Yud 1:13 - Ȧŋlemrȧnɛ Ȧfu

¹³ Aŋ yi mɔ ɛmunkəl ɛbaŋ ya ro baŋ, ɛ wurɔ kafoth ka mȧlap maŋ: aŋ yi mɔ atɔs təkɔthnɛ, ta aŋa a bɛnɛ rabi ra ȧŋsum thȧnkȧŋ thəbana.

Yud 1:13 ပူးပေါင်းရင်းမြစ်များ

AŋFilipai 3:19

Ɔthalnɛ ka ŋaŋ kɔnɔ yi kədinɛ-e, ɔkuru ka ŋaŋ kɔnɔ yi akor-e, ɔwa aŋ kori korinɛ ka mȧlap ma ŋaŋ, kotȧy-e aŋ tȧmtȧmnɛ gbo ka matanstans ma ȧdȧru are.

2 Timɔthi 3:13

Kɛrɛ afəm aləs yi afəm ayaŋfa aŋ tə bȧr gbo yi aləs, aŋ tə tɔns alɔm, ɔwa aŋ tə tɔnsnɛ.

2 Pitar 2:17

Aŋfəm aŋe ŋa yi tələmp təwosi gbet, ȧkuru kȧbi ȧke akənkəl kə falira; ta aŋfəm aŋe a bɛnɛ ȧŋsum abana thȧnkȧŋ thəbana.

Yud 1:6

Ɔwa aŋmȧleka aŋa te bɛnɛ mayi maŋ thəpaŋ, kɛrɛ aŋ tey mayira maŋ məlompi, ɔ bɛnɛ ŋa rə tɔrɛntha ka ȧŋsum abana haŋ ka kathoŋkas ka ȧŋrey abana.

Kȧŋȧibinɛ 20:10

Ka a fitha Sethani ɔwe yɛthas ŋa-e ka ȧŋbonka ŋa nȧnt dɛ yi ȧsɔlfɔ, ro ɔsɛm utuy tȧy dɛ yi ɔnȧbi uyem aŋ yi; ɔwa a tə gbaŋar ŋa ri pali gbɛs-əŋ haŋ thȧnkȧŋ thəbana.

Kȧŋȧibinɛ 21:8

Kɛrɛ ŋaŋ aŋa ba rənes yi ante lanɛ, dɛ yi aŋləs-e, yi ŋaŋ aŋa dif kəsias-e, yi aŋfəm arəpi, dɛ yi anthupəs-e, yi ŋaŋ aŋa ramnɛ ɛyɛt ɛbumərnɛ, dɛ yi afəm ayem bɛ-e, aŋ tə ba ɛgbap yaŋ ka ȧŋbonka ŋa nȧnt dɛ yi salfər. Rafi ara bekȧ mȧrəŋ, riyȧŋ.