Yeməs 1:22 - Ȧŋlemrȧnɛ Ȧfu

²² Kɛrɛ yi nu ayɔ ȧrim, pə yi hɛ atəl gbo son aŋa pəŋisnɛ.

Yeməs 1:22 ပူးပေါင်းရင်းမြစ်များ

Mathiu 12:50

Ȧtesoma-e wuni o wuni ɔwe mǝ yɔ mȧselɔ ma ɔKas kȧmi ɔwe yi ro riana-e, kɔnɔ yi ɔwɔnt mi uruni yi ɔwɔnt mi ubɛra dɛ yi ɔkara kȧmi.

Mathiu 28:20

ɔwa thǝksa ŋa tǝ kǝwop mȧtȧy bɛ ama i po yamari nu. Ɔwa minɛȧŋ i yi yi naŋȧŋ alɔkɔ o lɔkɔ, haŋ ka ɔthalnɛ wa ȧdȧru. Amina.

Luk 11:28

Kɛrɛ kɔnɔ ɔ pa, Ŋa tha ba aruba aŋa təl ȧrim ra Kuru-e ɔwa aŋ wop ri.

Yɔn 13:17

Bepi nə tȧrȧ mȧtȧy ame, nə ba aruba bepi nə yɔ ma.

AŋRomans 2:13

Ȧtesoma-e pə yi hɛ ŋaŋ aŋa mə təl ȧŋthɔ ŋa mə yi alompi rodi ka Kuru, kɛrɛ ŋaŋ aŋa mə wop ŋi, ŋa ba kəsɔthɔ məmari.

1 AŋKɔrenth 15:33

Te tɔnsnɛ; ayathki aləs ŋa mə ləsər asɔŋ afinɔ.

1 AŋKɔrenth 3:18

Ta wuni o wuni ɔ te tɔnsnɛ. Bepi wuni o wuni kətɔŋ ka nu ɔ nanɛ kəpa kɔn tempi ka ȧdȧru are-e, ta ɔ səkɛ upəŋk, kȧmȧ ɔ yi utempi tɛntɛnɛ.

1 AŋKɔrenth 6:9

Nə tɛ hɛ kəpa ante lomp aŋ gbəli hɛ sɔthɔ rȧbȧy ra Kuru-i? Te selɔ a tɔns nu; pə yi afəm anɔkɔ-o, pə yi ŋaŋ aŋa ramnɛ ka ɛrɔŋ-o, pə yi afəm aŋa yɔ kərəp tətəp tətəp-o,

AŋKȧletia 6:3

Bepi wuni ɔ nanɛ ɔ yi wuni bana bana-e ma ɔ te yi koko-e, ɔ tɔnsnɛ.

AŋKȧletia 6:7

Te nu selɔ a tɔns nu; pə fɔyɛ sel Kurɔŋ, kotȧy-e koko ara wuni mɔ sak-e, raŋ mɔ rɔk sɔ.

AŋFilipai 4:8

Ka kaləpsɔ, awɔnt, koko ara yi təteŋ, ara yi rə alambe, ara yi rəlompi, ara yi rəgbəraŋ, ara yi rəbɔthi kəli dɛ yi ara yi rəbɔthi təl; bepi ɔfinɔ ɔ yi, ɔwa sɔ-e, kəthɔkəs tȧy kə yi, botnɛ nu mȧtȧy ame rə ȧmerȧ.

AŋKɔlɔsi 3:17

Ɔwa koko bɛ mȧ nə yɔ, pə yi rə məpa thalɔm rə məyɔs, yɔ ti nu ka ȧŋes ŋa ɔMarki Yisɔs, dɛ yi kəsɔŋ mɔmɔ ka Kuru ɔKas kətaŋ do rɔŋɔŋ.

2 Timɔthi 3:13

Kɛrɛ afəm aləs yi afəm ayaŋfa aŋ tə bȧr gbo yi aləs, aŋ tə tɔns alɔm, ɔwa aŋ tə tɔnsnɛ.

Taytɔs 3:3

kotȧy-e alɔkɔ alɔm saŋ sɔ sə sa yi apənk, ȧthȧnthonɛ, atɔns, atar ŋa məfela o məfela mələs-e; sə sa yirȧ gbo ka mȧbaŋ dɛ yi kȧtut. Sə gbɛŋa afəm, ɔwa sə kȧl gbɛŋanɛ.

Yeməs 1:26

Bepi wuni o wuni kətɔŋ ka nu ɔ nanɛ kəpa ɔ yi ka aroŋ da Kuru, kɛrɛ ɔ wop hɛ ramer rɔŋ-e ɔ tɔns ȧŋmerȧ ŋɔŋ, ɔwa kakɔth kɔŋ ka aroŋ da Kuru kə yi kətiŋ.

Yeməs 4:11

Awɔnt, te nu fofiya aŋwɔnt a nu; kɔn ɔwe mə fofiya ɔwɔnt kɔŋ-e, thalɔm ɔ thonkas ɔwɔnt kɔŋ-e, ɔ fofiya ȧŋthɔ, ɔ thonkas ȧŋthɔ; ɔwa bepi mə thonkas anthɔ-e, mə yi hɛ sɔ ɔwe mə wop ŋi, mə yi uthoŋkas.

Yeməs 4:17

Tiyȧŋ kɔn ɔwe tȧrȧ tə kəyɔ təfinɔ kɛrɛ ɔ yɔ hɛ ti, ahakɛ do rɔŋɔŋ.

2 Pitar 2:13

ɔwa aŋ ba kəsɔthɔ ȧŋrȧm ŋa maləs maŋ, mɔ mə pə yi aŋ ba məbɔnɛ tə kəsap ɛhakɛ hali rəyaŋ. Ŋa yi ɛpora yi məgbipər kətɔŋ ka nu, aŋa mə wolanɛ matɔns maŋ, hali ma mə aŋ di dɛ yi naŋ ka ɛseth ɛ nu.

1 Yɔn 1:8

Bepi sə pa sə ba hɛ ahakɛ, sə pəŋəsnɛ, ɔwa tȧteŋ tə yi hɛ ro su.

1 Yɔn 2:3

Ka ȧte sə tȧrȧ kəpa sə tȧrȧ kɔ, bepi sə wop ɛyamari yɔŋ.

1 Yɔn 3:7

Awuth alɔl, te nu selɔ wuni o wuni ɔ yɛthas nu; kɔn ɔwe mə yɔ ɔlompi ɔ yi ulompi, hali mɔ kɔnɔ ɔ yi ulompi.

3 Yɔn 1:11

Ɔbɔthər kȧmi, te tansanɛ mələs, kɛrɛ tansanɛ məfinɔ. Ɔwe mə yɔ ɔfinɔ ɔ yi ka Kuru: kɛrɛ ɔwe mə yɔ ɔləs ɔ tha nənk hɛ Kuru.

Kȧŋȧibinɛ 12:9

Ka a wurɔ ȧŋninkinanka ubana, pə yi mɔ ȧŋbok ukur ɔwe a tela ɔkərəfi dɛ yi Sethani, ɔwe tɔns ȧdȧru bɛ. Ka a fitha kɔ ka ȧdȧru dɛ yi aŋmȧleka ŋɔŋ sɔ.

Kȧŋȧibinɛ 22:7

Ɔwa kəla, i ti der lɛmp. Ɔwe mə wop ȧsim ta kanabi ka ȧkȧfȧ ake, kɔn ɔ ba aruba.