Yeməs 3:15 - Ȧŋlemrȧnɛ Ȧfu

¹⁵ Kɛrɛ kȧtemp ake kə yi hɛ kȧtemp ka rəbaki ȧke wur rokɔm, kə yi gbo ȧka ȧdȧru, kə taŋanɛ ɔləs, kə yi ka Sethani.

Yeməs 3:15 ပူးပေါင်းရင်းမြစ်များ

Luk 16:8

Ka ɔmarki kɔŋ ɔ korikori ȧŋbɔy ŋɔŋ ukənə pəkasifɛ ɔ yɔ kətemp; kotȧy-e aŋwuth ŋa ȧdȧru aŋ yi atempi kətɔŋ ka ŋaŋ pəthasi aŋwuth ŋa ȧŋmothȧ.

Yɔn 3:17

kotȧy-e Kuru ɔ som hɛ ɔWan kɔŋ ka ȧdȧru tə kəthoŋkas ȧdȧru, ɔ som kɔ tə kəkisis ȧdȧru.

Yɔn 8:44

Nia nə yi ka ɔkas ka nu Sethani, ɔwa ɛfela ya ɔkas ka nu yɛ nə yema yɔ. Ɔ yi udif kȧbi ka katəp, ɔ təmȧ hɛ ka tȧteŋ, pəkasifɛ tȧteŋ tə yi hɛ ro ŋɔŋ. Ma ɔ fɔf rəyem-e, ɔ fɔf ta atɔŋ: ȧtesoma-e uyem wɔŋ, yi ɔkas kati.

Mȧyɔs ma aŋsom 13:10

O munɔ, mə la ɛyaŋfa bɛ yi mələs bɛ, munɔ ɔwan ka Sethani, utheranɛ ka məlompi bɛ, mə tey hɛ kəlafthi lȧfthi asoŋ təlompi ta ɔMariki-i?

AŋRomans 1:22

Mɔ mə aŋ gbək ɛyonka kəpa ŋa atempi-e, aŋ səkɛ apənk,

1 AŋKɔrenth 1:27

kɛrɛ Kuru ɔ po thith mȧtȧy məpənk ma ȧdȧru kȧmȧ ɔ lapəs antempi; ɔ thith mȧtȧy mərant ma ȧdȧru kȧmȧ ɔ lapəs mȧtȧy ma afɔsɔ;

1 AŋKɔrenth 2:14

Kɛrɛ ɔwuni ɔwe te ba ɔYina ɔ gbəli hɛ sɔthɔ mȧtȧy ma ɔYina məsəm ka Kuru, ȧtesoma-e mə yi məpəŋk do rɔŋɔŋ; ɔwa ɔ gbəli hɛ tȧrȧ ma pəkasifɛ ɔYina məsəm kɔnɔ wɛski ma.

1 AŋKɔrenth 3:19

kotȧy-e kȧtemp ka ȧdȧru are kə yi apənk ka Kurɔŋ. Ȧtesoma-e a po gbal kəpa, Ɔ tə wop antempi ka masɔth maŋ gbeŋ.

1 AŋKɔrenth 3:3

kotȧy-e nə yi ras ka mafela mələs ma madɛr. Fani kətut, yi kəgbal, yi kəpeskɛnɛ kə yi kətɔŋ kȧ nu, pə yi hɛ kəpa nə kɔth ka madɛr mɔ mə matanɛ ma afəm a kəpet mə yi-i?

2 AŋKɔrenth 1:12

Kakolonɛ kȧsu ki ake, pə yi mɔ-e, aseri ŋa ɛmerȧ ɛ su-e, kəpa rə məsəm yi tȧteŋ rodi ka Kuru, pə yi hɛ rə kȧtemp ka rawuni kəpet kɛrɛ ka ȧŋboŋa ŋa Kuru, sə po kɔth ka ȧdȧru, ɔwa pə tha gbethi ro rɔnu.

