Mathiu 25:46 - Ȧŋlemrȧnɛ Ȧfu

⁴⁶ Ɔwa aŋe aŋ tǝ kɔ ka athalǝr ŋa thǝbana, kɛrɛ aŋlompi aŋ tǝ kɔ ka aŋesǝm thǝbana.

Mathiu 25:46 ပူးပေါင်းရင်းမြစ်များ

Mathiu 13:43

Ka ȧŋlɔkɔ ŋati aŋlompi aŋ tǝ gbɛntha mɔ aret ka rȧbȧy ra ɔKas ka ŋaŋ. Ɔwe ba ɛlǝns ta ɔ tǝl.

Mathiu 19:16

Ɔwa kǝla, wuni kin ɔ der ro ŋɔŋ, kɔ pa, Karmɔkɔ, ko tȧy tǝfinɔ tǝ mǝ i yɔ kȧmȧ i sɔthɔ aŋesǝm thǝbana-e?

Mathiu 19:29

Ɔwa wuni o wuni ɔwe po tey ɛseth, thalɔm awɔnt aruni, thalɔm awɔnt abɛra, thalɔm ukas, thalɔm ukara, thalɔm urani, thalɔm awuth, thalɔm tǝthɔf salata ȧŋes a mi-e, ɔ tǝ bȧr sɔthɔ mɔlɔ ma kǝtǝma kɛmɛ kin, ɔwa ɔ tǝ sɔthɔ sɔ aŋesǝm thǝbana.

Mathiu 25:41

Ȧŋlɔkɔ ŋati ɔ tǝ pa ro ŋaŋ aŋa yi ka kȧmɛrɔ kɔŋ, wur mi nɔ naŋ aŋa ba ȧranka, kɔnɛ nu ka anant na tǝbana ana a bɛnɛnɛ ta ɔkǝrǝfi yi aŋmȧleka ŋɔŋ.

Mathiu 25:45

Ɔwa ɔ tǝ pa ro ŋaŋ, Tɛntɛnɛ i kanɛ nu kǝpa, kǝbi ma nǝ te yɔ yi ka ukin ka aŋlɔl lɔl aŋe-e, nǝ yɔ hɛ ti ro rɔmi.

Luk 16:26

Pəthas ȧte, kətɔŋ ka mu yi saŋ a po bot akaŋ abana kȧmȧ ŋaŋ aŋa yema wur nɔ tə kəfəsi ro nu aŋ gbəli hɛ; ɔwa kȧmȧ ŋaŋ ri aŋ te gbəli fəsi ro rɔsu.

Yɔn 17:2

mɔ mȧ mə sɔŋ kɔ afɔsɔ ka afəm bɛ, kȧmȧ ɔ sɔŋ aŋesəm thəbana ka ŋaŋ aŋa mə sɔŋ kɔ.

Yɔn 3:36

Kɔnɔ ɔwe mə lanɛ ka ɔWan ɔ ba aŋesəm thəbana: kɛrɛ wuni ɔwe mə te lanɛ ka ɔWan-e, ɔ ba hɛ kənəŋk aŋesəm; kɛrɛ rabaŋ ra Kuru rə rensa kɔ.

Yɔn 4:14

kɛrɛ wuni o wuni ɔwe mə mun ȧmȧnt ama i ti sɔŋ kɔ-e, rəmun rə wop hɛ kɔ sɔ thəbana; kɛrɛ ȧmȧnt ama i ti sɔŋ kɔ mə tə səkɛ rəfɔr ra mȧnt rokor kɔŋ, ara mə gbuthɛ ka aŋesəm thəbana.

Yɔn 5:24

Tɛntɛnɛ i kanɛ nu, Kɔnɔ ɔwe mə təl ȧrim ra mi, ɔwa ɔ lanɛ ɔwe som mi-e, ɔ ba aŋesəm thəbana, ɔ ba hɛ tə kəsɔthɔ mətheri; kɛrɛ ɔ po thas rəfi kəkɔ ka aŋesəm.

Yɔn 5:29

ɔwa aŋ tə wur ri, ŋaŋ aŋa po yɔ ɔfinɔ, aŋ tə yokanɛ ka aŋesəm, ɔwa ŋaŋ aŋa po yɔ ɔləs, aŋ tə yokanɛ ka mətheri.

Yɔn 6:27

Te thɔrɔ ta adarədi ara mə dinɛ, kɛrɛ thɔrɔ ta ȧdarədi ara mə tiyȧ haŋ ka aŋesəm thəbana, ara ɔWan ka wuni ɔ tə sɔŋ nu: kotȧy-e kɔnɔ Kuru ɔKas ɔ po mathlɛ.

