Mathiu 25:34 - Ȧŋlemrȧnɛ Ȧfu

³⁴ Ka ȧŋlɔkɔ ŋati ɔBȧy ɔ tǝ pa ro ŋaŋ ka kȧdiyɔ kɔŋ, Der nu naŋ aruba ŋa ɔKas kȧmi, wɔŋ nu ka rȧbȧy ara a bɛnɛnɛ ta ȧtȧ nu kǝbi ma ȧdȧru rǝ tǝpɛ.

Mathiu 25:34 ပူးပေါင်းရင်းမြစ်များ

Mathiu 13:35

kȧmȧ ȧrim ra ɔnȧbi rǝ lasǝr ara pa, I ti fɔf rǝ ɛlomɔ, I ti thǝksa mȧtȧy ama a maŋk rǝ agbundu kǝbi ka ɔtɔpɛr wa ȧdȧru.

Mathiu 19:29

Ɔwa wuni o wuni ɔwe po tey ɛseth, thalɔm awɔnt aruni, thalɔm awɔnt abɛra, thalɔm ukas, thalɔm ukara, thalɔm urani, thalɔm awuth, thalɔm tǝthɔf salata ȧŋes a mi-e, ɔ tǝ bȧr sɔthɔ mɔlɔ ma kǝtǝma kɛmɛ kin, ɔwa ɔ tǝ sɔthɔ sɔ aŋesǝm thǝbana.

Mathiu 20:23

kɔ pa ro ŋaŋ, Tɛntɛnɛ nǝ tǝ mun ka ampɔthi a mi, ɔwa a tǝ baftays nu yi ȧŋbaftisəm aŋa a baftays mi. Kɛrɛ tǝ kǝyira ka kȧdiyɔ kȧmi yi ka kȧmɛrɔ ka mi-e, tȧy ta mi tǝ kǝsɔŋ thahɔ, kɛrɛ a tǝ sɔŋ ti ka ŋaŋ ta aŋa ɔKas kȧmi ɔ bɛnɛ ti.

Mathiu 21:5

Kanɛ nu ɔwan ubɛra ka ro Sayɔn, Kǝli ɔbȧy ka mu ɔ der ro rɔmu, Uthɔfǝl bɛm, ɔ rensa asofali, Asofali ufɛth.

Mathiu 25:21

Ɔmariki kɔŋ ɔ pa ro ŋɔŋ, Mǝ yɔ ɔlompi, munɔ mun bɔy ufinɔ ubɔthi lanɛ. Mǝ po yi ubɔthi lanɛ rǝ yɛt ɛthan. I ti bot mu rokɔm ka yɛt ɛgbathi. Wɔŋ ka mabɔnɛ ma ɔmarki ka mu.

Mathiu 25:23

Ɔmariki kɔŋ ɔ pa ro ŋɔŋ, Mǝ yɔ ɔlompi, munɔ mun bɔy ufinɔ ubɔthi lanɛ; mǝ po yi ubɔthi lanɛ rǝ yɛt ɛthan, i ti bot mu rokɔm ka yɛt ɛgbathi. Wɔŋ ka mabɔnɛ ma ɔmarki ka mu.

Mathiu 25:40

Ɔwa ɔbȧy ɔ tǝ pa ro ŋaŋ, Tɛntɛnɛ i kanɛ nu kǝpa, kǝbi ma nǝ po yɔ yi ka ukin ka aŋwɔnt mi-e, hali aŋlɔl lɔl aŋe-e, nǝ po yɔ ti ro rɔmi.

Mathiu 25:41

Ȧŋlɔkɔ ŋati ɔ tǝ pa ro ŋaŋ aŋa yi ka kȧmɛrɔ kɔŋ, wur mi nɔ naŋ aŋa ba ȧranka, kɔnɛ nu ka anant na tǝbana ana a bɛnɛnɛ ta ɔkǝrǝfi yi aŋmȧleka ŋɔŋ.

