Yeməs 1:4 - Ȧŋlemrȧnɛ Ȧfu

⁴ Kɛrɛ yɔ nu kȧmȧ kȧmuyu kə yɔ mapanth məpons mati kȧmȧ naŋ sɔ nə yi agbenthis, alolok, dɛ yi kȧmȧ nə te paŋ rəka o rəka.

Yeməs 1:4 ပူးပေါင်းရင်းမြစ်များ

Mathiu 10:22

Afǝm bɛ aŋ tǝ gbɛŋa nu salata ȧŋes a mi, kɛrɛ ɔwe mǝ muyu haŋ ka ɔthalnɛ-e, kɔnɔ kati ɔ tǝ kisi.

Mathiu 19:20

Ka ɔlaŋgba ɔ pa ro ŋɔŋ, Mȧtȧy ame bɛ i po wop kǝbi ka rafɛth ra mi. Ko i paŋ ras-e?

Mathiu 5:48

Tiyȧŋ yi nu agbenthis mɔ mǝ ɔKas ka nu ɔwe yi ro riyana ɔ yi ugbenthis.

Mark 10:21

Ma Yisɔsȧŋ ɔ kəli kɔ-e, ɔ bɔthər kɔ-e, kɔ pa ro ŋɔŋ, Tȧy tin tə mə paŋ; kɔnɛ, thila rəka o rəka ara mə ba, mə sɔŋ ka ȧŋmɔnɛ, ɔwa mə tə ba kɛŋ ro riyana; ɔwa der, tȧŋ mi.

Luk 18:22

Ɔwa ma Yisɔs ɔ təl ti-e, ɔ pa ro ŋɔŋ, Tȧy tin tȧ mə paŋ ras; thila ɛyɛt bɛ ɛyɛ mə ba, mə yerəs yi ka aŋfəm amɔnɛ, ɔwa mə tə sɔthɔ kɛŋ ro riyana. Ɔwa der, mə tȧŋ mi.

Luk 21:19

Nə tə bɛnɛ ɛŋesəm ɛ nu ka kamuyu ka nu.

Luk 8:15

Kɛrɛ ama ka ȧŋthɔf afinɔ-e, mə yi ŋaŋ aŋa po təl ȧrim, ɔwa maŋ təl-e, aŋ wop ri ɔbaksər ka tȧteŋ dɛ yi ka ȧmerȧ ȧferȧ, kaŋ kom məkomi rə kəmuyu.

Yɔn 17:23

minɛŋ rokor ka ŋaŋ, yi munɔŋ rokor kȧmi, kȧmȧ aŋ ba ȧmerȧ ŋin agbenthis; kȧmȧ ȧdȧru rə tȧrȧ kəpa munɔ som mi, ɔwa mə bɔthər ŋa mɔ mȧ mə bɔthər mi.

1 AŋKɔrenth 2:6

Kɛrɛ halisa, bepi sə yi kətɔŋ ka ŋaŋ aŋa yi abȧki mədɛr ka kəlanɛ-e, sə tə fɔf kətemp; kɛrɛ kȧtemp ka ȧdȧru are thahɔ, thalɔm kȧtemp ka aŋgbəka ŋa ȧdȧru are, aŋa mə ba kəthas.

AŋKȧletia 6:9

Maŋ te nu gbɔgbətha rə kəyɔ ɔfinɔ, kotȧy-e ka alɔkɔ agbut sə tə rɔk bepi sə thamrɔ hɛ.

AŋKɔlɔsi 4:12

Ɛpafras ɔwe yi ukin ka nu-e, ȧbɔy ŋa Yisɔs Krayst, ɔ kori nu; lɔkɔ o lɔkɔ ɔ sulnɛ ka taramnɛ tɔŋ ta ȧtȧ nu, kȧmȧ nə təmȧ agbenthis dɛ yi apələnɛ ka mȧselɔ ma Kuru.

1 AŋThɛsȧlonika 5:23

Kaŋka ɔKuru ka məthɔfəl gbeŋ ɔ səməs nu ɔlolok; aŋko, ɔ bɛnɛ ɛyina, yi ɛŋesəm, dɛ yi madɛr ma nu ɛgbenthis, kəte ba məthɛkɛ haŋ kȧder ka ɔMarki kȧsu Yisɔs Krayst.

2 Timɔthi 3:17

kȧmȧ ɔwuni ka Kuru ɔ gbəli yi ulompi dɛ yi ubeki ta məpanth o məpanth.

AŋHibru 13:21

ɔ yɔ nu nə yi agbenthis rə tȧy o tȧy təfinɔ, tə kəyɔ mȧselɔ mɔŋ, kȧmȧ ɔ yɔ mapanth rokor ka nu ama mə mar nu tə kəbɔnɛs kɔ, kətȧŋȧnɛ ka Yisɔs Krayst; ɔwe ba ayiki thȧnkȧŋ o thȧnkȧŋ. Amina.

Yeməs 1:5

Kɛrɛ bepi ukin ka nu ɔ ba hɛ kətemp ka rəbaki-e, ta ɔ tholir Kuru ɔwe yi ufonsiri, ɔwe mə yer rə məthɛkɛ tha, ɔwa a tə sɔŋ kɔ ki.

Yeməs 3:2

kotȧy-e rə mȧtȧy mǝgbathi saŋ bɛ sə pənthbəla. Kɔnɔ ɔwe te pənthbəla ka ȧsim tɔŋ, ɔkin kati, wuni gbenthis wɔŋ, ɔwa ɔ gbəli wop mafela ma ȧŋdɛr bɛ.

1 Pitar 5:10

Kɛrɛ ɔKuru ka aboŋa bɛ, ɔwe po tela su tə kəwɔŋ ka aŋyiki ŋɔŋ athəbana-e, kətaŋ ka Krayst Yisɔsȧŋ, ma nə po nakasi ɔthan-e, kɔn kɔnɔnɛ ɔ tə gbenthis nu, ɔ tə bȧksər nu, ɔ tə lompəs nu.

2 Pitar 1:9

kotȧy-e ɔwe mə paŋ mȧtȧy ame ɔ yi ufith, ɔ gbəli hɛ nənk ɔbɔli, ɔ pənɛ kəpa a po nasi kɔ kəwur ka ɛhakɛ yɔŋ ɛkur.