18 kotȧy-e ɔ tȧrȧ kǝpa ta kǝtut tǝ aŋ lȧnki kɔ.
Tiyȧŋ, maŋ po thoŋklanɛ dɛr rɔkin-e, Pailatȧŋ ɔ pa ro rɔŋaŋ, Kanɛ nǝ yema i tera nu-e, Barabasȧŋ thalɔm Yisɔsȧŋ ɔwe a bont Kraist-e?
Ma ɔ yirȧ ka kawaŋ ka kǝthoŋkas-e, ɔrani kɔŋ ɔ somǝr kɔ, kɔ pa, Te ba tȧy o tȧy tǝ kǝyɔ ɔlaŋgba ulompi ɔwɔŋ, kotȧy-e i sɔmpanɛ mətȧy mǝgbathi thonɔŋ rǝ kǝwɔrǝp ta sala tɔŋ.
kotȧy-e ɔ tȧrȧ kəpa aŋfode abana aŋ lȧnki kɔ ta kətut.
Kɛrɛ ma aŋYuda aŋ nənk ȧsuniya-e, aŋ la kətut, kaŋ pɛnsa ȧtȧ Pɔlȧŋ ɔ pa, aŋ fɔf ɔləs.
Ka ɔfode ubana ɔ yokanɛ yi ŋaŋ bɛ aŋa yi yi kɔnɔŋ-e, (aŋa yi ka kagbanth ka aŋSadusi), aŋ la kətut,
Ka aŋkas aŋ ba kətut ta Yosɛf, kaŋ thila kɔ ro Iyipt; kɛrɛ Kuru ɔ yi yi kɔnɔŋȧŋ,
Nə nanɛ kəpa mȧgbal məsəm mə pa kətiŋ-i, ƆYina məsəm ɔwe yi su rokor ɔ kəlianɛ su dɛ yi kətut kəbaŋ-i?