Yɔn 6:40

kotȧy-e mȧselɔ ma ɔwe som mi mi ame, kəpa wuni o wuni ɔwe mə nənk ɔWan, ɔwa ɔ lanɛ kɔ, ɔ tə sɔthɔ aŋesəm thəbana, ɔwa i ti yokas kɔ ka ȧŋrey aləpsɔ.

Mȧyɔs ma aŋsom 13:46

Ka Pɔl yi Banabasȧŋ aŋ fɔf yi kəmintha, kaŋ pa, Pə ba kəyi kəpa a mɔtha tɔri nu ȧrim ra Kuru; kɛrɛ ma nə pɛnsa ri-e, nə gbək ti kəpa nə bek hɛ tə kəsɔthɔ aŋesəm thəbana-e, sə tə lafthɛ ka tȧbona təlɔm.

Mȧyɔs ma aŋsom 13:48

Ɔwa ma tȧbona təlɔm aŋ təl ȧte-e, pə bɔnɛ ŋa, kaŋ yikis ȧrim ra Kuru; ɔwa ŋaŋ aŋa a bot tə kəsɔthɔ aŋesəm thəbana, aŋ lanɛ.

Mȧyɔs ma aŋsom 24:15

Ka i ba kagbak ȧmerȧ ka Kuru ȧke ŋaŋ gbeŋ aŋ malanɛ kəpa kȧyokanɛ ka aŋfi kə yi, ta aŋlompi yi ta aŋkənȧ.

AŋRomans 5:21

kȧmȧ mɔ ahakɛ aŋ gbəka salata rəfi, yaŋ sɔ aboŋa aŋ gbəka salata mȧlompi kəkɔ ka aŋesəm thəbana asabu ŋa Yisɔs Krayst ɔMarki kȧsu.

AŋRomans 6:23

kotȧy-e ȧŋrȧm ŋa ahakɛ aŋ yi rəfi, kɛrɛ ȧŋboya ŋa Kuru aŋ yi aŋesəm thəbana rokor ka Yisɔs Krayst ɔMarki kȧsu.

AŋKȧletia 6:8

kotȧy-e, kɔn ɔwe mə sak kətȧŋȧnɛ ka madɛr mɔŋ-e, ɔ tə rɔk kəthey kəwur ka madɛr; kɛrɛ kɔn ɔwe mə sak kətȧŋȧnɛ ka ɔYina-e, ɔ tə rɔk aŋesəm thəbana kəwur ka ɔYina.

2 AŋThɛsȧlonika 1:9

Ɔwa aŋ tə sɔthɔ kəthalər, hali kədinɛ kəwur ka kȧbəprȧnɛ ka Kuru, dɛ yi ka aŋyiki ŋa aŋfɔsɔ ŋɔŋ.

1 Yɔn 2:25

Ɔwa aŋlahiri aŋa ɔ lahiri su ŋa yi aŋesəm thəbana.

Yud 1:21

bȧkər nu ka mabɔthər ma Kuru, nə kəlianɛ ȧŋney ŋa ɔMarki kȧsu Yisɔs Krayst aŋa mə sɔŋ su aŋesəm thəbana.

Kȧŋȧibinɛ 20:10

Ka a fitha Sethani ɔwe yɛthas ŋa-e ka ȧŋbonka ŋa nȧnt dɛ yi ȧsɔlfɔ, ro ɔsɛm utuy tȧy dɛ yi ɔnȧbi uyem aŋ yi; ɔwa a tə gbaŋar ŋa ri pali gbɛs-əŋ haŋ thȧnkȧŋ thəbana.

Kȧŋȧibinɛ 20:15

Ɔwa wuni o wuni ɔwe te ba ȧŋes ŋɔŋ ka ȧkȧfȧ ka aŋesəm-e, a tǝ fitha kɔ ka ȧŋbonka ŋa nȧnt.

Kȧŋȧibinɛ 21:8

Kɛrɛ ŋaŋ aŋa ba rənes yi ante lanɛ, dɛ yi aŋləs-e, yi ŋaŋ aŋa dif kəsias-e, yi aŋfəm arəpi, dɛ yi anthupəs-e, yi ŋaŋ aŋa ramnɛ ɛyɛt ɛbumərnɛ, dɛ yi afəm ayem bɛ-e, aŋ tə ba ɛgbap yaŋ ka ȧŋbonka ŋa nȧnt dɛ yi salfər. Rafi ara bekȧ mȧrəŋ, riyȧŋ.