Yeməs 1:21 - Ȧŋlemrȧnɛ Ȧfu

²¹ Tiyȧŋ gbapɛ nu mȧnɔkɔ yi məthasərnɛ ma mələs bɛ, ɔwa rə ȧmerȧ athoranɛ malanɛ nu ȧrim ara a tɛpər nu-e, ara gbəli kisis rafəm ra nu.

Yeməs 1:21 ပူးပေါင်းရင်းမြစ်များ

Mathiu 5:5

Aruba ŋaŋ aŋa ba ɛmerȧ ɛthoranɛ, kotȧy-e aŋ tǝ ba ȧŋthɔf mɔ kɛŋ.

Yɔn 6:63

Aŋyina kɔnɔ mə sɔŋ aŋesəm; madɛr mə yi hɛ koko: ȧsim ȧte i po kanɛ nu, tə yi ayina, yi ŋesəm.

Yɔn 6:68

Saymɔn Pita ɔ wosa, ɔ pa, Pa ka kanɛ mə sə kɔ-e? Munɔ mə ba ȧsim ta aŋesəm thəbana.

Mȧyɔs ma aŋsom 10:33

Tiyȧŋ i som lɛmp ro rɔmu; ɔwa mə po yɔ ɔfinɔ ma mə der. Saŋ bɛ sə bəpər nɔ ka kakəli ka Kuru tə kətəl mȧtȧy bɛ ama Kuru ɔ po yamari mu.

Mȧyɔs ma aŋsom 13:26

Awɔnt a mi, aŋwuth ŋa rȧkomra ra Ebraham, yi ŋaŋ aŋa nesa Kuru kətɔŋ ka nu-e, a som ȧrim ra kakisi ake ro rɔsu.

AŋRomans 1:16

kotȧy-e i lap hɛ salata mapa məfinɔ ma Krayst, ȧtesoma-e mə yi aŋfɔsɔ ŋa Kuru tə kəkisis wuni o wuni ɔwe mə lanɛ; ka ɔtɔtɔkɔ ka aŋYuda, yi ka aŋKrik sɔ.

AŋRomans 11:17

Kɛrɛ bepi a sima mara məlɔm ma aŋleməre, ɔwa munɔ ɔwe mə yi gbo abaktha-e, a gbɛptanɛ mu ri-e, kȧmȧ mə səkɛ uyeranɛ yi ŋaŋ ka ɔbɔthi wa anthəŋk-e,

AŋRomans 6:17

Kɛrɛ sə muti Kuru mɔmɔ pəkasifɛ ma nə la yi ɛbɔy ya ahakɛ, nə po wop rə ȧmerȧ kathəksa ȧke a tɔri nu.

1 AŋKɔrenth 15:2

Ɔwa kətȧŋȧnɛ kati sɔ nə sɔthɔ kəkisi, bepi nə wop ma ɔbaksər, thambe nə po lanɛ kətiŋ.

2 AŋKɔrenth 7:1

Tiyȧŋ abɔthər, ma sə po ba ɛlahiri ɛye-e, maŋ gbəransnɛ nu kəwur ka məpulkɛ bɛ ma madɛr dɛ yi aŋyina, ɔwa sə gbenthis rəsəm ka ranes ra Kuru.

AŋƐfisɔs 1:13

Do rɔŋɔŋ nə bot ɛmerȧ ma nə poŋ təl ȧrim ra tȧteŋ, mapa məfinɔ ma Kuru ka kakisis ka nu. Ɔwa ma nə po lanɛ kɔ-e, a mathlɛ nu yi ɔYina məsəm ɔka aŋlahiri,

AŋƐfisɔs 4:22

Kama nə bus aruma ra rawuni kur yi matanɛ ma nu thəpaŋ ara mə bȧr gbo ləsərnɛ ka ɛmilɛ ɛyaŋfa.

AŋƐfisɔs 4:25

Tiyȧŋ gbapɛ nu rəyem, ɔwa ta wuni o wuni ɔ fɔf tȧteŋ ka ɔfatanɛ kɔŋ; ȧtesoma-e sə yi məlaŋktha ukin ka ulɔm.

