17 Ɔwa maŋ nənk kɔ-e, aŋ bȧtho kɔ kɛrɛ aŋlɔm aŋ sikɛ.
Tɛntɛnɛ i kanɛ nu, alɔm aŋ tǝma nɔ aŋa te ba kǝnǝŋk rǝfi, haŋ aŋ nənk ɔWan ka wuni ɔ der ka rȧbȧy rɔŋ.
Ka Yisɔs ɔ gbanɛ ŋa, ɔ pa, Kori nu-o. Kaŋ der aŋ wop ȧtȧtək tɔŋ, aŋ bȧtho kɔ.
Ŋaŋ, maŋ təl kəpa ɔ kəli-e, ɔwa kəpa ɔya ɔ nənk kɔ-e aŋ lanɛ hɛ ti.
kaŋ kɔnɛ aŋ kanɛ ti ka aŋlɔm, kɛrɛ aŋ lanɛ hɛ ŋa sɔ.
Kədarəŋ kati ɔ tɔrinɛ sɔ ka aŋtɔfɔt ukin ma aŋ yirȧ ka kədi, kɔ fɔfər ŋa ta kate lanɛ ka ŋaŋ yi kagbolŋanɛ ka ɛmerȧ yaŋ pəkasifɛ aŋ lanɛ hɛ ŋa aŋa po nənk kɔ kədarəŋ ka kȧyokanɛ kɔŋ ka rafi.
kȧmȧ afəm bɛ aŋ yikis ɔWan mɔ mə aŋ yikis ɔKas. Kɔnɔ ɔwe mə te yikis ɔWan, ɔ yikis hɛ ɔKas ɔwe som kɔ.
Ka aŋa sɔ ɔ tɔrinɛ ukəli kədarəŋ ka kanakasi kɔŋ, rə məseri məgbəraŋ məgbathi rə ɛlɔkɔ ɛgbaskɛ, ka mərey təgba tərəŋ-e, ɔwa ɔ fɔf ta rȧbȧy ra Kuru.
Kədarəŋ kati ɔ tɔrinɛ ka awɔnt athasi tɛmɛ tamath ka kətəma win, ɔwa agbȧthi pay aŋ tiyȧ haŋ ka-ake, kɛrɛ alɔm aŋ po fi.
