Taytɔs 2:11 - Ȧŋlemrȧnɛ Ȧfu

¹¹ kotȧy-e ȧŋboŋa ŋa Kuru aŋ ŋaibinɛ salata kakisi ka afəm bɛ,

Taytɔs 2:11 ပူးပေါင်းရင်းမြစ်များ

Mathiu 28:19

Tiyȧŋ kɔnɛ nu ka tǝbona bɛ-e, nǝ sǝki ŋa akarande, nǝ baftays ŋa ka ȧŋes ŋa ɔKas, yi aŋa ɔWan, yi aŋa ɔYina mǝsǝm;

Mark 16:15

kɔ pa ro ŋaŋ, Kɔnɛ nu ka ȧdȧru bɛ, ɔwa taməs nu ȧkɛra kəfinɔ ka Kuru ka wuni o wuni.

Luk 24:47

kȧmȧ a taməs kathupi yi katerɔ ka ɛhakɛ ka ȧŋes ŋɔŋ ka tȧbona bɛ, kətəp ro Yerusalɛm.

Luk 3:6

Ɔwa afəm sɛŋk aŋ tə nənk kakisi ka Kuru.

Yɔn 1:14

Ka Ȧrim rə səkɛ wuni, kɔ yirȧ kətɔŋ kȧsu, ɔwa sə kəli aŋyiki ŋɔŋ, aŋ yi mɔ aŋyiki ŋa ɔWan son ka ɔKas, ɔ la aboŋa yi tȧteŋ.

Yɔn 1:9

ȧŋmothȧ ȧtəteŋ aŋ yi, aŋa mothər wuni o wuni, ɔwe mə wɔŋ ka ȧdȧru.

Mȧyɔs ma aŋsom 11:23

Ɔwa kɔnɔ ma ɔ bek-e, ɔwa ɔ nənk ȧŋboŋa ŋa Kuru-e, pə bɔnɛ kɔ. Kɔ maŋ ŋa bɛ tə kəgbȧpsȧ ɔMarki rə məbotəs ma ȧmerȧ.

Mȧyɔs ma aŋsom 13:43

Ɔwa ma aŋgbanɛ aŋ sakanɛ-e, aŋYuda agbȧthi yi ŋaŋ aŋa po lafthɛ ka kȧlanɛ aŋ tȧŋ Pɔlȧŋ yi Banabasȧŋ, kaŋ fɔfȧnɛ ŋa kȧmȧ aŋ bȧsər ka ȧŋboŋa ŋa Kuru.

Mȧyɔs ma aŋsom 13:47

kotȧy-e ya ɔMarki ɔ yamari su, ɔ pa, I po təmər mu tə kəyi amotha ta tȧbona təlɔm, Kama mə yi ta kakisi haŋ ka ɔthalnɛ wa ȧdȧru.

Mȧyɔs ma aŋsom 17:30

Tiyȧŋ Kurɔŋ ɔ paysa ɛfɔr ka ɛlɔkɔ ya kate tȧrȧ, kɛrɛ ka-ake ɔ yamari aŋfəm dɛr o dɛr tə kəthupi.

Mȧyɔs ma aŋsom 20:24

Kɛrɛ mȧtȧy ame mə yɔ hɛ i borȧnɛ, ɔwa i gbasi hɛ aŋesəm a mi mɔ rəka rəbaki mɔlɔ ta ȧtȧ mi, kaŋka gbo i gbəli gbanthi ȧŋbara a mi yi məbɔnɛ, dɛ yi mapanth ama ɔMarki Yisɔs ɔ sɔŋ mi, tə kəseri ȧkɛra kəfinɔ ka ȧŋboŋa ŋa Kuru.

AŋRomans 10:18

Ɔwa i yif, aŋ tha la hɛ təl ras-i? Yao, tɛntɛnɛ kotȧy-e, Tafɔf ta aŋsom tə po gbanthɛnɛ ka ȧdȧru bɛ, Yi ȧsim taŋ haŋ ka ɔgbanthir wa ȧdȧru.

AŋRomans 5:15

Kɛrɛ ɔgbaskɛ ɔ yi kətɔŋ ka aŋhakɛ ŋa Adȧm yi ȧŋboya ŋa Kuru, kotȧy-e bepi, asabu ŋa aŋhakɛ ŋa wuni kin-e, afəm bɛ aŋ ba tə kəfi-e, pə tha gbethi ȧŋboŋa ŋa Kuru yi ȧŋboya ŋa ȧŋboŋa aŋa mə der salata ɔwuni kin, Yisɔs Kraystȧŋ, aŋ tə thɛrmɛ ka afəm bɛ.

