Taytɔs 3:14 - Ȧŋlemrȧnɛ Ȧfu

¹⁴ Ɔwa yɔ kȧmȧ aŋfəm a su aŋ thəkəs tə kəyɔ məpanth məfinɔ ta ɛgbɛthɛŋ yaŋ kȧmȧ aŋ te yi akoŋfereŋ.

Taytɔs 3:14 ပူးပေါင်းရင်းမြစ်များ

Mathiu 21:19

Ma ɔ nənk ŋǝnt ŋa aŋgbɔnɔ ro roŋ dayɛr-e, ɔ fatǝr ŋi, kɛrɛ ɔ bǝp hɛ ri koko pǝthas gbo ɛbɔpǝr son, kɔ kanɛ ŋi, Ta akomi aŋ te sɔ wur mu thȧnkȧŋ. Ka ɔlɛmp wati aŋǝnt ŋa aŋgbɔnɔ aŋ wela.

Mathiu 7:19

Ŋǝnt o ŋǝnt aŋa te kom mǝkomi mǝfinɔ-e, a tǝ tap ŋi, ɔwa a tǝ fitha ŋi ro nȧnt.

Yɔn 15:16

Naŋ, na tha thith mi, kɛrɛ minɛ thith nu, ka i bot nu, kȧmȧ nə kɔnɛ nə wur məkomi, ɔwa kȧmȧ mȧkomi ma nu mə tiyȧ: kȧmȧ tȧy o tȧy ȧte mə nə tholir ɔKas ka ȧŋes a mi, ɔ tə sɔŋ nu ti.

Yɔn 15:8

Ka ȧte a tə yikis ɔKas kȧmi, bepi nə wur məkomi məgbathi; ɔwa ya nə tə yi akarande a mi.

Mȧyɔs ma aŋsom 18:3

Ɔwa ma ɔ ba ratol din yi ŋaŋ-e, ɔ yianɛ ro ŋaŋ, kaŋ bulɔ. Ratol ra ŋaŋ rə yi tə kəbɛmpa ɛseth ya totha.

Mȧyɔs ma aŋsom 20:35

I po sɔŋ nu amɔl ka mȧtȧy bɛ, kȧmȧ mɔ mə nə yɔ məpanth mɔ minɛŋ-e, nə yi tə kəmar aŋa te ba afɔsɔ, yi tə kəkala ȧmerȧ ka ȧsim ta ɔMarki Yisɔsȧŋ ma ɔ pa, Kȧsɔŋ kə ba aruba pəthasi kasɔthɔ.

AŋRomans 12:13

Bepi aŋfəm ŋa Kuru aŋ paŋ rəka-e, sɔŋ nu tə kəmar ŋa; bȧsər nu kəfantha atik.

AŋRomans 15:28

Te ba ti bepi i po yɔ ȧte-e, ma i po lȧnki ɛboya ɛye ka aŋfəm ŋa Kuru-e, i ti thas ro rɔnu kəkɔ ro Spen.

AŋƐfisɔs 4:28

Ɔwe la keya, ta ɔ te sɔ keya, kɛrɛ ka ɔpeskianɛ wati ɔ yi tə kəyɔ məpanth yi mȧta mɔŋ gbeŋ ȧtȧ yi təfinɔ, kȧmȧ ɔ ba rəka tə kəsɔŋ kɔn ɔwe te ba koko.

AŋFilipai 1:11

Kama nə la yi mȧkomi ma mȧlompi ama der kətȧŋȧnɛ ka Yisɔs Krayst kəkɔ ka aŋyiki dɛ yi kathɔkəs ka Kuru Məsaba.

AŋFilipai 4:16

Hali ma i yi ro Thɛsalonika-e, nə po somra tə kəmar mi katkat.

AŋFilipai 4:17

Pə yi hɛ kəpa i thɛns aboya, kɛrɛ i thɛns kȧmȧ nə wurɔ məkomi məgbathi.

AŋKɔlɔsi 1:10

Kama nə kɔth ɔbeki ka ɔMarki yi kəbɔnɛs tȧy bɛ, dɛ yi kȧmȧ nə wurɔ məkomi rə məyɔs o məyɔs məfinɔ, kȧmȧ nə bȧrnɛ sɔ-e ka kȧtȧrȧ ka Kuru.

1 AŋThɛsȧlonika 2:9

Kala nu ɛmerȧ awɔnt, ka mapanth ma su məbana dɛ yi mȧyɔs ma su. Sə la piara pali, sə la sɔkɔ gbɛs kȧmȧ sə te səkɛ kothe do rɔnu, ma sə bɔ tɔri nu ȧkɛra kəfinɔ ka Kuru.

2 AŋThɛsȧlonika 3:8

Sə səkɛ hɛ kothe ta wuni o wuni; kɛrɛ sə bȧsər kəyɔ məpanth gbɛs pali-əŋ, kȧmȧ sə te kɛthas wuni o wuni kətɔŋ ka nu.

Taytɔs 2:8

dɛ yi sim təbeki lanɛ ȧtȧ wuni o wuni ɔ gbəli hɛ thɛkɛ; kȧmȧ kɔn ɔwe təmȧ kəŋamnɛ-e, ɔ tə lap mɔ mɔ te ba tȧy tələs tə kəfofiya mu.

Taytɔs 3:8

Ȧrim are rə yi tȧteŋ, ɔwa i yema kȧmȧ mə thiŋkər mȧtȧy ame katkat kȧmȧ ŋaŋ aŋa po lanɛ Kuru-e aŋ gbəli yi afəm asɔbɛ tə kəyɔ məyɔs məfinɔ. Mȧtȧy ame mə yi məfinɔ, ɔwa mə mar sɔ afəm bɛ.

2 Pitar 1:8

kotȧy-e bepi mȧtȧy ame mə yi nu, ɔwa mə bȧrnɛ sɔ-e, mə tə yɔ nu nə tȧrȧ ɔMarki kȧsu Yisɔs Kraystȧŋ kəte yi na ayay thalɔm na akoŋfereŋ ka kȧtȧrȧ kati.