 10:13 - Tanou Moonsoi Timugon

¹³ Raja' Saul minatoi sabap ra kalo giminagaya' io ra Tuhan, am kalo siminugut ra susuban ru Tuhan. Nakitulu' Raja' Saul intor ra ambiluo ru ulun namagatoi,

1 TUNUNG RU BANSA' ISRAIL 10:13 ပူးပေါင်းရင်းမြစ်များ

2 RAJA'-RAJA' 21:6

Nampataak io ra anak ungkuyon nano koson ra taak simbalui ondo' solobon. Nambaal io ra mangilong am sihir, am nakitulu' io ra mangngilong am babalian. Maayo tula nano ra Tuhan am napasingkual ra sangit Nano.

MAZMUR 25:3

Kalaan kalo malimanan ru ulun ondo' mangintopot Rirun, kaa' malimanan ru ulun ondo' mataki' manggal Rirun.

MAZMUR 73:27

Ulun ondo' manatang Rirun maaru' io no mapuso, pusoon Mu ilo ondo' kalo gumagaya' Rirun.

KAINGKUALAN 22:18

“Potoyo' moonong ruandu' ondo' mapandai kaga' ra sihir.

AMSAL 2:22

Kaa' ulun malaat am makatula paingkualon ri Aki Kapuuno' intor ra pagun raginio, koson ra sakot binubul intor ra tana'.

JISAYA 19:3

Ampangin Ku inatangan ru ulun ru Misir am polowoon Ku guang nilono. Makiindangan ilo ra ngaangai' sinungkalalaing nilono, makibilin am makitulu' ilo ra babalian am ambiluo ru ulun namagatoi.

JISAYA 8:19

Kaa' ulun manusub ramuyun makitulu' intor ra ulun mangilong am babalian ondo' konos-konos am kuniam-kuniam. Mindagu ulun, “Sala' ka kia musiti' takau makitulu' intor ra ulun namagatoi koson kaatangan ru ulun lakat poyo maayag?”

IMAMAT 19:31

“Pai' ongoi pakibilin intor ra ulun ondo' mapandai makimansunur ra ambiluo ru ulun namagatoi. Amon ru mambaal kau raginio, majamol kau. Aku noyo Tuhan i Aki Kapuuno' min.

IMAMAT 20:6

“Osoi ayuk mongoi pakibilin intor ra ulun ondo' mapandai makimansunur ra ambiluo ru ulun namagatoi, ukumin Ku am kalo boo mangkara' Aku ra ulun Kuno.

1 SAMUIL 15:11

“Pansagulian aku nampili' ri Saul nasauk ra raja'. Tinalikuran no Aku am kalo boo gumagaya' ra susuban Kuno.” Siminangit i Samuil, am nosorondom io nakimasi' ra Tuhan.

1 SAMUIL 15:2

Mangukum Io ra ulun ru Amalik sabap ra kinamatuaan nilai minanggal ra ulun ru Israil paat ra ulun ru Israil minatong intor ra Misir.

1 SAMUIL 15:23

Gumuor ra Tuhan nogondo' laat no ra mambaal ra sihir, am guang ra malilimbau nogondo' laat no ra sumamba ra sinungkalalaing. Ginio sabap ra okou nangimpai ra susuban ru Tuhan, Tuhan pana nangimpai rirun koson ra raja'.”

1 SAMUIL 28:6

Nangkuot io ra Tuhan intor ra atan musiti' baalon nano. Kaa' Tuhan kalo timinaam, iou pana ra inupi, kapoam ra Urim am Tumim, kapoam ra pinabala' galing ra nabi.