Mathiu 27:37

Rokɔm ka rȧbomp rɔŋ aŋ bot mȧgbal ama tɔri ȧte a gbanthir kɔ, mǝ pa, YISƆS KƆNƆ ƆWE ƆBȦY KA AŊYUDA.

Mathiu 3:2

Thupi nu, kotȧy-e rȧbȧy ra ro riyana rǝ po fat.

Mathiu 5:19

Tiyȧŋ wuni o wuni ɔwe mǝ sim ȧgbȧp alɔl ŋin ŋa ɛthɔ ɛye, ama ɔ thǝksa afǝm yaŋ-e, a tǝ bont kɔ ulɔl ka rȧbȧy ra ro riyana; kɛrɛ ɔwe mǝ wop ama ɔ thǝksa yi-e, a tǝ bont kɔ ubana ka rȧbȧy ra ro riyana.

Mark 10:17

Ma ɔ wur tə kəkɔ ka ȧŋbiyas ŋɔŋ-e, wuni kin ɔ der ro ŋɔŋ kəgbukɛŋ, ɔ sɔ təwu, ɔ yif kɔ, Karmɔkɔ ufinɔ, to mə i yɔ kȧmȧ i sɔthɔ aŋesəm thəbana-e?

Mark 10:40

Kɛrɛ tə kəyira ka kȧta kȧmi kədiɔ, thalɔm ka kȧta kȧmi kəmɛrɔ-e, tȧy ta mi thahɔ tə kəsɔŋ, kɛrɛ tə yi ta ȧtȧ ŋaŋ aŋa a bɛnɛnɛ ti.

Luk 11:28

Kɛrɛ kɔnɔ ɔ pa, Ŋa tha ba aruba aŋa təl ȧrim ra Kuru-e ɔwa aŋ wop ri.

Luk 11:50

kȧmȧ a kɔpra ka rȧkomra are mȧtir ma aŋnabi bɛ ama a loŋ kȧbi ka kabot ɔtəmər wa ȧdȧru,

Luk 12:32

Kuthi kəlɔl, te nu nesa; pəkasifɛ pə thesis ɔKas ka nu tə kəsɔŋ nu rȧbȧy.

Luk 19:38

kaŋ pa, Ubȧy uruba wɔŋ ɔwe mə der ka ȧŋes ŋa ɔMarki; məthɔfəl ro riyana, ɔwa yiki rokɔm kɔm.

Yɔn 1:49

Nathanɛlȧŋ ɔ wosa ɔ pa ro ŋɔŋ, Karmɔkɔ, munɔ yi ɔWan ka Kuru; munɔ yi ɔbȧy ka ro Isrɛl.

Yɔn 12:13

aŋ gbasi ɛrɔŋkɔ, kaŋ wur tə kəgbans kɔ, aŋ sel ɛrɔŋ, Hosana uruba wɔŋ ɔwe mə der ka ȧŋes ŋa ɔMarki ɔBȧy ka Isrɛl.

Yɔn 17:24

Pa, aŋfəm aŋa mə po sɔŋ mi, i yema kȧmȧ ŋaŋ sɔ aŋ yi ro minɛŋ i yi; kȧmȧ aŋ nənk aŋyiki a mi aŋa mə po sɔŋ mi: ȧtesoma-e mə bɔthər mi yeŋka a bot ɔtəmər wa ȧdȧru.

Yɔn 19:15

Kɛrɛ aŋ woŋa, aŋ pa, Kera kɔ nu, kera kɔ nu, tȧŋ kɔ ka akənt kəpəŋkinɛ. Payletȧŋ ɔ pa ro ŋaŋ, Nə yema i tȧŋ ɔBȧy ka nu ka akənt kəpəŋkinɛ-i? Aŋfode abana aŋ pa, Sə ba hɛ ubȧy thambe Sisarȧŋ.

Mȧyɔs ma aŋsom 15:18

ƆMariki ɔwe mə tɔri mȧtȧy ame bɛ kȧbi ka thəpaŋ, kɔnɔ pa.

