Yeməs 2:17 - Ȧŋlemrȧnɛ Ȧfu

¹⁷ Ya pə yi sɔ-e, kəlanɛ, bepi kə tɔri hɛ məyɔs, kə yi kəfi.

Yeməs 2:17 ပူးပေါင်းရင်းမြစ်များ

1 AŋKɔrenth 13:13

Ɔwa kȧlanɛ-o, kȧgbak amera-o, dɛ yi mȧbɔthər-o, mȧtȧy məsas ame maa yi; kɛrɛ mȧbɔthər miȧ tha bondȧ.

1 AŋKɔrenth 13:3

Ɔwa, hali i yer ɛyɛ i ba tə kəwɔnthər ȧŋmɔnɛ, hali i sɔŋ ȧŋdɛr a mi kȧmȧ a thɔy ŋi-e, bepi i ba hɛ məbɔthər-e, tə naŋfas hɛ mi koko.

AŋKȧletia 5:6

kotȧy-e rokor ka Yisɔs Krayst kȧbirons thalɔm kəte birons kə ba hɛ tȧy o tȧy, thambe kəlanɛ ȧke mə yɔ məpanth kətȧŋȧnɛ ka məbɔthər.

1 AŋThɛsȧlonika 1:3

Sə kala ȧmerȧ alɔkɔ bɛ ta mapanth ma kȧlanɛ ka nu dɛ yi mȧyɔs ma məbɔthər-e, dɛ yi kamuyu ka kagbak ka nu ȧmerȧ ka ɔMarki kȧsu Yisɔs Krayst, rodi ka Kuru ɔKas kȧsu;

1 Timɔthi 1:5

kotȧy-e ɔgbanthir wa aŋgbɛthɛŋ a su ɔ yi məbɔthər kəwur rə ȧmerȧ ȧferȧ, yi rə asɔŋ agbəraŋ, yi rə kəlanɛ rə tȧteŋ.

Yeməs 2:14

Ko kə naŋfas-e, aŋwɔnt a mi, bepi wuni ɔ pa ɔ ba kəlanɛ, kɛrɛ mȧyɔs mɔŋ mə tɔri hɛ ki-e? Kȧlanɛ kati kə tə gbəli kisis kɔ-i?

Yeməs 2:26

kotȧy-e mɔ mə ȧŋdɛr aŋ fi bepi aŋ ba hɛ ŋesəm-e, ya pə yi sɔ kəlanɛ kə fi bepi kə ba hɛ məyɔs.