Yeməs 1:27 - Ȧŋlemrȧnɛ Ȧfu

²⁷ Kakɔth ka aroŋ da Kuru kətəteŋ ȧke te ba apora ro der kəri ka ɔKuru dɛ yi ɔKas kȧsu ki ake, tə kənanɛ ante ba kas yi ȧŋbora ka ȧŋsɔmpanɛ a ŋaŋ, yi tə kəbɛnɛ ȧŋmerȧ ŋɔŋ kəte ba apora ka ȧdȧru.

Yeməs 1:27 ပူးပေါင်းရင်းမြစ်များ

Mathiu 12:32

Wuni o wuni ɔwe mǝ fɔf ɔlǝs ta ɔWan ka wuni, a tǝ tera kɔ ti; kɛrɛ ɔwe mǝ fɔf ɔlǝs ta ɔYina mǝsǝm, a ba hɛ kǝtera kɔ ti hali ka ȧdȧru are, ta a pa ras ka ȧdȧru ara mǝ derȧŋ.

Mathiu 5:8

Aruba ŋaŋ aŋa ba ɛmerȧ ɛfera, kotȧy-e aŋ ba kǝnǝŋk Kuru.

Luk 1:6

Ŋa ŋarəŋ aŋ yi alompi rodi ka Kuru, aŋ wop ɛthɔ yi magbək ma ɔMarki kəte ba məthɛkɛ.

AŋRomans 12:2

Te taŋanɛ mȧtȧy ma ȧdȧru ȧre, kɛrɛ lafthɛ kȧmȧ ɛmerȧ ɛ nu ɛ səkɛ ɛfu, kȧmȧ nə gbɛlɛŋ mȧselɔ ma Kuru ama yi məfinɔ, məthesa yi məgbenthis.

AŋRomans 2:13

Ȧtesoma-e pə yi hɛ ŋaŋ aŋa mə təl ȧŋthɔ ŋa mə yi alompi rodi ka Kuru, kɛrɛ ŋaŋ aŋa mə wop ŋi, ŋa ba kəsɔthɔ məmari.

AŋKȧletia 1:4

ɔwe sɔndnɛ ta ɛhakɛ ɛ su, kȧmȧ ɔ tafi su ka ȧdȧru rələs are, mɔ mə mȧselɔ ma Kuru yi ɔKas kȧsu mə yi;

AŋKȧletia 3:11

Ka-ake sə nənk gbəraŋ kəpa wuni o wuni ɔ sɔthɔ hɛ məmari kəwur ka mȧyɔs ma ȧŋthɔ ka kakəli ka Kuru, kotȧy-e, Aŋlompi aŋ tə ŋesəm kətȧŋȧnɛ ka kȧlanɛ.

AŋKȧletia 5:6

kotȧy-e rokor ka Yisɔs Krayst kȧbirons thalɔm kəte birons kə ba hɛ tȧy o tȧy, thambe kəlanɛ ȧke mə yɔ məpanth kətȧŋȧnɛ ka məbɔthər.

AŋKȧletia 6:14

Kɛrɛ ta pə bɔlȧnɛ mi tə kəyikisnɛ thambe ka akənt kəpəŋkinɛ ka ɔMarki kȧsu Yisɔs Krayst ro pə yi a tȧŋ tȧŋ ȧdȧru ka apənki ta ȧtȧ mi, dɛ yi minɛŋ ta ȧdȧru.

AŋƐfisɔs 2:2

ro pə yi nə la kɔth ka matanɛ ma ȧdȧru are, kətȧŋȧnɛ ka ɔbȧy ka ɛfɔsɔ ya aŋfena, pə yi mɔ-e aŋyina aŋa mə korakora ɛmerȧ ya aŋwuth ȧthȧnthonɛ.

1 Timɔthi 1:5

kotȧy-e ɔgbanthir wa aŋgbɛthɛŋ a su ɔ yi məbɔthər kəwur rə ȧmerȧ ȧferȧ, yi rə asɔŋ agbəraŋ, yi rə kəlanɛ rə tȧteŋ.

1 Timɔthi 5:4

Kɛrɛ bepi ubora ɔ ba awuth thalɔm arok-e, ta ŋaŋ aŋ mɔtha thəkəs aŋgbɛthɛŋ ŋa adina salata kabɔr ka ŋaŋ, kȧmȧ aŋ sɔŋ ka aŋa kom ŋa; ȧtesoma-e ȧte tə yi təfinɔ dɛ yi təmari rodi ka Kuru Məsaba.

Taytɔs 2:12

aŋa rusəm su tə kəpɛnsa tȧy o tȧy ȧtȧ ŋamnɛ Kuru-e, dɛ yi mafela ma ȧdȧru, kȧmȧ sə yi atempi, alompi dɛ yi asəm ka ȧdȧru are;

Yeməs 3:17

Kɛrɛ kȧtemp ka rəbaki ȧke wur rokɔm kətɔtɔkɔ bɛ kə yi kəfera, kədarəŋ kati kə yi kəthɔfəl, kərusəma finɔ, kətuy hɛ nɛmthɛnɛ, kəla ȧney, kəba məkomi məfinɔ, kəte ba agbȧy, kəte ba ayaŋfa.

Yeməs 3:9

Ka ramer sə ruba Kuru ɔKas; ka ramer sɔ sə raŋka wuni kəpet, ɔwe a bɛmpa ka mȧbȧlȧnɛ ma Kuru.

Yeməs 4:4

Na afəm arəpi nə tȧrȧ hɛ kəpa mamanɛ ma ȧdȧru mə yi kəgbɛŋȧ Kuru-i? Tiyȧŋ wuni o wuni ɔwe yema yi uyathki ka ȧdȧru ɔ səkɛ utheranɛ ka Kuru.

2 Pitar 1:4

Ta ȧte ɔ po sɔŋ su ɛlahiri yɔŋ ɛbana ɛkɛŋ, kȧmȧ pə yi di kati nə gbəli ba ani ka mayi ma Kuru, ma nə po fisɔsnɛ kəwur ka mȧnɔkɔ ma ȧdȧru salata ɛmilɛ ɛləs.

2 Pitar 2:20

Ȧtesoma-e kədarəŋ ka maŋ po wur ka mȧkɔsɔ ma ȧdȧru ta salata kȧtȧrȧ ka ɔMarki ɔKisis Yisɔs Kraystȧŋ, bepi aŋ kȧl sɔ rəfthanɛ ri-e, mȧtəmȧ maŋ mələpsɔ mə tə yi mələs pəthasi mȧtɔtɔkɔ.

2 Pitar 3:14

Tiyȧŋ abɔthər, ma pə yi nə kəlianɛ ta mȧtȧy ame-e, bȧsər nu kȧmȧ ɔ bəp nu ka məthɔfəl kəte ba apora thalɔm məthɛkɛ.

1 Yɔn 5:18

Sə tȧrȧ kəpa wuni o wuni ɔwe a po kom ka Kuru ɔ yɔ hɛ ahakɛ; kɛrɛ ɔwe a po kom ka Kuru ɔ bumərnɛ, ɔwa Sethani ɔ gboŋ hɛ kɔ.