AŋRomans 5:2

ka ɔwe sə sɔthɔ roŋ rə kəlanɛ ka ȧŋboŋa ŋa Kuru ro sə təmȧ. Ɔwa ta pə bɔnɛ su salata kagbak ȧmerȧ ka aŋyiki ŋa Kuru.

2 AŋKɔrenth 6:1

Ɔwa ma sə pantnɛ yi kɔn ka mȧpanth-e, sə nɛmthɛnɛ nu kȧmȧ nə te sɔthɔ ȧŋboŋa ŋa Kuru kətiŋ.

AŋKȧletia 2:21

I yɔ hɛ kȧmȧ ȧŋboŋa ŋa Kuru aŋ yi kətiŋ, kotȧy-e bepi mȧlompi ma yi ka anthɔ-e, Krayst ɔ po fi fu fa fu.

AŋƐfisɔs 2:5

hali ma sə yi saŋ afi ka ɛhakɛ-e, ɔ kȧl sɔŋ su aŋesəm dɛ yi Kraystȧŋ, (a kisis nu ka aboŋa);

AŋƐfisɔs 2:8

kotȧy-e rȧ aboŋa a kisis nu asabu ŋa kəlanɛ; pə yi hɛ ka aŋfɔsɔ a nu, pə yi ȧŋboya ŋa Kuru Məsaba.

AŋKɔlɔsi 1:23

Bepi pə yi gbo-e nə bȧkər asɔbɛ ka kȧlanɛ, ɔwa nə təmȧ kəŋkəŋ abȧki gbaŋ, nə gbapɛ hɛ kagbak ȧmerȧ ka nu ka ȧkɛra kəfinɔ ȧke nə po təl, dɛ yi ȧke a po kawandi ka wuni o wuni nɔru. Ɔwa minɛŋ, Pɔl, a səki mi ukɔtha ka ȧkɛra kati.

AŋKɔlɔsi 1:6

Ȧrim rati rə bek do rɔnu mɔ mȧ rə po yɔ ka ȧdȧru rəlolok bɛ. Ɔwa rə kȧl wurɔ ŋani mɔ mə rə yɔ do rɔnu kȧbi ka ȧŋrey ma nə mɔtha təl, ɔwa nə mɔtha tȧrȧ ȧŋboŋa ŋa Kuru təteŋ;

2 AŋThɛsȧlonika 2:16

Ɔwa ka-ake, ɔMarki kȧsu Yisɔs Krayst kɔn kɔnɔnɛ, yi Kuru ɔKas kȧsu ɔwe po bɔthər su, dɛ yi ɔwe sɔŋ su kəbɛfəth dɛ yi kəgbak ȧmerȧ kəthəbana kətȧŋȧnɛ ȧŋboŋa ŋɔŋ,

1 Timɔthi 1:14

Ɔwa ȧŋboŋa ŋa ɔMarki kȧsu aŋ yi abana athasər ta ȧtȧ mi, kaŋ sɔŋ mi kȧlanɛ yi mabɔthər ka Krayst Yisɔsȧŋ.

1 Timɔthi 2:4

ɔwe yema kȧmȧ afəm bɛ aŋ kisi, yi kȧmȧ aŋ sɔthɔ kȧtȧrȧ ka tȧteŋ.

2 Timɔthi 1:10

kɛrɛ ka-ake kə poŋ ŋaibɛ ka katɔrinɛ ka ɔKisis kȧsu Yisɔs Kraystȧŋ, ɔwe po tham rȧfi, kɔ wurɔ gbafəth aŋesəm yi kȧte fi kətaŋ ka ȧkɛra kəfinɔ ka Kuru.

2 Timɔthi 4:17

Kɛrɛ ɔMarki ɔ təmȧ mi rayɛr, kɔ bȧksər mi, kȧmȧ pə yi ȧŋsabu a mi, tȧbona təlɔm bɛ aŋ tə təl ȧkɛra kəfinɔ ka Kuru; kɔ kathi mi ka kȧsəŋ ka ȧŋsoyila.

AŋHibru 12:15

Kəli nu finɔ kȧmȧ wuni o wuni ɔ te bun ȧŋboŋa ŋa Kuru; ta thani rəka rəroŋkəth rə te lɔkɔ kətɔŋ ka nu-e, tə kəkɛthas nu, haŋ agbȧthi aŋ nɔkɔsnɛ.

AŋHibru 2:9

Kɛrɛ sə nənk kɔn ɔwe a bɛmpa roratha ka aŋmȧleka ta alɔkɔ agbut, hali Yisɔs, ɔwa a pɔlɔ kɔ ka-ake rə ayiki abana asabu ŋa anakasi ŋa rəfi, kȧmȧ pə re yi ka ȧŋboŋa ŋa Kuru-e, ɔ gbəli tham rəfi ta wuni o wuni.