Yeməs 1:18 - Ȧŋlemrȧnɛ Ȧfu

¹⁸ Ka mȧselɔ mɔŋ gbeŋ ɔ kom su ka ȧrim ra tȧteŋ, kȧmȧ sə yi mȧkomi mətɔtɔkɔ ma mabɛmpa mɔŋ.

Yeməs 1:18 ပူးပေါင်းရင်းမြစ်များ

Yɔn 1:13

aŋa a kom, pə yi hɛ ka mətir, thalɔm ka mȧselɔ ma madɛr, thalɔm ka mȧselɔ ma wuni, kɛrɛ ka mȧselɔ ma Kuru.

AŋRomans 4:17

(mɔ mȧgbal məsəm mə pa, I po səki mu ɔkas ka tȧbona təgbȧthi) rodi ka kɔn ɔwe ɔ lanɛ, pə yi mɔ Kuru Məsaba, ɔwe kəlis aŋfi, dɛ yi ɔwe tela ɛyɛt ɛyɛ te tha yi mɔ ɛ yi.

1 AŋKɔrenth 4:15

kotȧy-e, hali nə ba naŋ akarmɔkɔ ɛwul tɔfɔt ka Kraist-e, nə gbəli hɛ ba akas agbȧthi. Kotȧy-e minɛ i yi ɔkas ka nu ka Krayst Yisɔsȧŋ asabu ŋa mapa məfinɔ ma Kuru.

2 AŋKɔrenth 6:7

ka ȧrim ra təteŋ, ka aŋfɔsɔ ŋa Kuru, ka ɛyɛt ɛtima ya məlompi ka kȧdiyɔ yi ka kȧmɛrɔ,

AŋƐfisɔs 1:12

Kama saŋ aŋa mɔtha bot ɛmerȧ ɛ su ka Kraystȧŋ, sə tə yi ka kathɔkəs ka aŋyiki ŋɔŋ.

AŋƐfisɔs 1:13

Do rɔŋɔŋ nə bot ɛmerȧ ma nə poŋ təl ȧrim ra tȧteŋ, mapa məfinɔ ma Kuru ka kakisis ka nu. Ɔwa ma nə po lanɛ kɔ-e, a mathlɛ nu yi ɔYina məsəm ɔka aŋlahiri,

2 Timɔthi 2:15

Thəkəs tə kəthesis Kuru mɔ ȧbɔy ɔwe te ba kəlap, ɔwe mə gbay ȧsim ta təteŋ ɔlompi.

AŋHibru 12:23

dɛ yi ka aŋgbanɛ ŋa aŋchɔch, pə yi mɔ aŋwuth ȧtɔtɔkɔ ŋa Krayst aŋa ba mes məgbal ro riyana, dɛ yi ka Kuru ɔthoŋkas kȧsu bɛ, dɛ yi sɔ aŋyina ŋa aŋlompi aŋa poŋ yi agbenthis;

Yeməs 1:15

Ɔwa mȧfela-e, ma mə kora-e, mə tə kom ahakɛ; ɔwa ahakɛ-e, ma mə aŋ bȧk-e, aŋ tə kom rəfi.

Yeməs 1:21

Tiyȧŋ gbapɛ nu mȧnɔkɔ yi məthasərnɛ ma mələs bɛ, ɔwa rə ȧmerȧ athoranɛ malanɛ nu ȧrim ara a tɛpər nu-e, ara gbəli kisis rafəm ra nu.

Yeməs 3:14

Kɛrɛ bepi nə ba kətut kəroŋkəth yi kəgbal ka ɛmerȧ ɛ nu-e, te kolonɛ, ɔwa te yemsa tȧteŋ.

1 Pitar 1:23

ma pə yi ti-e a kom nu ɔfu, pə yi hɛ ka mater ama ba kəthey, kɛrɛ ka mater ama te ba kəthey thȧnkȧŋ, salata ȧrim ra Kuru ara ba kəyi haŋ thȧnkȧŋ thəbana.

1 Pitar 1:3

Ta aruba aŋ yi ka Kuru ɔKas ka ɔMarki kȧsu Yisɔs Kraystȧŋ. Ka ȧŋney ŋɔŋ abana ɔ po kom su ɔfu tə kəba kəgbak ȧmerȧ ȧke yi kəkəli salata kakal yokanɛ ka Yisɔs Krayst ka aŋfi,

1 Yɔn 3:9

Wuni o wuni ɔwe Kuru ɔ po kom ɔ yɔ hɛ ahakɛ; kotȧy-e mayi ma Kuru mə yi ro ŋɔŋ ɔwa ɔ gbəli hɛ yɔ ahakɛ pəkasifɛ Kurɔŋ kɔnɔ kom kɔ.

Kȧŋȧibinɛ 14:4

Aŋe, ŋa yi aŋfəm aŋa te pulkinɛ rə afəm abom; ȧtesoma-e aŋ yi agbəraŋ mɔ afanɛ. Aŋe-e, ŋa tȧŋ kaLɔmɛ kəfɛth dɛr o dɛr rə ɔ kɔnɛ. Aŋe-e aŋ yi abani kətɔŋ ka afəm a kəpet mɔ mȧkomi mətɔtɔkɔ ta Kuru dɛ yi ta kaLɔmɛ kəfɛth.