AŋƐfisɔs 5:4

Sobinɛ nu kəfɔf kȧyifas thalɔm kȧfɔf kəpənk, ta a pa ras mȧgbati məyay. Mȧtȧy ame bɛ mə mar hɛ koko, kɛrɛ yi nu tɛmp tɛmp tə kəsɔŋ mɔmɔ.

1 AŋThɛsȧlonika 1:5

kotȧy-e ȧkɛra kəfinɔ kȧsu kə derər hɛ nu rə sim gbo, kɛrɛ ka aŋfɔsɔ sɔ-e, dɛ yi ka ɔYina məsəm, kəte ba asikɛ bɛ. Fɔtha ma sə yi dɛ yi naŋ-e, nə tȧrȧ ko afəm sə yi ka ȧŋgbȧp a nu.

1 AŋThɛsȧlonika 2:13

Ta ȧtȧy ȧte sɔ sə mɔmɔ Kuru lɔkɔ ɔ lɔkɔ, pəkasifɛ ma nə malanɛ ȧrim ra ȧkɛra ka Kuru ȧke sə tɔri nu-e, nə malanɛ hɛ ri mɔ ȧrim ra wuni kəpet-e, kɛrɛ mɔ mə rə yi yathi ȧrim ra Kuru tə tɛntɛnɛ, ara mə yɔ məpanth ka ɛmerȧ ɛ nu aŋa po lanɛ.

Taytɔs 2:11

kotȧy-e ȧŋboŋa ŋa Kuru aŋ ŋaibinɛ salata kakisi ka afəm bɛ,

AŋHibru 12:1

Tiyȧŋ ma ayama abana ŋa məseri aŋ kampər su yaŋ-e, maŋ gbapɛ nu koko ara mə bɛnt su, dɛ yi aŋhakɛ aŋa mə thiŋkər su katkat, ɔwa maŋ gbukɛ nu rə kəmuyu kȧgbȧkȧnɛ ȧke mə a bot rodi kȧsu.

AŋHibru 2:3

to saŋ mə sə gbəli kisi bepi sə say kakisi kəbana mɔ ake-e? kotȧy-e ɔMarki kɔnɔ mɔtha tɔri ki ɔwa ŋaŋ aŋa po təlȧ kɔ aŋ bȧksər ki do rɔsu.

AŋHibru 4:2

Ȧtesoma-e a tɔri su sɔ ȧkɛra kəfinɔ ka Kuru mɔlɔ min mɔ ŋaŋ; kɛrɛ ȧkɛra ȧke aŋ po təl kə mar hɛ ŋa, pəkasifɛ aŋ lanɛ hɛ maŋ təl ki.

Yeməs 4:8

Fȧtər Kuru, ɔwa ɔ tə fatər nu, gbərans mȧta ma nu naŋ afəm ŋa ahakɛ; fethər ɛmerȧ ɛ nu naŋ aŋa ba ɛmerȧ ɛfəlɛ fəlɛ.

Yeməs 5:20

ta ɔ tȧrȧ kəpa ɔwe mə lȧfthi uwuni ka ahakɛ kəwur ka makənȧ ma aroŋ dɔŋ, ɔ tə kisis ɔwuni kəwur ka rȧfi, ɔwa ɔ tə gbəpər ɛhakɛ ɛgbȧthi.

1 Pitar 1:22

Ɔwa ma nə poŋ thɔŋ gbəransnɛ rə kəsanɛ ka tȧteŋ kəkɔ rə məbɔthər məgbenthis mȧ rȧwɔnt, kətȧŋ ka ɔYina məsəm, kəli nu kȧmȧ nə bɔthərȧnɛ asɔbɛ rə ȧmerȧ ȧferȧ,

1 Pitar 1:9

kəsɔthɔ ɔtand wa aŋlanɛ a nu, ɔwe yi kakisi ka rafəm ra nu.

1 Pitar 2:1

Tiyȧŋ gbapɛ nu məgbɛŋanɛ, yi akansoŋ, yi ɛpa ɛkȧrȧfu kȧrȧfu, yi kətut, dɛ yi kəforthȧnɛ bɛ;

1 Pitar 2:11

Na abɔthər, i nɛmthɛnɛ nu-e, mɔ atik dɛ yi mɔ afəm ŋa ȧbiyas, gbapɛ nu ɛmilɛ ya madɛr ɛyɛ mə tim kəŋamnɛ rafəm.