Mȧyɔs ma aŋsom 3:26

Ɔwa ma Kuru ɔ po yokas ɔWan kɔŋ Yisɔsȧŋ, ɔ mɔtha somra kɔ ro rɔnu tə kəruba nu, ka kalafthi nu-e, naŋ bɛ kəwur ka makənə ma nu.

AŋRomans 8:17

Ɔwa bepi sə yi awuth-e, sə yi thɔŋ abȧki ŋa akɛŋ, abȧki ŋa Kuru, yi aŋyeranɛ dɛ yi Krayst salata rabȧki, bepi pə yi sə nakasi yi kɔn, kȧmȧ sə sɔthɔ aŋyiki yi kɔn.

1 AŋKɔrenth 15:50

Ɔwa awɔnt, i kanɛ nu ȧte kəpa mədɛr yi mətir ɛ gbəli hɛ sɔthɔ rȧbȧy ra Kuru; ta a pa ras ara ba kəthey rə te gbəli sɔthɔ ara mə te thei thȧnkȧŋ.

1 AŋKɔrenth 2:9

Kɛrɛ mɔ mȧgbal mə pa hɔ, Rafɔr rə te tha nənk, aŋləns aŋ te tha təl, Thalɔm ȧŋmerȧ ŋa wuni aŋ te tha nanɛ Mȧtȧy ama Kuru ɔ po bɛnɛnɛ ta ȧtȧ ŋaŋ aŋa bɔthər kɔ.

1 AŋKɔrenth 6:9

Nə tɛ hɛ kəpa ante lomp aŋ gbəli hɛ sɔthɔ rȧbȧy ra Kuru-i? Te selɔ a tɔns nu; pə yi afəm anɔkɔ-o, pə yi ŋaŋ aŋa ramnɛ ka ɛrɔŋ-o, pə yi afəm aŋa yɔ kərəp tətəp tətəp-o,

AŋKȧletia 5:21

ɛmilɛ, kȧdif, kȧtis, kȧbɔthər ɛmet dɛ yi mȧtȧy məwunɔŋ; ta ȧte i kȧl maŋ nu, mɔ mə i la maŋ nu thɔŋ, kəpa afəm aŋa mə yɔ mȧtȧy mati ame aŋ gbəli hɛ sɔthɔ rȧbȧy ra Kuru.

AŋƐfisɔs 5:5

kotȧy-e nə tȧrȧ ti tə tɛntɛnɛ kəpa wuni rəpi, thalɔm wuni nɔkɔ-e, thalɔm wuni ba ɛfɔr ɛyamari-e, ɔwe yi mɔ ubȧtho arɔŋ-e, ɔkati ɔ ba hɛ ani ka rȧbȧy ra Krayst yi Kurɔŋ.

1 AŋThɛsȧlonika 2:12

Kama pə re yi nə gbəli kɔth mɔ pə bekȧnɛ ka Kuru, ɔwe po tela nu ka rȧbȧy rɔŋ ra ayiki.

2 Timɔthi 2:12

Bepi sə sɔmpanɛ-e sə tə gbəka sɔ yi kɔn; bepi sə pɛnsa kɔ, kɔnɔ sɔ ɔ tə pɛnsa su.

2 Timɔthi 4:8

Tiyȧŋ ȧniyɔ ŋa mȧlompi aŋ yi ta ȧtȧ mi, aŋa ɔMarki, ɔThoŋkas ulompi, ɔ tə sɔŋ mi ka ȧŋrey ŋati; ɔwa pə yi hɛ ta ȧtȧ mi gbo son-e, kɛrɛ ta ȧtȧ ŋaŋ bɛ aŋa bɔthər kȧder kɔŋ.

AŋHibru 1:14

Aŋmȧleka bɛ aŋ yi hɛ gbo ɛyina ɛyɛ yɔna Kuru-i, ɛyɛ ɔ som tə kəmar ŋaŋ aŋa mə re sɔthɔ kəkisi-i?