2 AŋKɔrenth 11:3

Kɛrɛ i soli ta thani mɔ mə ȧŋbok ɔ tɔns Ma Hawa ka masɔth mɔŋ-e, yaŋ sɔ ɛmerȧ ɛ nu ɛ tə yɛthȧ kəwur ka ɔfɔy tȧy dɛ yi ɔfethər ɔwe yi ka Kraystȧŋ.

AŋFilipai 3:19

Ɔthalnɛ ka ŋaŋ kɔnɔ yi kədinɛ-e, ɔkuru ka ŋaŋ kɔnɔ yi akor-e, ɔwa aŋ kori korinɛ ka mȧlap ma ŋaŋ, kotȧy-e aŋ tȧmtȧmnɛ gbo ka matanstans ma ȧdȧru are.

2 AŋThɛsȧlonika 2:9

Ɔwa katɔrinɛ ka ɔwuni thanthonɛ ɔwe kətaŋ ka mȧyɔs ma Sethani kə tə yi dɛ yi afɔsɔ bɛ-e, rə ɛmisali ɛyem, dɛ yi rə təmɛndɛ,

1 Timɔthi 4:1

ƆYina məsəm ɔ tɔri ti finɔ kəpa ka marey mələpsɔ-e, afəm alɔm aŋ tə bȧrȧ kəmuth ka kȧlanɛ, rə kəsu ɛləns ka ɛyina ɛyem, yi mapa ma makərəfi,

Yeməs 1:17

Aboya o boya afinɔ, yi aboya o boya agbenthis aŋ wur rokɔm, aŋ thor kəwur ka ɔKas ka ȧŋmothȧ, ɔwe te ba məfəlɛ fəlɛ, thalɔm amumpəl ŋa kəsiŋkar.

Yeməs 1:5

Kɛrɛ bepi ukin ka nu ɔ ba hɛ kətemp ka rəbaki-e, ta ɔ tholir Kuru ɔwe yi ufonsiri, ɔwe mə yer rə məthɛkɛ tha, ɔwa a tə sɔŋ kɔ ki.

Yeməs 3:17

Kɛrɛ kȧtemp ka rəbaki ȧke wur rokɔm kətɔtɔkɔ bɛ kə yi kəfera, kədarəŋ kati kə yi kəthɔfəl, kərusəma finɔ, kətuy hɛ nɛmthɛnɛ, kəla ȧney, kəba məkomi məfinɔ, kəte ba agbȧy, kəte ba ayaŋfa.

Yud 1:19

Aŋe ŋa mə kȧrȧ məpeskinɛ, ŋa yi afəm ŋa ȧdȧru, aŋ ba hɛ ɔYina məsəm.

Kȧŋȧibinɛ 12:9

Ka a wurɔ ȧŋninkinanka ubana, pə yi mɔ ȧŋbok ukur ɔwe a tela ɔkərəfi dɛ yi Sethani, ɔwe tɔns ȧdȧru bɛ. Ka a fitha kɔ ka ȧdȧru dɛ yi aŋmȧleka ŋɔŋ sɔ.

Kȧŋȧibinɛ 2:24

Kɛrɛ i pa do rɔmu, yi ka aŋlɔm ro Thayatira aŋa te malanɛ mathəksa ame-e, pə yi mɔ-e ka ŋaŋ aŋa te tha thəkəs mȧtȧy ama mə a tela ɛgbundu ya Sethani. I ba hɛ sɔ kəreŋ mu kothe kəlɔm.

Kȧŋȧibinɛ 9:11

Ɛlama aŋe aŋ ba ubȧy ɔwe yi mɔ-e ɔmaleka ka ȧŋbi aŋa te ba ɔthalnɛ, ɔwa ȧŋes ŋɔŋ ka kəHibru aŋ yi Abadɔn, kɛrɛ ka kəKrik a tela kɔ Apɔliyɔn.