Yeməs 2:5 - Ȧŋlemrȧnɛ Ȧfu

⁵ Su aləns aŋwɔnt a mi abɔthər, ŋaŋ aŋa ȧdȧru rə bont amɔnɛ-e, Kuru ɔ thith hɛ ŋa tə kəyi ayola ka kȧlanɛ-i, yi tə kəsɔthɔ rȧbȧy ara ɔ po lahiri ŋaŋ aŋa bɔthər kɔ-i?

Yeməs 2:5 ပူးပေါင်းရင်းမြစ်များ

Mathiu 11:5

Aŋfith aŋ sɔthɔ kakǝli ka ŋaŋ, aŋtǝtkɛ aŋ kɔth, aŋa ba rǝlel-e, a fethǝr ŋa, aŋtȧŋȧ aŋ tǝl, a yokas aŋfi-e, ɔwa a tɔri ȧkɛra kǝfinɔ ka Kuru ka ȧŋmɔnɛ.

Mathiu 25:34

Ka ȧŋlɔkɔ ŋati ɔBȧy ɔ tǝ pa ro ŋaŋ ka kȧdiyɔ kɔŋ, Der nu naŋ aruba ŋa ɔKas kȧmi, wɔŋ nu ka rȧbȧy ara a bɛnɛnɛ ta ȧtȧ nu kǝbi ma ȧdȧru rǝ tǝpɛ.

Mathiu 5:3

Aruba ŋaŋ aŋa yi amɔnɛ rǝ ȧmerȧ, kotȧy-e ŋa ba rȧbȧy ra ro riyana.

Mark 7:14

kɔ kȧl tela aŋfəm ro ŋɔŋ sɔ, ɔ pa ro ŋaŋ, Təla mi nu na bɛ, ɔwa ta pə sɔk nu.

Luk 12:21

Ya ɔwuni ɔ yi ɔwe mə bɛnɛnɛ ɛyɛt ɛkɛŋ ta kɔn kɔnɔnɛ, ɔwa ɔ yi hɛ uyola ka ȧŋgbȧp ŋa Kuru.

Luk 12:32

Kuthi kəlɔl, te nu nesa; pəkasifɛ pə thesis ɔKas ka nu tə kəsɔŋ nu rȧbȧy.

Luk 16:22

Ka pə re yi ɔwuni mɔnɛ ɔ fi, ɔwa aŋmȧleka aŋ kera kɔ ka aŋkəpət ŋa Ebraham. Ɔwa ɔyola sɔ ɔ fi, ka a maŋk kɔ.

Luk 16:25

Kɛrɛ Ebraham ɔ pa, Wan kȧmi, kala ȧmerȧ kəpa munɔ mə po sɔthɔ ɛyɛt ɛ mu ɛfinɔ ma mə yi ka ȧdȧru, ɔwa Lasarus ɔ sɔthɔ yɛt ɛləs; ka-ake mən ɔ sɔthɔ kəbɛfəth, ɔwa munɔ mə nakasi.

Luk 22:29

ɔwa i ti sɔŋ nu rȧbȧy mɔ mə ɔKas kȧmi ɔ sɔŋ mi,

Luk 6:20

kɔ ŋata ɛfɔr yɔŋ ka aŋkarande ŋɔŋ, ɔ pa, Naŋ amɔnɛ nə ba aruba, kotȧy-e na ba rȧbȧy ra Kuru.

Yɔn 7:48

Agbəka alɔm thalɔm aŋFarisi aŋ po lanɛ kɔ-i?

Mȧyɔs ma aŋsom 7:2

kɔ pa, Awɔnt yi akas, su nu ɛləns. ƆKuru ka ayiki ɔ tɔrinɛ ka ɔkas kȧsu Ebraham ma ɔ yi ro Mesopotemia yeŋka ɔ yirȧ ro Haran,

AŋRomans 8:17

Ɔwa bepi sə yi awuth-e, sə yi thɔŋ abȧki ŋa akɛŋ, abȧki ŋa Kuru, yi aŋyeranɛ dɛ yi Krayst salata rabȧki, bepi pə yi sə nakasi yi kɔn, kȧmȧ sə sɔthɔ aŋyiki yi kɔn.

1 AŋKɔrenth 2:9

Kɛrɛ mɔ mȧgbal mə pa hɔ, Rafɔr rə te tha nənk, aŋləns aŋ te tha təl, Thalɔm ȧŋmerȧ ŋa wuni aŋ te tha nanɛ Mȧtȧy ama Kuru ɔ po bɛnɛnɛ ta ȧtȧ ŋaŋ aŋa bɔthər kɔ.

2 AŋKɔrenth 4:15

kotȧy-e mȧtȧy bɛ mə yi ta salata nu, kȧmȧ mɔ mə ȧŋboŋa aŋ bȧr gbo bek ka afəm agbȧthi-e, kamuti mɔmɔ kə tə bȧrnɛ sɔ salata aŋyiki ŋa Kuru.

2 AŋKɔrenth 6:10

mɔ mə sə saŋ ɛmɔl-e, kɛrɛ sə sel məbɔnɛ; mɔ amɔnɛ, kɛrɛ sə naŋfas afəm agbȧthi; mɔ mə sə te ba koko-e, kɛrɛ sə sɔthɔ mȧtȧy bɛ.