AŋHibru 11:16

Kɛrɛ ka-ake aŋ fela athɔf afisa aŋa yi mɔ ro riyana; tiyȧŋ Kuru ɔ lap hɛ maŋ tela kɔ ɔKuru ka ŋaŋ, pəkasifɛ ɔ po bɛnɛnɛ kəpet ta ȧtȧ ŋaŋ.

AŋHibru 4:3

kotȧy-e saŋ aŋa po lanɛ sə wɔŋ ka ɔfothanɛ wati, mɔ mɔ pa, I gbiŋ ka rȧbaŋ da mi, kəpa, Aŋ gbəli hɛ wɔŋ ka ɔfothanɛ ɔ mi; hali ma Kuru ɔ pons thɔŋ mȧpanth mati kȧbi ka ɔtəpɛr wa ȧdȧru.

AŋHibru 9:26

kotȧy-e bepi pə yi yaŋ Krayst ɔ ba naŋ tə kəsɔndnɛ ɛlɔkɔ ɛlai kȧbi ka ɔtəpɛr wa ȧdȧru; kɛrɛ ka-ake ka ɔthalnɛ wa aŋyamana ɔ po tɔrinɛ win haŋ thəbana tə kəpons ɛhakɛ kətȧŋȧnɛ ka kasɔndnɛ kɔŋ.

Yeməs 2:5

Su aləns aŋwɔnt a mi abɔthər, ŋaŋ aŋa ȧdȧru rə bont amɔnɛ-e, Kuru ɔ thith hɛ ŋa tə kəyi ayola ka kȧlanɛ-i, yi tə kəsɔthɔ rȧbȧy ara ɔ po lahiri ŋaŋ aŋa bɔthər kɔ-i?

1 Pitar 1:9

kəsɔthɔ ɔtand wa aŋlanɛ a nu, ɔwe yi kakisi ka rafəm ra nu.

1 Pitar 3:9

Te nu kala ɔləs ta ɔləs, thalɔm kənal ta kənal; kɛrɛ kala aruba, pəkasifɛ nə tȧrȧ kəpa a po muti nu tə kəsɔthɔ aruba.

Kȧŋȧibinɛ 13:8

Ɔwa ŋa bɛ aŋa yirȧ ka ȧdȧru aŋ tə bȧtho kɔ, pə yi mɔ-e, ŋa bɛ aŋa te ba ames maŋ ka ȧkȧfȧ ka aŋesəm ka kaLɔmɛ kəfɛth, ɔwe a fai sathka kȧbi ka ɔtəpɛr wa ȧdȧru.

Kȧŋȧibinɛ 17:8

Ɔsɛm ubaŋ ɔwe mə po nənk ɔ la yi, kɛrɛ ɔ yi hɛ sɔ, kɛrɛ pə tiyȧ gbo ɔthan ɔ tə kȧl wur ka ȧŋbi aŋa te ba ɔthalnɛ, kəkɔnɛ ka kadinɛ; ɔwa aŋfəm ŋa ȧdȧru aŋ tə kabanɛ, ŋa bɛ aŋa te la ba ames maŋ ka ȧkȧfȧ ka aŋesəm kȧbi ka ɔtəpɛr wa ȧdȧru, maŋ nənk ɔsɛm ubaŋ ɔwe la yi, ɔwa ɔ yi hɛ sɔ, kɛrɛ ɔ yi tə kəder.

Kȧŋȧibinɛ 19:16

Ɔwa ka ɛlopra yɔŋ dɛ yi ka aŋlənk ŋɔŋ a gbal ȧŋes aŋe, ƆBȦY KA AŊBȦY, YI ƆMARKI KA AŊMARKI.

Kȧŋȧibinɛ 21:7

Ɔwe tham ɔ tə sɔthɔ mȧtȧy ame bɛ kəŋ. Ɔwa minɛŋ i ti yi ɔKuru kɔŋ-e, ɔwa kɔnɔ ɔ tə yi ɔwan kȧmi.

Kȧŋȧibinɛ 5:10

Mə po səki ŋa rəbȧy dɛ yi afode ka ɔKuru kȧsu; ɔwa aŋ tə gbəka ka ȧdȧru.