Mathiu 25:21 - Ȧŋlemrȧnɛ Ȧfu

²¹ Ɔmariki kɔŋ ɔ pa ro ŋɔŋ, Mǝ yɔ ɔlompi, munɔ mun bɔy ufinɔ ubɔthi lanɛ. Mǝ po yi ubɔthi lanɛ rǝ yɛt ɛthan. I ti bot mu rokɔm ka yɛt ɛgbathi. Wɔŋ ka mabɔnɛ ma ɔmarki ka mu.

Mathiu 25:21 ပူးပေါင်းရင်းမြစ်များ

Mathiu 24:45

Kanɛ yi thɔŋ ȧŋbɔy ubɔthi lanɛ yi atempi, ɔwe ɔmarki kɔŋ ɔ po bot kɔ rokɔm ka kabɔr kɔŋ, kȧmȧ ɔ sɔŋ ŋa yɛt ɛdi ka ȧŋlɔkɔ ŋati-e?

Mathiu 24:47

Tɛntɛnɛ i kanɛ nu kǝpa ɔ tǝ sɔŋ kɔ afɔsɔ rokɔm ka ara ɔ ba bɛ.

Mathiu 25:23

Ɔmariki kɔŋ ɔ pa ro ŋɔŋ, Mǝ yɔ ɔlompi, munɔ mun bɔy ufinɔ ubɔthi lanɛ; mǝ po yi ubɔthi lanɛ rǝ yɛt ɛthan, i ti bot mu rokɔm ka yɛt ɛgbathi. Wɔŋ ka mabɔnɛ ma ɔmarki ka mu.

Mathiu 25:46

Ɔwa aŋe aŋ tǝ kɔ ka athalǝr ŋa thǝbana, kɛrɛ aŋlompi aŋ tǝ kɔ ka aŋesǝm thǝbana.

Luk 12:44

I kanɛ nu ka tȧteŋ, ɔ tə bot kɔ rokɔm ka ɛyɛt bɛ ɛyɛ ɔ ba.

Luk 16:10

Kɛrɛ ɔwe yi ubɔthi lanɛ ka ɔthan ɔ yi ubɔthi lanɛ ka ɔgbȧthi; ɔwa kɔnɔ ɔwe yi ukənə ka ɔthan ɔ yi ukənə ka ɔgbȧthi.

Yɔn 12:26

Bepi wuni ɔ yema yi ȧbɔy a mi, ta ɔ tȧŋ mi; ɔwa ro minɛ i yi, ri sɔ ȧŋbɔy a mi ɔ tə yi: bepi wuni o wuni ɔ yɔna mi, kɔnɔ ɔKas mɔ yikis.

Yɔn 14:3

Ɔwa bepi i kɔ tə kəbɛnɛnɛ nu dɛr-e, i ti kȧl der sɔ, i ti ba nu ro mi: kȧmȧ ro minɛŋ i yi, nia sɔ nə tə yi.

Yɔn 17:24

Pa, aŋfəm aŋa mə po sɔŋ mi, i yema kȧmȧ ŋaŋ sɔ aŋ yi ro minɛŋ i yi; kȧmȧ aŋ nənk aŋyiki a mi aŋa mə po sɔŋ mi: ȧtesoma-e mə bɔthər mi yeŋka a bot ɔtəmər wa ȧdȧru.

AŋRomans 2:29

kɛrɛ ɔ yi uYuda tɛntɛnɛ ɔwe yi uYuda rə ȧmerȧ, yi kəbirons tɛntɛnɛ kə yi ka ȧŋmerȧ dɛ yi ka aŋyina, pə yi hɛ gbo ka mȧgbal son. Kakolo ka wuni wunɔ kə yi hɛ ka afəm, kɛrɛ kə wur ka Kuru.

1 AŋKɔrenth 4:5

Tiyȧŋ te nu thonkas yeŋka ȧŋlɔkɔ aŋ bek, kɛrɛ kar haŋ ɔMarki ɔ der ɔwe ba kəwura gbafəth mȧtȧy məmaŋknɛ ma ȧŋsum dɛ yi kətɔri sɔ ɛnanɛ ya ɛmerȧ. Ka ȧŋlɔkɔ ŋati wuni o wuni ɔ tə sɔthɔ aŋkori kori ŋɔŋ ka Kuru.

2 AŋKɔrenth 10:18

Ȧtesoma-e ɔwuni kolonɛ tha mə a malanɛ, kɛrɛ ɔwe ɔMarki ɔ kolo.

2 AŋKɔrenth 5:9

Tiyȧŋ sə timnɛ kȧmȧ pə yi hali sə bəpər thalɔm sə te bəpər, sə gbəli bɔnɛs kɔ.

AŋFilipai 1:23

kotȧy-e i yi rə akɛthanɛ, ma pə yi i ba afela abana tə kəkɔnɛ kȧmȧ i yi yi Kraystȧŋ ȧtesoma-e ŋə tə yi mi fisa finɔ.

1 Timɔthi 3:13

Tiyȧŋ ŋaŋ aŋa poŋ wop mapanth ma rȧkelia finɔ-e, aŋ tə sɔthɔnɛ ɔtəma wa ayiki, yi təbuth təbaki ka kȧlanɛ ȧke yi ka Krayst Yisɔsȧŋ.

2 Timɔthi 2:12

Bepi sə sɔmpanɛ-e sə tə gbəka sɔ yi kɔn; bepi sə pɛnsa kɔ, kɔnɔ sɔ ɔ tə pɛnsa su.

AŋHibru 12:2

Maŋ kəli nu Yisɔs təŋ, ɔTəpi yi ɔPons wa kȧlanɛ kȧsu; ɔwe muyu akənt kəpəŋkinɛ ta salata mabɔnɛ ama yi kɔ rodi, kɔ farki mȧlap, ɔwa ɔ poŋ yirȧ ka kȧdiyɔ ka kawaŋ ka rȧbȧy ka Kuru.

Kȧŋȧibinɛ 2:10

Te nesa tȧy o tȧy ȧtȧ mȧ mə ba kənakasi. Sethani ɔ tə fak alɔm kətɔŋ ka mu ka ȧŋseth ȧtərənkȧ kȧmȧ a mɛm mu, ɔwa mə tə sompanɛ mərey tɔfɔt. Ta mə yi ubɔthi lanɛ haŋ ka rȧfi, ɔwa minɛ i ti sɔŋ mu ȧniyɔ ŋa aŋesəm.

Kȧŋȧibinɛ 21:7

Ɔwe tham ɔ tə sɔthɔ mȧtȧy ame bɛ kəŋ. Ɔwa minɛŋ i ti yi ɔKuru kɔŋ-e, ɔwa kɔnɔ ɔ tə yi ɔwan kȧmi.

Kȧŋȧibinɛ 3:21

Ɔwe mə tham i ti sɔŋ kɔ mamari tə kəyira yi minɛŋ ka kawaŋ ka rȧbȧy ra mi, mɔ mə minɛ sɔ i po tham, ka i yirȧ yi ɔKas kȧmi ka kawaŋ ka rȧbȧy rɔŋ.

Kȧŋȧibinɛ 7:17

Kotȧy-e kaLɔmɛ kəfɛth ɔwe təmȧ rodi ka kawaŋ ka rȧbȧy ɔ tə yi utɔl ka ŋaŋ, ɔ tə kɔtha ŋa ka təfɔr ta mȧnt ma aŋesəm; ɔwa Kuru ɔ tə nasi ȧmȧntər bɛ ka ɛfɔr yaŋ.”