Yeməs 4:11 - Ȧŋlemrȧnɛ Ȧfu

¹¹ Awɔnt, te nu fofiya aŋwɔnt a nu; kɔn ɔwe mə fofiya ɔwɔnt kɔŋ-e, thalɔm ɔ thonkas ɔwɔnt kɔŋ-e, ɔ fofiya ȧŋthɔ, ɔ thonkas ȧŋthɔ; ɔwa bepi mə thonkas anthɔ-e, mə yi hɛ sɔ ɔwe mə wop ŋi, mə yi uthoŋkas.

Yeməs 4:11 ပူးပေါင်းရင်းမြစ်များ

Luk 6:37

Te nu thonkas apa, ɔwa a ba hɛ tə kəthoŋkas nu. Te sɔŋ wuni mətheri. Ɔwa a ba hɛ tə kəsɔŋ nu mətheri. Tera, ɔwa a tə tera nu.

AŋRomans 2:1

Tiyȧŋ munɔ, O wuni kəpet, mə ba hɛ sɔ roŋ bepi mə thonkas wuni lɔm, kotȧy-e ma mə sɔŋ ulɔm mətheri-e, mə sɔnɛ mətheri, pəkasifɛ mə yɔ mɔlɔ min yi ɔlɔm.

AŋRomans 2:13

Ȧtesoma-e pə yi hɛ ŋaŋ aŋa mə təl ȧŋthɔ ŋa mə yi alompi rodi ka Kuru, kɛrɛ ŋaŋ aŋa mə wop ŋi, ŋa ba kəsɔthɔ məmari.

AŋRomans 7:7

To mə sə pa thɔŋ ta ti-a? Ȧŋthɔ aŋ yi tȧy tələs-i? Saki ti. Bepi pə yi hɛ naŋ ka anthɔ-e, i gbəli hɛ tȧrȧ naŋ ahakɛ; kotȧy-e bepi ȧŋthɔ aŋ la hɛ naŋ pa, Te ba amilɛ salata ɛyɛt ya wuni lɔm-e, i gbəli hɛ naŋ tȧrȧ to amilɛ aŋ yi.

1 AŋKɔrenth 4:5

Tiyȧŋ te nu thonkas yeŋka ȧŋlɔkɔ aŋ bek, kɛrɛ kar haŋ ɔMarki ɔ der ɔwe ba kəwura gbafəth mȧtȧy məmaŋknɛ ma ȧŋsum dɛ yi kətɔri sɔ ɛnanɛ ya ɛmerȧ. Ka ȧŋlɔkɔ ŋati wuni o wuni ɔ tə sɔthɔ aŋkori kori ŋɔŋ ka Kuru.

2 AŋKɔrenth 12:20

Ȧtesoma-e i soli ta thani bepi i der-e, i ti bəp nu mɔ mə i te yema, ɔwa naŋ sɔ nə tə fir mi mɔ mə nə te yema, ta thani pə tə yi ɛgbal-o, kȧtut-o, mȧbaŋ-o, ɛpeskɛnɛ-o, kȧforthanɛ-o, kȧfɔflanɛ-o, kȧbondəsnɛ-o, dɛ yi ɛtotok;

AŋƐfisɔs 4:31

Gbapɛ nu ȧmerȧ aroŋkəth-e, rəbaŋ-e, məthɛkɛ-e, kəthoŋka thoŋka dɛ yi ȧmerȧ aləs tətəp bɛ,

1 Timɔthi 3:11

Arani ŋaŋ sɔ aŋ tə yi atempi, aŋa mə te ləsər ŋes ŋa wuni, aŋ bɔthər hɛ kəyɔ məgbati, ka aŋ yi abɔthi lanɛ ta tȧy o tȧy.

2 Timɔthi 3:3

abȧki rəfɔr, aləsər alemranɛ, afəm Sethani, afəm arəpi, aŋ pɛnsa hɛ ɛfela yaŋ, aŋ yi afəm abaŋ, aŋa mə farki aŋlompi,

Taytɔs 2:3

Ya pəyi sɔ yi ŋaŋȧŋ, kȧmȧ mȧyɔs maŋ mə yi mɔ afəm asəm, kȧmȧ aŋ te yi afəm anafiki-e, ɔwa aŋ yi hɛ tə kəmun məber məgbathi, kɛrɛ ta aŋ thəksa mȧtȧy məfinɔ,

Yeməs 1:16

Ta a te pəŋis nu, abɔthər.

Yeməs 1:19

Tiyȧŋ awɔnt abɔthər, ta wuni o wuni ɔ yi tɛmp tɛmp tə kətəl, ta ɔ te yeŋk fɔf, ta ɔ te yeŋk bansȧ.

Yeməs 1:25

Kɛrɛ kɔn ɔwe mə kəli ka ȧŋthɔ ŋa rȧwankom rəgbenthis-e, ɔwa ɔ bȧkər ri-e, ɔwe-e, ma ɔ te yi utəl ɔwe mə pənɛ, kɛrɛ ɔ yi uyɔ ȧrim, ɔkati ɔ tə sɔthɔ aruba ka kayɔ kɔŋ.

Yeməs 2:8

Bepi nə wop ȧŋthɔ ŋa rȧbȧy mɔlɔ ma ȧkȧfȧ kə pa-e, Mə yi tə kəbɔthər ɔfatanɛ ka mu mɔ mȧ mə bɔthərnɛ-e, nə yɔ finɔ,

Yeməs 5:10

Aŋwɔnt a mi gbasi nu ȧŋmɔl ŋa kanakasi yi kamuyu ka Aŋnȧbi aŋa po fɔf ka ȧŋes ŋa ɔMarki.

Yeməs 5:7

Tiyȧŋ naŋ awɔnt, muyu nu haŋ ka kȧder ka ɔMarki. Kəla, ɔbaf ɔ kar haŋ ȧŋlɔkɔ aŋ bek tə kərɔk mȧkomi məbaki ma ȧŋthɔf, ɔ muyu haŋ mɔ sɔthɔ akɔm kətɔtɔkɔ yi kȧləpsɔ.

Yeməs 5:9

Awɔnt, te nu fɔfəthanɛ ukin dɛ yi ulɔm, ta thani naŋ sɔ nə sɔthɔ mətheri. Kəla ɔThoŋkas ɔ təmȧ ka kadare.

1 Pitar 2:1

Tiyȧŋ gbapɛ nu məgbɛŋanɛ, yi akansoŋ, yi ɛpa ɛkȧrȧfu kȧrȧfu, yi kətut, dɛ yi kəforthȧnɛ bɛ;