Mathiu 25:40 - Ȧŋlemrȧnɛ Ȧfu

⁴⁰ Ɔwa ɔbȧy ɔ tǝ pa ro ŋaŋ, Tɛntɛnɛ i kanɛ nu kǝpa, kǝbi ma nǝ po yɔ yi ka ukin ka aŋwɔnt mi-e, hali aŋlɔl lɔl aŋe-e, nǝ po yɔ ti ro rɔmi.

Mathiu 25:40 ပူးပေါင်းရင်းမြစ်များ

Mathiu 10:40

Ɔwe malanɛ nu ɔ malanɛ mi, ɔwa ɔwe malanɛ mi-e, ɔ malanɛ ɔwe som mi.

Mathiu 10:42

Wuni o wuni ɔwe mǝ sɔŋ apɔthi ŋa mȧnt mǝtaŋk tǝ kǝmun ka ukin ka aŋlɔl aŋe pǝkasifɛ ɔ yi ukarande-e, i kanɛ nu tɛntɛnɛ ɔ ba hɛ kǝdim ȧŋrȧm ŋɔŋ.

Mathiu 18:10

Botnɛ nu kȧmȧ nǝ te sai ukin ka aŋlɔl aŋe, kotȧy-e, i kanɛ nu kǝpa ro riyana aŋmȧleka ŋaŋ aŋ kǝli lɔkɔ o lɔkɔ ȧder ra ɔKas kȧmi ɔwe yi ro riyana.

Mathiu 25:34

Ka ȧŋlɔkɔ ŋati ɔBȧy ɔ tǝ pa ro ŋaŋ ka kȧdiyɔ kɔŋ, Der nu naŋ aruba ŋa ɔKas kȧmi, wɔŋ nu ka rȧbȧy ara a bɛnɛnɛ ta ȧtȧ nu kǝbi ma ȧdȧru rǝ tǝpɛ.

Mathiu 25:39

Alɔkɔ areke sǝ nənk mu mun tuy-e, thalɔm ka ȧŋseth ŋa tǝrǝŋka, ka sǝ der ro mu-e?

Mathiu 25:45

Ɔwa ɔ tǝ pa ro ŋaŋ, Tɛntɛnɛ i kanɛ nu kǝpa, kǝbi ma nǝ te yɔ yi ka ukin ka aŋlɔl lɔl aŋe-e, nǝ yɔ hɛ ti ro rɔmi.

Mathiu 28:10

Ka Yisɔsȧŋ ɔ pa ro ŋaŋ, Te nu nesa; kɔ nu kanɛ aŋwɔnt mi kȧmȧ aŋ kɔ ro Kalili ro mǝ aŋ nənk mi.

Mark 9:41

Wuni o wuni ɔwe mə sɔŋ nu mȧnt rə apɔthi tə kəmun ka ȧŋes a mi pəkasifɛ nə yi aŋa Kraist-e, tɛntɛnɛ i kanɛ nu ȧŋrȧm ŋɔŋ aŋ ba hɛ kədinɛ.

Luk 19:38

kaŋ pa, Ubȧy uruba wɔŋ ɔwe mə der ka ȧŋes ŋa ɔMarki; məthɔfəl ro riyana, ɔwa yiki rokɔm kɔm.

Yɔn 20:17

Yisɔsȧŋ ɔ pa ro ŋɔŋ, Te gboŋ mi; ȧtesoma-e, i tha ŋat hɛ ka ɔKas: kɔnɛ gbo ka aŋwɔnt a mi, mə pa ro ŋaŋ, I ŋat ka ɔKas kȧmi yi ɔKas ka nu; yi ka ɔKuru kȧmi, yi ɔKuru ka nu.

AŋRomans 8:29

kotȧy-e ŋaŋ aŋa Kuru ɔ po thith thəpaŋ, ɔ ba mabotəs mati kȧmȧ aŋ taŋanɛ ka mȧbȧlȧnɛ ma ɔWan kɔŋ, kȧmȧ ɔWan kɔŋ ɔ yi ɔbaki kətɔŋ ka awɔnt agbȧthi.

2 AŋKɔrenth 4:5

Ȧtesoma-e, sə taməsnɛ hɛ, kɛrɛ sə tam Krayst Yisɔs ɔMarki, dɛ yi saŋ mɔ ɛbɔy ɛ nu salata Yisɔsȧŋ

AŋKȧletia 5:13

Ȧtesoma-e, awɔnt, a po tela nu rə rəwaŋkom, kɛrɛ te gbo kianɛ rȧwankom ra nu mɔ afɛrɛ tə kəlasər mafela ma madɛr, kɛrɛ kətȧŋȧnɛ ka məbɔthər-e, yɔnanɛ ukin dɛ yi ulɔm.

AŋKȧletia 5:22

Kɛrɛ mȧkomi ma ɔYina mə yi, məbɔthər, məbɔnɛ, məthɔfəl, kəmuyu, ȧney, məthɔth, kəbɔthi lanɛ,

AŋKȧletia 5:6

kotȧy-e rokor ka Yisɔs Krayst kȧbirons thalɔm kəte birons kə ba hɛ tȧy o tȧy, thambe kəlanɛ ȧke mə yɔ məpanth kətȧŋȧnɛ ka məbɔthər.

AŋƐfisɔs 5:30

Pəkasifɛ sə yi malaŋktha ma ȧŋdɛr ŋɔŋ.

AŋHibru 6:10

kotȧy-e, Kuru ɔ ba hɛ məkənə tə kəpənɛ mapanth ma nu ma mȧbɔthər ama nə poŋ tɔri salata ȧŋes ŋɔŋ, ma nə po mar aŋfəm ŋɔŋ, ɔwa nə kȧl mar ŋa sɔ haŋ ka-ake.

1 Pitar 1:22

Ɔwa ma nə poŋ thɔŋ gbəransnɛ rə kəsanɛ ka tȧteŋ kəkɔ rə məbɔthər məgbenthis mȧ rȧwɔnt, kətȧŋ ka ɔYina məsəm, kəli nu kȧmȧ nə bɔthərȧnɛ asɔbɛ rə ȧmerȧ ȧferȧ,

1 Yɔn 4:20

Bepi wuni o wuni ɔ pa ɔ bɔthər Kuru, kɛrɛ ɔ gbɛŋa ɔwɔnt kɔŋ-e, ɔ yi uyem; kotȧy-e ɔwe te bɔthər ɔwɔnt kɔŋ ɔwe ɔ po nənk, to mɔ gbəli bɔthər Kuru ɔwe ɔ te tha nəŋk-e?

Kȧŋȧibinɛ 17:14

Aŋ tə tim kaLɔmɛ kəfɛth, kɛrɛ kaLɔmɛ kəfɛth ɔ tə tham ŋa; kotȧy-e kɔnɔ yi ɔMarki ka amarki, dɛ yi ɔBȧy ka abȧy; ɔwa ŋaŋ sɔ aŋa tȧŋ kɔ, aŋ tə tham dɛ yi kɔn, ȧtesoma-e aŋ yi atela, yi athith, dɛ yi abɔthi lanɛ.

Kȧŋȧibinɛ 19:16

Ɔwa ka ɛlopra yɔŋ dɛ yi ka aŋlənk ŋɔŋ a gbal ȧŋes aŋe, ƆBȦY KA AŊBȦY, YI ƆMARKI KA AŊMARKI.