Yeməs 5:7 - Ȧŋlemrȧnɛ Ȧfu

⁷ Tiyȧŋ naŋ awɔnt, muyu nu haŋ ka kȧder ka ɔMarki. Kəla, ɔbaf ɔ kar haŋ ȧŋlɔkɔ aŋ bek tə kərɔk mȧkomi məbaki ma ȧŋthɔf, ɔ muyu haŋ mɔ sɔthɔ akɔm kətɔtɔkɔ yi kȧləpsɔ.

Yeməs 5:7 ပူးပေါင်းရင်းမြစ်များ

Mathiu 16:27

kotȧy-e ɔWan ka wuni ɔ tǝ der ka aŋyiki ŋa ɔKas kɔŋ yi aŋmȧleka ŋɔŋ. Ɔwa ka ȧŋlɔkɔ ŋati ɔ tǝ sɔŋ wuni o wuni amɔlɔ ma mȧyɔs mɔŋ mǝ yi.

Mathiu 16:28

Tɛntɛnɛ i kanɛ nu, alɔm aŋ tǝma nɔ aŋa te ba kǝnǝŋk rǝfi, haŋ aŋ nənk ɔWan ka wuni ɔ der ka rȧbȧy rɔŋ.

Mathiu 24:27

kotȧy-e mɔ mǝ ɔnakthinɛ mǝ ɔ wur ro thɔrɔŋ-e, ɔwa a nənk ŋi haŋ ro pil-e, ya kȧder ka ɔWan ka wuni mǝ kǝ yi.

Mathiu 24:44

Tiyȧŋ yi nu a bɛnɛnɛ kotȧy-e ka ȧŋlɔkɔ aŋa mǝ nǝ te nanɛ ɔWan ka wuni ɔ tǝ der.

Luk 18:8

I kanɛ nu ɔ tə thonkas ŋa lɛmp. Kɛrɛ ma ɔWan ka wuni ɔ der-e, ɔ tə bəp kəlanɛ ka raru-i?

Luk 21:27

Ȧŋlɔkɔ ŋati aŋ tə nənk ɔWan ka wuni ɔ der ka karənt rə afɔsɔ yi ayiki abana.

Luk 8:15

Kɛrɛ ama ka ȧŋthɔf afinɔ-e, mə yi ŋaŋ aŋa po təl ȧrim, ɔwa maŋ təl-e, aŋ wop ri ɔbaksər ka tȧteŋ dɛ yi ka ȧmerȧ ȧferȧ, kaŋ kom məkomi rə kəmuyu.

Yɔn 21:22

Yisɔsȧŋ ɔ pa ro ŋɔŋ, To mə pə yi mu-e, bepi i selɔ ɔ tiyȧ haŋ i der-e? Munɔ tȧŋ mi.

Yɔn 21:23

Tiyȧŋ ȧŋpa aŋe aŋ gbanthɛnɛ kətɔŋ ka aŋwɔnt bɛ, kəpa ɔkarande kati ɔ ba hɛ tə kəfi: kɛrɛ Yisɔsȧŋ ɔ pa hɛ ɔ ba hɛ kəfi; ɔ pa gbo, Bepi i selɔ ɔ tiyȧ haŋ i der-e, to mə pə yi mu-e?

AŋRomans 15:4

Tiyȧŋ tȧy o tȧy ȧtȧ a gbal thəpaŋ-e, a gbal ti salata kathəkəs kȧsu kȧmȧ sə gbəli ba kəgbak ȧmerȧ salata kamuyu yi kȧbɛfəth ka mȧgbal məsəm.

AŋRomans 2:7

Ka ŋaŋ aŋa bȧsər tə kəyɔ təfinɔ rə kəmuyu kȧmȧ aŋ thɛns ayiki yi alambe, yi mȧtȧy ama te ba kəpoŋ thȧnkȧŋ, ɔ tə sɔŋ aŋesəm thəbana,

1 AŋKɔrenth 1:7

kȧmȧ nə te paŋ aboya o boya ma mə nə kar kȧder ka ɔMarki kȧsu Yisɔs Krayst,

AŋKȧletia 5:5

kotȧy-e saŋ, kətȧŋȧnɛ ka ɔYina-e, sə kar kagbak ȧmerȧ ka mȧlompi ama mə der ka kəlanɛ.

AŋKȧletia 6:9

Maŋ te nu gbɔgbətha rə kəyɔ ɔfinɔ, kotȧy-e ka alɔkɔ agbut sə tə rɔk bepi sə thamrɔ hɛ.

AŋKɔlɔsi 1:11

Kaŋka a bȧksər nu rə afɔsɔ bɛ kətȧŋȧnɛ ka ɔninis wa aŋfɔsɔ ŋa aŋyiki ŋɔŋ, kəkɔ ka kȧmuyu kəlele rə məbɔnɛ.

1 AŋThɛsȧlonika 1:3

Sə kala ȧmerȧ alɔkɔ bɛ ta mapanth ma kȧlanɛ ka nu dɛ yi mȧyɔs ma məbɔthər-e, dɛ yi kamuyu ka kagbak ka nu ȧmerȧ ka ɔMarki kȧsu Yisɔs Krayst, rodi ka Kuru ɔKas kȧsu;

1 AŋThɛsȧlonika 2:19

kotȧy-e ko yi kagbak kȧsu ȧmerȧ thalɔm mȧbɔnɛ-e, thalɔm ko yi ȧŋniyɔ ŋa kagbək kȧsu ɛyonka-e? Naŋ thahɔ-i, rodi ka ɔMarki Yisɔs Krayst ka kȧder kɔŋ-i?

1 AŋThɛsȧlonika 3:13

Kama ɔ bȧksər ɛmerȧ ɛ nu kəte ba məthɛkɛ ka rȧsəm rodi ka Kuru ɔKas kȧsu, ka kȧder ka ɔMarki kȧsu Yisɔs Krayst dɛ yi aŋfəm ŋɔŋ asəm bɛ.

AŋHibru 6:15

Ɔwa ma Ebraham ɔ po muyu haŋ-e, ɔ sɔthɔ tɛn aŋlahiri.

Yeməs 4:11

Awɔnt, te nu fofiya aŋwɔnt a nu; kɔn ɔwe mə fofiya ɔwɔnt kɔŋ-e, thalɔm ɔ thonkas ɔwɔnt kɔŋ-e, ɔ fofiya ȧŋthɔ, ɔ thonkas ȧŋthɔ; ɔwa bepi mə thonkas anthɔ-e, mə yi hɛ sɔ ɔwe mə wop ŋi, mə yi uthoŋkas.

Yeməs 5:10

Aŋwɔnt a mi gbasi nu ȧŋmɔl ŋa kanakasi yi kamuyu ka Aŋnȧbi aŋa po fɔf ka ȧŋes ŋa ɔMarki.

Yeməs 5:3

Mȧbɔŋɔ yi aŋkala a nu ȧferȧ aŋ po wɔŋ məgbak; ɔwa mȧgbak mati mə seri tə kəsɔŋ nu mətheri, ɔwa mə tə sɔm madɛr ma nu mɔ nȧnt. Nə po thoŋkla akɛŋ ka nu ka marey mələpsɔ.

2 Pitar 3:4

Aŋ tə pa hɔ, Reke aŋlahiri ŋa kȧder kɔŋ aŋ yi-e? kotȧy-e kȧbi ma aŋbemba a su aŋ po fi-e, mȧtȧy bɛ mə yi gbo məthənanɛ mɔ ka ɔtəpɛr.