2 AŋKɔrenth 8:9

kotȧy-e nə tȧrȧ ȧŋboŋa ŋa ɔMarki kȧsu Yisɔs Kraystȧŋ, kəpa hali ma ɔ yi uyola-e, salata nu ɔ səkɛ umɔnɛ, kȧmȧ naŋ kətaŋ ka amɔnɛ mɔŋ-e, nə gbəli səkɛ ayola.

AŋƐfisɔs 1:18

Tə kəyi a sɔkəth ɛfɔr ya ɛmerȧ ɛ nu kȧmȧ nə tȧrȧ ko kəgbak ȧmerȧ nə ba ka kamuti kɔŋ, dɛ yi ko yi rayola ra aŋyiki ŋa akɛŋ kɔŋ ka aŋsəm,

AŋƐfisɔs 3:8

Do rɔmi-e, ɔwe yi uyay thɔŋ bɛ ka aŋsəm-e, a maŋkər ȧŋboŋa aŋe kȧmȧ i kawandi ka tȧbona təlɔm rayola rəninis ra Krayst,

1 AŋThɛsȧlonika 2:12

Kama pə re yi nə gbəli kɔth mɔ pə bekȧnɛ ka Kuru, ɔwe po tela nu ka rȧbȧy rɔŋ ra ayiki.

2 AŋThɛsȧlonika 1:5

Amisali ŋaŋ tə kətɔri mathoŋkas məlompi ma Kuru, kȧmȧ nə gbəli yi abeki salata rȧbȧy ra Kuru, ta ara nə sɔmpanɛ sɔ.

1 Timɔthi 6:18

Maŋ ŋa kȧmȧ aŋ yɔ təfinɔ, dɛ yi kȧmȧ aŋ yi ayola ka mȧyɔs məfinɔ dɛ yi tɛmp tɛmp tə kəsɔŋ ɛboya.

2 Timɔthi 4:18

ƆMarki kɔnɔŋ ɔ tə kisis mi ka mȧləs bɛ, ɔwa ɔ tə bɛnɛ mi ka rȧbȧy rɔŋ rəsəm. Ta kɔn yi ayiki haŋ thȧnkȧŋ thəbana. Amina.

2 Timɔthi 4:8

Tiyȧŋ ȧniyɔ ŋa mȧlompi aŋ yi ta ȧtȧ mi, aŋa ɔMarki, ɔThoŋkas ulompi, ɔ tə sɔŋ mi ka ȧŋrey ŋati; ɔwa pə yi hɛ ta ȧtȧ mi gbo son-e, kɛrɛ ta ȧtȧ ŋaŋ bɛ aŋa bɔthər kȧder kɔŋ.

AŋHibru 11:26

Ɔ nanɛ kəpa kənakasi salata Krayst kə yi rəyola pəthasi atɛŋ bɛ ta ro Iyipt, ȧtesoma-e ɔ kəlianɛ ta ȧŋrȧm aŋa yi ro kəri.

Yeməs 1:12

Wuni ka aruba wɔŋ ɔwe mə muyu ɛgbɔnsanɛ, kotȧy-e bepi a po gbɔns kɔ-e, ɔ tə sɔthɔ ȧniyɔ ŋa aŋesəm, aŋa ɔMarki ɔ po lahiri ŋaŋ aŋa bɔthər kɔ.

Yeməs 1:16

Ta a te pəŋis nu, abɔthər.

Yeməs 1:19

Tiyȧŋ awɔnt abɔthər, ta wuni o wuni ɔ yi tɛmp tɛmp tə kətəl, ta ɔ te yeŋk fɔf, ta ɔ te yeŋk bansȧ.

Yeməs 1:9

Ta pə bɔnɛ ɔwɔnt umɔnɛ bepi a ŋata kɔ,

1 Pitar 1:4

dɛ yi tə kəsɔthɔ kɛŋ kəthəbana, kəgbəraŋ ȧke mə te gbəŋkɛ, ȧke a bɛnɛ ro riyana ta ȧtȧ nu,

2 Pitar 1:11

Ɔwa nə tə sɔthɔ kədare kəgbenthis ka rȧbȧy rəthəbana ra ɔMarki ɔKisis kȧsu Yisɔs Kraystȧŋ.

Kȧŋȧibinɛ 2:9

I tȧrȧ ansɔmpanɛ yi ȧŋmɔnɛ ma mu, (kɛrɛ mun yola). I tȧrȧ sɔ kafɔf kələs ka ŋaŋ aŋa pa hɔ aŋ yi aYuda, kɛrɛ aŋ yi hɛ, aŋ yi gbo ka ȧŋseth agbanɛ ŋa Sethani.

Kȧŋȧibinɛ 21:7

Ɔwe tham ɔ tə sɔthɔ mȧtȧy ame bɛ kəŋ. Ɔwa minɛŋ i ti yi ɔKuru kɔŋ-e, ɔwa kɔnɔ ɔ tə yi ɔwan kȧmi.

Kȧŋȧibinɛ 3:18

Tiyȧŋ i maŋ mu tə kəwair mi mȧbɔŋɔ ama a po mɛm ka anant kȧmȧ mə yi uyola, dɛ yi suma təfera tə kəwɔŋ, kȧmȧ mȧlap ma ratiŋ ra mu rə te tɔrinɛ; ɔwa sop sɔ ɛfɔr ɛ mu yi atɔl asop, kȧmȧ mə gbəli nənk.